Page 1 of 2 1 2 LastLast
Results 1 to 12 of 23

Thread: ஓவியங்கள் - மெசொபொடாமியா - முன்னுரை

                  
   
   
  1. #1
    மன்றத்தின் மகுடம் பண்பட்டவர் ஆதவா's Avatar
    Join Date
    06 Oct 2006
    Location
    Pluto
    Posts
    11,714
    Post Thanks / Like
    iCash Credits
    131,876
    Downloads
    47
    Uploads
    0

    ஓவியங்கள் - மெசொபொடாமியா - முன்னுரை

    மனிதன் தோன்றிய காலம் தொட்டு இன்று வரையிலும் ஓவியங்கள் பல பரிமாணங்களைத் தொட்டு வருகிறது. இதன் நீட்சி நாளை எப்படி இருக்கும் என்று நாம் அறியோம். ஆனால் கடந்த கால வளர்ச்சியின் படித்துறை எப்படியெல்லாம் இருந்தது என்றும் அதன் போக்கினை மாற்றியவர்கள் யாவர் என்றும் இன்றைய ஊடகங்களின் வழி நாம் அறிந்து கொள்ளலாம்.

    அப்படி நான் அறிந்து கொண்டதை இங்கே பகிர்ந்துகொள்வதற்கு முன்னர் எனக்கு தகவல் அளித்து உதவி செய்த இணையத்திற்கும், புத்தகங்களுக்கும் ஓவியர்களுக்கும் இன்னபிற அனைத்து காரணிகளுக்கும் நன்றி கூறி ஆரம்பிக்கிறேன்.

    தொல்லோவியங்கள்

    மனிதன் என்று தோன்றினானோ அன்றே தோன்றிய கலைகளில் ஓவியக்கலையும் ஒன்று. சுமாராக கி.மு இரண்டரை லட்சம் ஆண்டுகளுக்கு முன்னரே ஓவியக் கலைக்கான விதை விதைக்க ஆரம்பித்தாகிவிட்டது. ஆதி காலத்தில் ஓவியங்கள் குகைகளிலும் பாறைகளிலும் கற்கால மனிதர்களால் வரையப்பட்டது. அக்காலத்தில் உடலோவியங்களும் பிரசித்தி. தத்தம் சடங்களின் நிமித்தம் உடலோவியங்களை ஆதிகால மனிதர்கள் வரைந்துகொண்டார்கள் அல்லது பூசிக் கொண்டார்கள். தமிழில் தொய்யில் என்று பழங்காலத்தே குறிப்பிடப்படுவதைக் காணலாம். ஆதி ஓவியங்கள் பிரான்சின் Lascaux குகைகள், தென்னாப்பிரிக்காவின் தெற்குப் பகுதிகளில் உள்ள ப்லம்பாஸ் (Blombos) குகைகள் மற்றும் ஸ்பெயின் போன்ற மிகச்சில இடங்களில் காணலாம். ஆதிமனிதன் தூரிகையின்றி கைகளினாலோ அல்லது நயமான தூரிகை போன்ற பொருட்களினாலோ வரைந்திருக்கலாம். பெரும்பாலும் சிவப்பு மற்றும் மஞ்சள் வர்ண பொடிகளை உபயோகித்திருக்கிறான். சில ஓவியங்கள் கரிக்கட்டைகளை மிருகங்களின் கொழுப்புடன் குழைத்து வரைந்திருக்கிறான். இன்று வரையிலும் அழியாத ஓவியங்கள் வரைய எவ்வித ஓவியம் தக்கவைக்கும் காரணிகள் அல்லாமல் வரைந்திருக்கிறான் என்பது எத்தனை ஆச்சரியமான விசயம்?

