ஒரு சின்ன அறிமுகம்

[ஐரேனிபுரம் பால்ராசய்யா]

என் இனிய தமிழ் மன்ற இதயங்களுக்கு,

நோடிகளில் சிதலமாகி,
பல ரணங்களின் வேடந்தாங்கலாகி,
பள்ளத்தில் வீழ்ந்து கிடக்கும்
நாடக கலையை
என் உயிர் மூச்சாக நினைத்து
வாழ்ந்து கொண்டிருப்பவன் தான்
இந்த ஐரேனிபுரம் பால்ராசய்யா.


இதுவரை இருபது நாடகங்கள் எழுதி மேடைகளில் அரங்கேற்றம் செய்திருக்கிறேன்.
நான் எழுதிய “ இடைவெளிகள்” எனும் நாடகம் 116 மேடைகளில் நடிக்கப்பட்டு வரும் நவம்பர் மாதம் அது நூலாக வெளிவர இருக்கிறது.

வார இதழ்களுக்கு கதைகள் எழுத ஆரம்பித்து இரண்டு வருடங்கள் தான் ஆகிறது. எனது கதைகள் ஆனந்த விகடன், குமுதம், குங்குமம், ராணி, பாக்யா, தங்கம், வெளிச்சம் உங்கள் கையில், தமிழ் மழை, போன்ற வார இதழ்களில் வெளிவந்திருக்கிறது.

குஜராத்தில் ஒரு தனியார் அலுவலகத்தில் உதவி மேலாளராக பணியாற்றிகொண்டே நேரம் கிடைக்கும் பொழுது எழுதி வருகிறேன். சொந்த ஊர் குமரி மாவட்டத்தில் ஒரு கிராமமான ஐரேனிபுரம் எனும் ஊர்.
பிறந்த மண்ணை பிரிந்தாலும் மண்ணின் பெயர் பெயரில் நிலைத்திருப்பதில் பெருமை
கொள்கிறேன். Unicode converter software கிடைத்தால் இன்னும் நிறைய தமிழில் எழுதலாம் தான். தற்பொழுது ஆங்கிலத்தில் டைப் செய்து தமிழ் மன்ற Unicode converter ல் மொழி மாற்றம் செய்து வருகிறேன்.


உங்களது மேலான ஆதரவு கண்டு வியந்து நிற்கும்

ஐரேனிபுரம் பால்ராசய்யா

[Narathar]

உஙளை மன்றத்தில் சந்திப்பதில் மிக்க மகிழ்ச்சி....... தமிழ் Unicode கன்வேர்ட்ட்டரை உங்களுக்கு PM இல் அனுப்புகின்றேன். என்ன fontஇல் உங்கள் ஆக்கங்கள் உள்ளது?

அவற்றை மன்றத்தில் பகிர்ந்து கொள்ளுங்கள். அகில உலகத்திலுள்ள அனைத்து சொந்தங்களும் படித்து பயனுறுவார்கள்

[Mano.G.]

இங்கே மற்றும் ஒரு படைப்பாளியை
கண்டு மனம் மகிழ்கிரது.

உங்களது 17வது பதிப்பில்
தங்களை அறிமுகம் செய்துள்ளீர்கள்

வாழ்த்துக்கள் ஜரேனிபுரம் பால்ராசையா அவர்களே



மனோ.ஜி

[ஐரேனிபுரம் பால்ராசய்யா]

அன்பு நண்பருக்கு,


TSCuthamba font software அனுப்பி வைத்தால் உதவியாக இருக்கும்


ஐரேனிபுரம் பால்ராசய்யா

[இளசு]

உங்கள் பங்களிப்பு மன்றத்துக்குக் கிடைப்பதில் மகிழ்ச்சியும் நன்றியும் ராசய்யா அவர்களே!

கதைகள், நாடகங்கள் அரிதாகிவிட்ட பிரபல வார இதழ்களில், எப்போதாவது கதைகள் படிப்பேன்.

நரசய்யா என்பவர் எழுதிய கதைகள் என்றால் உடனே படிப்பேன் - விகடனில்!
இனி ராசய்யா என்ற பெயரைப் பார்த்தாலும் படிப்பேன்.

உங்களுக்கு விருப்பெனில், உங்கள் இடைவெளிகள் நாடகம் உட்பட
எல்லாப் படைப்புகளையும் மெல்ல மெல்ல இங்கே இடுங்கள்.

எங்கள் ஊக்கமும் ஆதரவும் என்றும் உங்களுக்கு!

[அறிஞர்]

தங்களை மன்றத்தில் காண்பதில் மகிழ்ச்சி.. தங்களின் எழுத்து, நாடக முயற்சிகள்... அனைத்தும் வெற்றிபெறட்டும்.

நான் இகலப்பை கொண்டு தட்டச்சு செய்கிறேன்....

அதையே தாங்களும் உபயோகிக்கலாமே..

unicode சம்பந்தப்பட்ட எல்லா பாண்டுகளும் கீழ்கண்ட தளத்தில் உள்ளதே..

http://www.wazu.jp/gallery/Fonts_Tamil.html

[மன்மதன்]

படைப்பாளியின் அறிமுகம் கிடைத்ததில்
மகிழ்ச்சி பால்ராசய்யா அவர்களே..

எங்களுடன் கலந்திருங்கள்..

நல்வரவு..

[lolluvathiyar]

வாங்க பாலராசு ஆகா எத்தனை பெரிய சேவைகளை செய்து வந்திருக்கிறீர்கள். உங்கள் வருகை எங்களை சந்தோசபடுத்தியது.

[அமரன்]

மன்றத்தில் நீங்கள் ஜனித்த போது முதலாவது தேடலாம் அழுகையை தந்தீர்கள். வளர்ந்து தரும் அறிமுகத்தில் செழுமையை தந்துள்ளீர்கள்.

உங்கள் படைப்புகளை இங்கே காணும் ஆவலில்

[arun]

பால்ராசய்யா அவர்களே

மன்றத்தில் தங்களது வருகை மகிழ்ச்சியை அளிக்கிறது எங்களுக்காக தங்களது படைப்புகளை இங்கு பதியுங்கள்

[அக்னி]

என் இனிய தமிழ் மன்ற இதயங்களுக்கு,

வருக ஐரேனிபுரம் பால்ராசய்யா அவர்களே...
ஒரு படைப்பாளியின் வருங்கால ரசிகன் என்ற முறையில் வந்தனம் கூறுகின்றேன்.
நாடகக் கலையின் எச்சங்களைத் தேடி, நாடி பிடித்தறிய வேண்டிய காலப்பகுதியில்,
அதற்கு உயிர் ஊற்றித் தளைக்க வைக்கும், உங்களைப் போன்றவர்கள்,
தமிழ்மன்றத்திற்கு வருவது பெரும் பாக்கியம்.
என்றும் தொடரட்டும்.
நாடகக் கலையின் கிளைகளை, மன்றத்திலும் பரப்புங்கள்.
நம்மிடமிருந்தும் கருக்கொண்டு, நாடகங்களைப் பிரசவியுங்கள்.
என்றும் புகழ்பெற, எங்கும் புகழ்பெற,
வாழ்த்தி வரவேற்கின்றேன்...

[ஆதி]

மன்றத்தில் தேடலாக ஆரம்பித்த தங்கள் பயணம் எழுத்துலகில் இனிய பாடலாக் அமைய வாழ்த்துக்கள் ராசய்யா.. மன்றத்திலும் தங்கள் கதைகள் பதிக்கப்பட்டு பலரையும் பாதிக்கட்டும்.. வாருங்கள்...