கவிச்சமர் - களம்

[அமரன்]

பழைய திரி நீளமாக இருப்பதால் புதிய திரி தொடங்கியுள்ளேன். சுட்டிப்பையனின் வெற்றித்திரி அறிவிப்பு இதோ..

மன்றத்தில் எதற்க்கும் பஞ்சம் இருக்கும் ஆனால் கவிஞர்களுக்கு மட்டும் பஞ்சமில்லை, இதோ உங்கள் எல்லோருக்கும் ஒரு சிறு வேலை அதுதான் கவிச்சமர்

ஒருவர் முதலில் ஒரு கவிதை எழுதுவார் அவர் முடிக்கும் கடைசி சொல்லில் அல்லது கடைசி வரியில் அடுத்தவர் கவிதை வடிக்க வேண்டும் முதலாதவரின் கவிதைக்கு எதிராகவோ இல்லை அதை சம்பந்தப் படுத்தியோ. அது சம்பந்தப் படாமலோ இருக்கலாம்

குறைந்தது 4 வரிகளாவது இருக்க வேண்டும்

கடைசிக்கவிதை இதோ..

சீராகுமா? சீறுமா?
என்ற
விலைவாசிக் கேள்விக் கரைகளுக்குள்
நுரைதள்ள ஓடுகிறது
கோட்டு வர்க்க வாழ்க்கை.

[ஓவியன்]

வாழ்க்கை
எழுத்திலும் சரி
நடப்பிலும் சரி
நம் கையில் தான்
தங்கியுள்ளது...!!

[மதுரை மைந்தன்]

தங்கியுள்ளது
அனுபவம் மட்டுமே
இடம் மாறலாம்
பொருள் மாறலாம்
மனிதர்கள் மாறலாம்
தங்கியுள்ளது
அனுபவம் மட்டுமே

[சுட்டிபையன்]

அனுபவம் மட்டுமே
எந்தன் வாழ்க்கையின்
வெற்றியென்பது
மடமையடா
அனுபவத்தையும்
தாண்டி ஆயிரமுள்ளது
நன் உலகில்

[poornima]

உலகில் சிறந்த
ஒரு இலக்கியம்
படைக்க ஆசை
நின்று கொஞ்சம்
பேசி விட்டு
போயேன்...

[நம்பிகோபாலன்]

போயேன் என்று
உதடுகள் உரைத்தாலும்
உன் விழி
என்னை போகாமல்
தடுப்பதை
நீ அறிவாயா

[மதுரை மைந்தன்]

நீ அறிவாயா?
உன்னை நான் பூஜிக்கிறேன் என்று
நீ அறிவாயா?
நீ இல்லாமல் என் உலகம் இயங்காது என்று
நீ அறிவாயா?
நமது தொடர்பு புனர் ஜென்மனாது என்று
நீ அறிவாயா?
நீ இல்லாமல் நான ஒரு நடை பிணம் என்று
நீ அறிவாயா?
அறிந்தும் அறியாமலும் தெரிந்தும் தெரியாமலும்
உனக்குள் நான் இருக்கிறேன் என்று

[அக்னி]

என்று
உன் மௌனம்
என்னை அழைக்கின்றதோ..,
அன்று
என் மூச்சு
உன்னோடு காதல் பேசும்...

[poornima]

பேசும் வார்த்தைகள்
எல்லா புரியவே இல்லை
கொஞ்சம் தோள்சாய்ந்துக்
கொள்ள இடம் கொடு
அது போதும்..

[மதி]

காதல் பேசும்
கண்களால்
சாகச் சொன்னாய்
நீ..!

மோதல் வந்தால்
வெல்லும் நான்
வீழ்ந்து போகிறேன்
உன் கண்ணில்..!

[kampan]

உன் கண்ணில் இருக்கும் கரு விழிகள்
என் உள்ளங்களை கட்டிப்போடும் கைவிலங்குகள்

வாசல் வரை வந்து வழிகாட்டும் உன் கைகள்
எனக்கு நீ வீசும் பாசக்கயிறுகள்.
பற்றிழுக்கவல்ல என்னை பறித்தெடுக்க

[அமரன்]

பறித்தெடுக்க முயன்றாலே
குத்திக் கிழிக்கும் முட்களும்
மலர்ந்துவிடுகின்றன
பறிக்கப்படாது வாடி வதங்கும்
பூக்களைப் பறிக்கையில்.