    பெரும்பான்மை ஓவியங்கள் விலங்கினங்களைக் குறிப்பதாக இருக்கிறது. காட்டெருமைகள், குதிரைகள், ஏன் பறவைகளைக் கூட விட்டுவைக்காமல் அதி தத்ரூபமாக வரைந்திருக்கிறார்கள் ஆதி மனிதர்கள். குகைகளில் காணப்படும் பெரும்பான்மை ஓவியங்கள் விலங்குகளாக இருப்பதற்கு அன்றைய வாழ்நிலை சூழல், மிருகங்களின் மேலுள்ள அச்சம் காரணமாக இருக்கலாம். அல்லது அக்காலத்திய சடங்குகள் அல்லது இயற்கை நிமித்தம் காரணமாக இருக்கலாம் என்று தொல்பொருள் ஆய்வாளர்கள் கருதுகிறார்கள். இவர்கள் குகைகளின் உட்புறம் ஆழமாக சென்று வரைந்திருப்பதும் குறிப்பிடத்தக்கது.



    மேற்காணும் ஓவியம் பிரான்ஸ் நாட்டைச் சார்ந்த லாஸ்காக்ஸ் குகை ஓவியம். இது கி.மு பத்தாயிரம் முதல் பதினைந்தாயிரம் வரையிலான காலகட்டத்தில் வரையப்பட்டதாக இருக்கலாம் என்று தொல்பொருள் ஆய்வாளர்கள் கருதுகிறார்கள். உலகின் முதல் முழுமை ஓவியமாக இது இருக்க வாய்ப்புண்டு. ஆனால் இதுவே முதல் அல்ல என்ற கருத்தும் நிலவுகிறது. பழைய காலத்தை ஆராயும் அறிவியல் சிலசமயம் உத்தேச முடிவுகளை மட்டுமே எடுக்கமுடிகிறது. ஆய்வாளர்கள் சொல்லுவது என்னவெனில் லாஸ்காக்ஸ் ஓவியங்களுக்கு முந்திய ஓவியங்கள் இயற்கையாலோ அல்லது காலம் தக்கவைக்கும்படியான நிரந்தர வர்ணங்களை உபயோகிக்காமலோ ஓவியங்கள் அழிந்துபட்டிருக்கலாம் என்கிறார்கள். ஆயினும் வீனஸ் என்ற ஓவியம் கிட்டத்தட்ட ஐம்பதாயிரம் ஆண்டுகளுக்கு முந்தியதாக இருக்கலாம் என்று நம்புகிறார்கள். அந்த ஓவியம் ஆறு மீட்டர் உயரத்துடன் முகமில்லா ஓவியமாக விளங்குகிறது. இதுவும் சிவப்பு நிறப் பொடியால் வரையப்பட்டது. இதே போன்றொரு இன்னொரு ஓவியமும் இரண்டு லட்சம் ஆண்டுகளுக்கு முந்தியது என்றும் ஒரு கருத்து நிலவுகிறது.

    லாஸ்காக்ஸ் போன்ற குகை ஓவியங்களை பரிணாம வளர்ச்சியில் பின்தங்கிய மனிதன் வரைந்திருக்கலாம். மேலும் விலங்குசார் ஓவியங்களோடு அக்காலத்திய ஆயுதங்களையும் நாம் காணலாம். இவ்வகையான குகை ஓவியங்கள் சமீபத்தில் கண்டுபிடிக்கப்படுவதால் தொன்மை உலகம் இன்னும் விரியும் என்று நாம் எதிர்பார்க்கலாம்.

    இயற்கை சார் பிக்மெண்ட் வர்ணங்களை ஆதி மனிதன் உபயோகித்திருப்பது நினைவு கூறத் தக்கது. தொல்லோவியங்கள் பலவித வர்ணங்களில் வரையப்படவில்லை. இயற்கையிடமிருந்து எடுக்கப்பட்ட அடர் சிவப்பு, மஞ்சள் வர்ணங்களே பிரதான வர்ணங்களாக இருக்கின்றன. இத்தனை வருடங்களிலும் இவை அழியாமல் இருப்பதைக் காணும் பொழுது அவன் உபயோகித்த வர்ணங்களின் தொழில்நுட்பம் வியக்க வைக்கிறது. இது சிற்சில ஆராய்வுகளுக்குப் பின் அம்மனிதன் இவ்வகை வர்ணக் கலவைகளை உபயோகப்படுத்தியிருக்கக் கூடும்.

