உண்மையில் பெரிய விசயம் தான்..
உண்மையில் பெரிய விசயம் தான்..
அபினவ் பிந்த்ரா..!
ஆம்.. இதுதான் 110 கோடி இந்தியரும் உச்சரித்துக் கொண்டிருக்கும் பெயர். இந்தியாவின் பெருமையை ஓரளவேனும் உயர்த்திய மந்திரவாதியின் பெயர்.
ஒலிம்பிக் வரலாற்றில் இந்தியாவின் பெயரில் முதல் தனிநபர் தங்கத்தை வென்ற அபினவ், அதிகம் பேசாதவர். அமைதியானவர்.
2002 ம் ஆண்டில் கேல் ரத்னா விருது பெற்ற பிந்த்ரா, 2006 ம் ஆண்டு துப்பாக்கி சுடுதலில் உலக வாகையர் பட்டம் வென்றவர். எனினும் பீகிங் ஒலிம்பிக்ஸில் அவரது வாய்ப்பு ஒன்றும் மிகப்பிரகாசமாக இல்லை.
கடந்த (ஏதென்ஸ்) ஒலிம்பிக்ஸில் ஏழாவது இடத்தையே பெறமுடிந்த அபினவின் தற்போதைய வெற்றி மயிர்க்கூச்செரியும் விதத்தில் அமைந்திருக்கிறது.
தகுதிச் சுற்றில் அபினவ் நான்காவது இடத்தையே பெற்றிருந்தார்..இறுதி அடிக்கு முன்புவரை ஹாக்கினென் கையே ஓங்கியிருந்தது. தனது இறுதி அடியில், ஹாக்கினென் மிகச் சாதாரணமான சுடுதல் மூலம் வெறும் 8 புள்ளிகள் மட்டுமே பெற்றார்.
அடுத்து அடிக்க வந்த நம் அபினவ், ஒரு முழுமையான சுடுதல் மூலம் 9.7 புள்ளிகள் பெற்றார். தற்போது, இரண்டாம் இடம் பிடித்திருக்கும் சீன வீரர், ஜூ, 10.9 புள்ளிகள் பெற்றால் முன்னிலை பெற்றுவிடலாம் என்ற
நிலையில் சுட வந்தார். 2004 ஒலிம்பிக் முதலே இப்பிரிவில் தங்கம் வெல்லவேண்டும் என்ற முயற்சியில், கடும் பயிற்சி எடுத்திருந்த ஜூ, தேவைப்படும் புள்ளிகளை குவிக்கமுடியாமல் போக...
மிகுதிக் கதை தற்போது உலகம் அறிந்ததே..!
செய்தியாளர் கூட்டத்தில் பதக்கர்கள் பகர்ந்தது...
அபினவ் * (தங்கம்) : நான் எவ்வளவு மகிழ்ச்சியாக இருக்கிறேன் என்று விவரிக்க இயலவில்லை.
ஜூ (வெள்ளி) : ( பெரும் கதறல்களுக்கு இடையே..) என் தாயகத்தில் தங்கம் வெல்லலாம் என்ற கனவு தகர்ந்துவிட்டது. நான் இறுதியாக சுட வந்தபோது பெரும் அழுத்தத்தில் இருந்தேன்.
ஹாக்கினென் (வெண்கலம்) : முதலில் இருந்து கடைசிவரை முன்னணியில் இருந்தால்தான் தங்கம் கிடைக்கும். இன்று எனக்கான நாள் அல்ல.
__________________
[media]http://www.youtube.com/watch?v=8GT42jMdgZo[/media]
இந்தியாவின் பதக்க நம்பிக்கைகளான, சானியா மிர்ஸா, ராஜ்யவர்த்தன் சிங் ராத்தோர் ஆகியோர் தோல்வி.
ஒலிம்பிக் பேட்மின்டன்: ஸ்ரீதர் வெளியேற்றம்
துப்பாக்கி சுடும் போட்டி: ரத்தோர்-சம்ரேஷ் வெளியேறினர்
வில் வித்தையில் பிரனிதா போராடி தோல்வி
Originally Posted by ராஜா
ஒரே தோல்வி செய்தியா இருக்கு....
இன்னும் போராடனும்..
ப்ரனிதா போட்டியைப் பார்த்தேன்... கொஞ்சம் பதட்டமாக விளையாடினாரென நினைக்கிறேன்..
இன்னும் எத்தனை இந்திய வீரர்கள் விளையாட பாக்கி இருக்கிறார்கள் ராஜா அண்ணா??
