மாதமெலாம்
முதல் தேதியைத்
மூச்சிறைக்க துரத்தியோடும்
நடுத்தர வர்க்கத்தின் நம்பிக்கைகள்
நாமிருவரும்..
ஆண்டாண்டுக்கு முன்
ஏழரை மணி பேரூந்தில்
ஆரம்பித்த நம் காதல்
இன்னும் கடைசி
இருக்கை காதலாகவே உள்ளது..
வண்ணப்புடவை அணிந்த
வெள்ளைப் பட்டாம் பூச்சியாய்
அருகு வந்தமர்ந்து
என் மனசுக்குள் பறப்பாய்
ஒவ்வொரு காலையும்..
கடல் தரித்த கரையில்
மணல் வருத்த கடலையை
கொறித்தவாறு
சிரித்து பேசி
சிறிது சிந்தி
சிறிது வாழ்ந்து
சிறிது நொந்து
மேலுமொரு பிரிவை நோக்கி
முற்றும் நம் சந்திப்புகள்..
அடிப்படை அவசியங்களின்
அடைப்பு குறியில்
அடங்கி முடிந்துவிடும்
நமதாசைகள்..
சிகையாழியின்
மிதம்மீறிய நரை வெம்மையில்
தட்பமிழக்கிறது
தம்பதிகளாகும் கனவுகளும்..
பாக்கிகளின் நிழல் விழுந்து
கருப்புற்றிருக்கும் பொருள் நிலா
ஊதிய ஏற்றத்திலும்
போதிய வெளிச்சம் பெறாமல்
தார்க் காகிதமாகிறது
தாறுமாறான விலை நீட்சியால்..
Bookmarks