    ஓவியத்துடன் சிற்பக் கலையும் இக்காலத்தில் (கி.மு. 30000 ) வளர்ந்திருக்கிறது என்பதும் குறிப்பிடத்தக்கது. ஓவியத்தோடு நாம் செல்லுகிறோமாகையால் சிற்பக் கலை பற்றி பிறிதொருநாள் பார்க்கலாம்.

    இத்தொல்லோவியங்கள் குறித்து வரும் கட்டுரைகளில் மேலும் விரிவாகக் காணலாம்.

    தொடரும்...
    Last edited by ஆதவா; 02-09-2008 at 04:29 PM. Reason: தலைப்பு மாற்றம்

  2. #2
    அனைவரின் நண்பர் பண்பட்டவர் mukilan's Avatar
    Join Date
    27 Jul 2005
    Location
    கனடா
    Posts
    1,999
    Post Thanks / Like
    iCash Credits
    28,859
    Downloads
    53
    Uploads
    5
    தொல்லோவியங்களை தேடி நாடி பிடித்துப் பார்க்கும் உங்கள் முயற்சிக்கு என் வாழ்த்துக்கள் ஆதவா. நீங்கள் கதை, கவிதைகளுடன் ஓவியக்கலையிலும் விற்பன்னர் என்று தெரியும். உங்களின் சில ஓவியங்களைக் கண்டுள்ளேன்.

    பிடித்த கலையை ஆராய்வது என்பது மிகவும் இனிய பணி. அதை தொய்வில்லாமல் வழங்குவீர்கள் என்ற நம்பிக்கை இருக்கிறது. இதுவரை கொடுத்த அறிய தகவல்களைப் போன்று மேலும் பல தகவல்களைக் கொடுக்கவேண்டும் என்பது என் அவா! மீண்டும் என் வாழ்த்துக்கள்.
    உன் வீட்டுக்கண்ணாடி ஆனாலும் கூட முன் வந்து நின்றால்தான் முகம் காட்டும் இங்கே!

  3. #3
    மன்றத்தின் மகுடம் பண்பட்டவர் ஆதவா's Avatar
    Join Date
    06 Oct 2006
    Location
    Pluto
    Posts
    11,714
    Post Thanks / Like
    iCash Credits
    131,876
    Downloads
    47
    Uploads
    0
    Quote Originally Posted by mukilan View Post
    தொல்லோவியங்களை தேடி நாடி பிடித்துப் பார்க்கும் உங்கள் முயற்சிக்கு என் வாழ்த்துக்கள் ஆதவா. நீங்கள் கதை, கவிதைகளுடன் ஓவியக்கலையிலும் விற்பன்னர் என்று தெரியும். உங்களின் சில ஓவியங்களைக் கண்டுள்ளேன்.

    பிடித்த கலையை ஆராய்வது என்பது மிகவும் இனிய பணி. அதை தொய்வில்லாமல் வழங்குவீர்கள் என்ற நம்பிக்கை இருக்கிறது. இதுவரை கொடுத்த அறிய தகவல்களைப் போன்று மேலும் பல தகவல்களைக் கொடுக்கவேண்டும் என்பது என் அவா! மீண்டும் என் வாழ்த்துக்கள்.
    மிக்க நன்றி முகிலன்.. இது நான் தெரிந்துகொண்டதை தெரிவிக்கும் பகுதி. ஓவியங்களைப் பற்றி எனக்கு மறந்துவிட்டது.. சிறுவயதில் நான் ஓவியம் வரைவதில் வல்லவனாக இருந்தேன். இப்பொழுது என் கைகள் தூரிகைகளைத் தொட்டு பல வருடங்கள் ஆகின்றன... இன்று என் மனக்கண்களுக்குத் தெரிவது வெறுமை மட்டுமே~! இத்தொடர் ஓவியங்களின் ஆதி முதல் அந்தம் வரை நான் என்ன அறிந்தேனோ அதை மட்டுமே கொடுக்கும் முயற்சியாக இருக்கும். தொடரின் முடிவில் நான் கணிணியில் வரைந்த ஓவியங்களை மட்டும் உங்கள் பார்வைக்குத் தருகிறேன்.. எனக்குத் தெரிந்த ஓவியர் ஒருவர் இம்ப்ரஷனிசம் பற்றி பேசிக் கொண்டிருக்கையில் உதித்த தொடரிது. இதற்காக இணையத்தில் தகவல் சேகரித்துக் கொண்டிருக்கிறேன்..