பதக்க வாய்ப்பு எப்படி உள்ளது??
ஒலிம்பிக்கில் இந்தியா இன்று...
பெய்ஜிங்: பெய்ஜிங் ஒலிம்பிக்கில் இந்தியா இன்று பங்கேற்கும் போட்டிகள்
பேட்மின்டன் - மகளிர் ஒற்றையர் காலிறுதிப் போட்டி சாய்னா நெஹ்வால்
வில்வித்தை - ஆடவர் தனி நபர் - மங்கள் சிங் சம்பியா.
டென்னிஸ் - ஆடவர் இரட்டையர் - பயஸ்- பூபதி vs ஆன்ட்ரி -மார்செலோ மெலோ
சானியா மிர்ஸா-சுனிதா ராவ் vs ஸ்வெட்லானா குஸ்னெட்சோவா-டினாரா சபீனா
படகுப் போட்டி - நச்தர் சிங் ஜோஹல்.
ஆடவர் குத்துச்சண்டையில் ஒரு வெண்கலம், ஆடவர் டென்னிசில் ஒரு வெண்கலம் வந்தால் இந்தியாவின் நல்லூழ் எனக் கொள்ளலாம்.
தட களத்தில் ஏதேனும் அற்புதங்கள் நிகழ வாய்ப்பு இருக்கிறது.
சானியா மீது நம்பிக்கை வைக்க வேண்டாம்.
இன்று நிகழவிருக்கும் ஒலிம்பிக் மகளிர் இரட்டையர் டென்னிஸ் போட்டியில் சானியாவுடன் இணைந்து ஆடவிருக்கும் சுனிதா ராவ் இவரே..!
இந்திய வம்சாவளி அமெரிக்கர். இந்தியாவுக்காக ஆட விருப்பம் தெரிவித்து, சில வருட*ங்களுக்கு (2003 ல்) முன் விண்ணப்பித்திருந்தார்.
2003 ல்....
மகளிர் தர வரிசையில் 162 ம் இடம்.
அமெரிக்க மகளிர் தர வரிசையில் 24 ம் இடம்.
அனைத்திந்திய டென்னிஸ் சங்கத்திடம், இவரது தந்தை மனோகர் ராவ் சில கோரிக்கைகள் வைத்திருந்தார்..
1) இதுவரை சுனிதாவுக்காக செலவழித்த தொகையைத் தரவேண்டும்..
2) இனியும் ஆண்டுக்கு 1 லட்சம் டாலர் பயிற்சி உதவித்தொகை தரவேண்டும்.
ராவோட ராவா ராவிட்டுப் போக பார்க்கறாவோ..!
Last edited by ராஜா; 13-08-2008 at 06:13 AM.
மகளிர் பேட் மிண்டன்..கால் இறுதி.
இந்தியாவின் பதக்க நம்பிக்கை சாய்னா நெய்ல்வால் தோல்வி.
இந்தோனேஷியாவின் யுலியாந்தி மரியா கிறிஸ்டினிடம்
(26-28 , 21-14 , 21_15) என்ற கணக்கில் தோல்வியுற்றார்.
நீச்சல்..
அமெரிக்க வீரர் மைக்கேல் ஃபெல்ப்ஸ், 4 வது தங்கம் வென்றார்.
நன்றிகள் ராஜா அண்ணா...
சானியா பதக்கம் வாங்கினாலொழிய நம்பிக்கை வைப்பதாக இல்லை..
அம்பு எய்தலில் வாங்கியிருக்கலாம்...
டென்னிசிலாவது பார்ப்போம்??
ஆமாம் ஹாக்கி விளையாட்டு என்னாச்சுனா??
இந்தியாவின் தேசிய விளையாட்டான ஹாக்கி... இன்று.. ஒலிம்பிக் செல்லும் தகுதி கூட இல்லாமல் ஒடிந்துவிட்டதா??
என்ன கொடுமை ராஜா சார் இது??!!
நீச்சலில் அமெரிக்கர்களின் ஆதிக்கம் தொடர்கிறது..
ஃபெல்ப்ஸ் பங்கேற்ற 4 200 தொடர் நீச்சலில் அமெரிக்காவுக்கு மேலும் ஒரு தங்கம்.
7 நிமிடங்களுக்குள் 800 மீட்டர் கடந்து புதிய சாதனை.
There are currently 1 users browsing this thread. (0 members and 1 guests)
Posting Permissions
Reply With Quote
Bookmarks