கவிச்சமர் - களம்

[மதுரை மைந்தன்]

பூக்களைப் பறிக்கையில்
செடிகளுக்கு வாயிருந்தால் அவை அழும்
பூக்களைப் பறித்தல்
கன்றை பசுவிடமிருந்து பிரித்தலுக்கு சமம்
பறிக்கப் பட்ட பூக்கள் வாடிவிடும்
பிரிக்கப் பட்ட கன்றுகள் உயிரை விடும்

[அமரன்]

உயிரை விடும்
கணம் அறிந்ததாலோ
வெடித்து அழுகிறது
விளக்கு!

[அனுராகவன்]

விளக்கு
எரிய திரி
மனிதன்
மலர
தியானம்

[அக்னி]

தியானம்
உன் நிறைவு...
தியாகம்
உன்னால் நிறைவு...

[மதி]

நிறைவு கொண்டிருந்தேன்
உன்னை நினையா நாளில்
இன்று
நிறைய விரும்புகிறேன்
நீயும் வா அருகில்

[அக்னி]

அருகில்
வந்தும் தீண்ட மறுத்த
உன் தாவணி முனை,
உரசியிருந்தால்
பற்றியிருக்குமா
என் நெஞ்சத்(தில்)துக்
காதல் தீ...

[poornima]

காதல் தீயை
மூட்டிவிட்டு
நீ பாட்டுக்கு போய்விட்டாய்
பற்றி எரிகிறது
பசலை தீ

[அக்னி]

பசலைத் தீ
உன் காகித மடலில்
எரிவது,
நீ சொல்லாமலே எனக்குத்
தெரிகின்றது...
கடலைத் தாண்டி வந்த
என்னால்,
இன்று
உன் காது மடல்களில்
என் முத்தத்தைச்
சத்தமாகத் தர மட்டுமே
முடிகின்றது...

[poornima]

முடிகின்ற
இதையெல்லாமா
எழுதிக் கொண்டிருப்பது?
கடல் தாண்டி வர
முடிந்த உன்னால்
இந்த மடல் தாண்டி
வர முடியாதா
என்ன?

[அக்னி]

”என்ன...”
கேட்டது
உன் இதழல்ல,
புருவம்...
”ஒன்றுமில்லை...”
என்றாடியது என் தலை.
ஆனால்,
விழி மட்டும்
உன்னை விட்டு
விலகவில்லை...

[மதுரை மைந்தன்]

விலகவில்லை
சான்றோர் பலர் எடுத்துரைத்தும்
சாதி வேறுபாடுகள்

விலகவில்லை
சுதந்திரம் கிடைத்தும்
அடிமைத்தனம்

விலகவில்லை
இந்தியன் அன்னியன் படங்கள் வந்தும்
லஞ்ச லாவண்யங்கள்

[அக்னி]

லஞ்ச லாவண்யங்கள்
அதிகரித்தன..,
இந்தியன், அந்நியன் படங்கள்
தந்த
நெளிவுசுளிவுகளால்...