    அன்புடன்
    ஆதவன்
    இயற்கையின் குழந்தைகள் நாம்; நமது குழந்தைகள் இயற்கை!

  4. #4
    மன்றத்தின் மகுடம் பண்பட்டவர் ஓவியன்'s Avatar
    Join Date
    03 Feb 2007
    Location
    மலையும் மலை சார்ந்த இடமும்
    Posts
    16,080
    Post Thanks / Like
    iCash Credits
    80,671
    Downloads
    97
    Uploads
    2
    தான் பார்த்தவற்றையும் நினைத்தவற்றையும் மற்றவர்களுக்கு தெளிவாக வெளிப்படுத்த மனிதன் எடுத்துக் கொண்ட வலிமையான மொழி ‘ஓவியம்'

    அந்த வலிய மொழி கடந்து வந்த பாதையைத் திரும்பிப் பார்க்கும் ஆதவனின் முயற்சிக்கு என் மனதார்ந்த வாழ்த்துக்கள்...!!

    தொடருங்க ஆதவா...!!

    மகள்களைப் பெற்ற அப்பாக்களுக்கு மட்டும் தான் தெரியும்,
    முத்தம் - காமத்தில் சேர்ந்ததில்லை என்று
    -இயக்குனர் ராம்

  5. #5
    மன்றத்தின் மகுடம் பண்பட்டவர் ஆதவா's Avatar
    Join Date
    06 Oct 2006
    Location
    Pluto
    Posts
    11,714
    Post Thanks / Like
    iCash Credits
    131,876
    Downloads
    47
    Uploads
    0

    ப்ளாக் ட்ரா & ஃபெல்ஸ்

    மிக்க நன்றி ஓவியன்.. உங்கள் ஓவியங்களையும் இங்கே பகிர்ந்துகொள்ளுங்களேன்..
    --------------------------------------

    மேற்கண்ட தகவல்களை ஒரு முன்னுரையாக எடுத்துக் கொள்ளுங்கள். ஏனெனில் தொல்லோவியங்கள் குறித்து இனி மேலும் தெரிந்துகொள்ள எத்தனையோ தகவல் உண்டு. இன்னும் சொல்லப் போனால் கட்டுரையே இங்கிருந்து தான் ஆரம்பமாகிறது.

    மேற்சொன்னதன்படி குகை ஓவியங்களே முதன்முதலில் வரையப்பட்ட ஓவியங்கள். மொழி பரவா காலத்தில் ஓவியம் ஒரு மொழியாக இருந்திருக்கிறது. இக்குகை ஓவியங்கள் குறித்து மேலும் பல தகவல்கள் தெரிந்துகொள்வோமே!! அத்தோடு குகையோவியங்கள் சில இணையத்தில் காணக் கிடைக்கின்றன. அவற்றையும் இங்கே இடுவதால் கட்டுரை படிப்பதுடன் அதனோடு சென்று வந்த அனுபவமும் கிட்டும்.

    குகை ஓவியங்கள் :

    குகை ஓவியங்கள் குறித்த முன்னுரை படித்திருப்பீர்கள். ஆகவே இங்கே மேலும் விளக்க விரும்பவில்லை. என்றாலும் ஆரம்ப காலத்தில் இருந்த குகைகளைப் பற்றியும் குகை ஓவியங்களைப் பற்றியும் நடுவே அதன் ஓவியர்கள் (?) பற்றியும் நாம் தெரிந்துகொள்ளலாமே?

    ப்ளாக்வாட்டர் ட்ரா (Blackwater Draw) :

    சுமார் ஒன்றரை மில்லியன் வருடங்களுக்கு முன் உலகம் முழுமையும் பனியால் உறைந்து பனிக்காலமாக (Ice age) இருந்தது நீங்கள் அறிவீர்கள். ஐஸ் ஏஜ் முடிந்த வருடங்களில் பூமி உலர்ந்து புதிய பரிணாமப் பாதையை நோக்கி அடியெடுத்து வைத்தது. இச்சமயத்தில் வடக்கு அமெரிக்காவில் வாழ்ந்த ஆதிவாசிகள் அல்லது பழங்குடி மனிதர்கள் உணவுக்காக விலங்குகளை வேட்டையாடினார்கள். இவ்வேட்டையர்கள் எங்கெல்லாம் வாழ்ந்தார்களோ அங்கெல்லாம் இதற்கான சான்றுகளை விட்டுச் சென்றிருக்கிறார்கள் அப்படியான ஒரு இடம் தான் ப்ளாக் ட்ரா. இக்குகை கிழக்கு மெக்ஸிகோவில் காணப்படுகிறது இக்குகையின் வயது பத்தாயிரம் வருடத்திலிருந்து மூவாயிரம் வருடம் வரை இருக்கலாம். வேட்டையாடுதலுக்கு இவ்விடம் சிறந்ததாக இருந்தது. பெரும் விலங்கினங்கள் தண்ணீர் தேடி இங்கே வர, வேட்டையர்களுக்கு நல்ல வேட்டையாகப் போனது.

    இவ்விடத்தில் ப்ளாக் வாட்டர் ட்ரா பற்றி எழுதும்பொழுது அன்று நிலவிய க்ளோவிஸ் கலாச்சாரம் பற்றி சிறுகுறிப்பு எழுதியாகவேண்டிய கட்டாயம் ஏற்படுகிறது. இந்த மெக்ஸிகோ வேட்டையர்களைத்தான் க்ளோவிஸ் என்று அழைக்கிறார்கள் ப்ளாக் வாட்டர் ட்ராவுக்கு மிக அருகில் குடில் அமைத்து வாழ்ந்தவர்களாக இருந்திருக்கிறார்கள். இவர்கள் சைபீரியாவில் இருந்து வடக்கு அமெரிக்கா நோக்கி புலம் பெயர்ந்தவர்கள். இயற்கையின் சீதோஷணம் காரணமாகவோ அல்லது பெரும் விலங்குகளை வேட்டையாடவோ (உணவுக்காக) இவர்கள் இடம் மாறியிருக்கலாம் என்று நம்பப்படுகிறது.

    ப்ளாக்ட்ரா குகை அக்காலத்திய வேட்டை பொருட்களைப் பற்றி நமக்குத் தெரிவிக்கிறது. நன்கு உறுதியான கூர்மையான கற்களைக் கத்தியாக உபயோகப்படுத்தி விலங்குகளை வேட்டையாடினார்கள். உபயோகப்படுத்துவதற்கு எளிதான கற்கத்திகளை பயன்படுத்தினார்கள். ப்ளாக்ட்ராவில் அவ்வகையிலான ஆயுதங்கள் கண்டெடுக்கப்பட்டுள்ளன. இருபுறமும் கூறான கற்கள், ஈட்டியைப் போன்று நீண்ட கற்கள், கத்தியைப் போன்று, இன்னும் பல வகையிலும் உள்ளன. கூறான பாகங்களைத் தவிர கைப்பிடி நழுவிவிடாதபடி செதுக்கியிருக்கின்றனர். இவர்களின் பிரதான வேட்டை மிருகங்களாக காட்டெருமையும் மமத் எனப்படும் யானைகளும் இருந்திருக்கின்றன.

    ஃபெல்ஸ் : (Fells)

    ப்ளாக்ட்ரா போலவே ஃபெல்ஸும் ஒரு வரலாறைத் தக்கவைத்திருக்கிறது. கி.பி 1936 ல் நடந்த ஆராய்வின் போது கிடைத்த தகவலின் படி ஃபெல்ஸ் குகை தென்னமெரிக்க நாட்டில் பல வருடங்களுக்கு முன்பே (10000 வருடங்கள்) மக்கள் நடமாட்டம் இருந்ததை ஆதாரத்தோடு காண்பிக்கிறது. மனிதனின் நடமாட்டம், கால்தடங்கள், உபயோகித்த ஆயுதங்கள் என பல ஆதாரங்கள் சிக்கியுள்ளன. ஆசியாவிலிருந்து அமெரிக்க கண்டங்களை அடைந்த முதல் இனத்தவர்கள் இவர்கள். கிட்டத்தட்ட பத்தாயிரம் முதல் பதினையாயிரம் வருடங்களுக்கு முன்னமே, பிளாக்ட்ரா வாட்டருக்குப் புலம்பெயர்ந்ததைப் போலவே இவர்களும் புலம்பெயர்ந்திருக்கிறார்கள். ஆனால் இவர்கள் தெற்கு அமெரிக்க பகுதிகளில் தஞ்சம் புகுந்திருக்கிறார்கள். இக்கால கட்டத்தில் முன்பு சொன்னதைப் போல உலகம் ஒரு புதிய இயற்கை மாறுதலை எதிர்நோக்கி சென்றுகொண்டிருந்தது. அம்மாறுதலே ப்ளாக்ட்ரா மற்றும் ஃபெல்ஸ் போன்ற இடத்திற்கு ஆசிய நாட்டவரை வரவைத்திருக்கிறது. ஃபெல்ஸ் தெற்கு அமெரிக்காவில் சிலியில் படகொனியா என்ற இடத்தில் காணப்படுகிறது. இவ்விரண்டு குகை ஓவியங்கள் நமக்குக் காணக்கிடைக்கவில்லை. காலப்போக்கில் அழிந்திருக்கலாம். ஆனால் நிச்சயம் இருந்திருக்கக் கூடிய வாய்ப்புகள் உள்ளன.

    ஒருநிமிடம்

    சைபீரியா இருப்பது ஆசியாவில், அலாஸ்காவோ அமெரிக்க நாடு. இங்கே எப்படி புலம்பெயர்வு நடைபெறும்?

    அது அடுத்த பதிவில்..

    தொடரும்...
    இயற்கையின் குழந்தைகள் நாம்; நமது குழந்தைகள் இயற்கை!

  6. #6
    மன்றத்தின் மகுடம் பண்பட்டவர்
    Join Date
    31 Mar 2003
    Posts
    15,683
    Post Thanks / Like
    iCash Credits
    57,167
    Downloads
    4
    Uploads
    0
    வாழ்த்துகள் ஆதவா..

    ஓவியம் பற்றிய ஆதிச் செய்திகளைச் சொல்வதுடன்
    மனித இன வரலாற்றையும் சேர்த்தே சொல்கிறாய்..

    இரண்டையும் பிரிக்க முடியாதல்லவா?
    ஓவியன் சொன்னதுபோல் .. ஓவியமே ஆதியனின் முதல் மொழி!

    இரண்டு எருமைகள் காட்டில் என்னைத் துரத்தின என
    குகை வந்து கர்ப்பிணி இணைக்கு விளக்க
    படம் வரைந்துதானே அவன் ''சொல்ல'' முடியும்!

    தொடர்க ஆதவா..

    (ஒன்றரை மில்லியன் ஆண்டுக்கு முன் ஐஸ் ஏஜ்..
    சட்டென பத்தாயிரம் ஆண்டு வயசான குகை
    என ஒரு கால இடறல் கண்டேன் ஆதவா..
    இடையில் ஏதேனும் வரிகளைச் சுருக்கினாயா?)
    எத்தனை மனிதர்கள் உலகத்திலே...
    எத்தனை உலகங்கள் இதயத்திலே...

  7. #7
    மன்றத்தின் தூண் பண்பட்டவர்
    Join Date
    15 Nov 2007
    Location
    பாலைவனம்
    Posts
    2,785
    Post Thanks / Like
    iCash Credits
    45,155
    Downloads
    114
    Uploads
    0
    அருமையானத் தொடர். சிறுவயதில் ஓவியம் வரைகிறேன் பேர்வழி என்று ஏதேதோ கிறுக்கி... ஒன்றும் சரிவராமல் அதற்கும் எனக்கும் ரொம்பத் தூரம் என்று விட்டு விட்டேன். ஆனாலும் ஓவியங்களின் மேல் உள்ளக் காதல் இன்னும் தீரவில்லை.
    ஓவியக்காதலோடு வரலற்றுக் காதலும் சேர்ந்து கொண்டால் ... அதுதான் உங்கள் தொடரில் எனக்குச் சுவாரசியம் கொடுப்பது. தொடர்ந்து கொடுங்கள்.... தொடர்ந்து வருகிறோம்.
    (கோரல்டிரா திரி மாதிரி பாதில விட்டுடக்கூடாது.. சரியா?)
    அன்புடன்...
    செல்வா

    பின்னூட்டங்களில் முன்னுரிமை, மன்றப் படைப்புகளுக்கே...!

  8. #8
    மன்றத்தின் மகுடம் பண்பட்டவர் ஆதவா's Avatar
    Join Date
    06 Oct 2006
    Location
    Pluto
    Posts
    11,714
    Post Thanks / Like
    iCash Credits
    131,876
    Downloads
    47
    Uploads
    0
    Quote Originally Posted by இளசு View Post
    வாழ்த்துகள் ஆதவா..

    ஓவியம் பற்றிய ஆதிச் செய்திகளைச் சொல்வதுடன்
    மனித இன வரலாற்றையும் சேர்த்தே சொல்கிறாய்..

    இரண்டையும் பிரிக்க முடியாதல்லவா?
    ஓவியன் சொன்னதுபோல் .. ஓவியமே ஆதியனின் முதல் மொழி!

    இரண்டு எருமைகள் காட்டில் என்னைத் துரத்தின என
    குகை வந்து கர்ப்பிணி இணைக்கு விளக்க
    படம் வரைந்துதானே அவன் ''சொல்ல'' முடியும்!

    தொடர்க ஆதவா..

    (ஒன்றரை மில்லியன் ஆண்டுக்கு முன் ஐஸ் ஏஜ்..
    சட்டென பத்தாயிரம் ஆண்டு வயசான குகை
    என ஒரு கால இடறல் கண்டேன் ஆதவா..
    இடையில் ஏதேனும் வரிகளைச் சுருக்கினாயா?)
    அந்த வரிகளை நானும் கவனித்தேன் அண்ணா. சட்டென இறங்கிவிட்டேன். மற்றபடி, ஐஸ் ஏஜ் முடிந்த பிறகு எழுந்த சமுதாயத்தை பற்றி மட்டுமே என் கட்டுரை சொல்கிறது.. ஆனால் காலம் என்று கணக்கிட்டால், நமக்கு 15000 - 10000 வருடங்கள்,,,

    மிக்க நன்றி அண்ணா.. தொடர்ந்து ஆதரவு கொடுங்கள்.

    Quote Originally Posted by செல்வா View Post
    அருமையானத் தொடர். சிறுவயதில் ஓவியம் வரைகிறேன் பேர்வழி என்று ஏதேதோ கிறுக்கி... ஒன்றும் சரிவராமல் அதற்கும் எனக்கும் ரொம்பத் தூரம் என்று விட்டு விட்டேன். ஆனாலும் ஓவியங்களின் மேல் உள்ளக் காதல் இன்னும் தீரவில்லை.
    ஓவியக்காதலோடு வரலற்றுக் காதலும் சேர்ந்து கொண்டால் ... அதுதான் உங்கள் தொடரில் எனக்குச் சுவாரசியம் கொடுப்பது. தொடர்ந்து கொடுங்கள்.... தொடர்ந்து வருகிறோம்.
    (கோரல்டிரா திரி மாதிரி பாதில விட்டுடக்கூடாது.. சரியா?)
    நன்றி செல்வா.. தொடர்ந்து வருவேன். ஏனெனில் இது பல நாட்கள் நான் கண்முழித்து படித்த செய்திகளின் தொகுப்பு.. நிச்சயம் முடிக்காமல் எந்த வேலையும் இல்லை..

    கோரல்ட்ரா இத்தொடர் முடிந்து கொடுக்கிறேன்...
    இயற்கையின் குழந்தைகள் நாம்; நமது குழந்தைகள் இயற்கை!

  9. #9
    மன்றத்தின் மகுடம் பண்பட்டவர் ஆதவா's Avatar
    Join Date
    06 Oct 2006
    Location
    Pluto
    Posts
    11,714
    Post Thanks / Like
    iCash Credits
    131,876
    Downloads
    47
    Uploads
    0

    லாஸ்காக்ஸ்

    பெரிங் பாலம்:

    பெரிங் பாலம் சுமார் ஆயிரம் மைல்கள் நீளம் கொண்ட நிலப்பரப்பு. இப்பாலம் (இயற்கை கட்டிய பாலம்) இன்றைய அலாஸ்காவையும் கிழக்கு சைபீரியாவையும் இணைக்கும் பகுதியாக பல்லாயிரம் வருடங்களுக்கு முன்னர் அதாவது பனிக்காலத்தில் (ice age) இருந்தது. இப்பகுதி தற்போது பனியால் சூழப்பட்டு பாலம் மூடிக் கிடக்கிறது. காரணம், தொடர்ந்து வரும் பனித்தூறலாலும் பனிசூழ்ந்த அலாஸ்காவிலிருந்து வரும் தென்மேற்குக் காற்றாலும் பாலம் மூடிவிட்டது. மனித இனம் கண்டம் விட்டு கண்டம் நகர்ந்த முதல் நிகழ்வும் இங்கு நிகழ்ந்ததுவே!!.



    மேற்கண்ட அசை படத்தில் இப்பாலத்தின் காலவரலாறும் அது எப்படி மூடியது என்று தெளிவாகச் சொல்லுகிறது.
    பனிக்காலத்தில் தப்பிய மனித இனம் இவ்வழியாக அலாஸ்காவில் புகுந்தனர். காலப்போக்கில் பனிசூழ்ந்து இணைப்புப் பாலமாகிய பெரிங் பாலம் காணாமல் போயிற்று, இதைப் போன்றே மாறுதல்கள் உலகின் பல இடங்களிலும் நடைபெற்றிருக்கிறது. இதன் கால அளவும் உத்தேசமாகவே குறிக்கப்பட்டுவருகிறது. ஒரு சிலர் முப்பதாயிரம் வருடங்கள் என்றும் சிலர் பன்னிரண்டாயிரம் முதல் முப்பத்தையாயிரம் வரையிலும் என்று குறிப்பிடுகிறார்கள். என்றாலும் பெரிங் இயற்கைப் பாலம் இருந்தது என்னவோ உண்மைதான். மனித இனத்தின் முதல் இடம்பெயர்தலும் இதன் வழிதான் என்று குறிக்கிறார்கள் ஆராய்வாளர்கள்.

    லாஸ்காக்ஸ் குகையோவியம் :




    உலகில் மொழிகளை எழுதிவைக்கும் புது பரிமாணம் தோன்றிய காலம் பனிக்காலம் முடிந்த பல்லாயிரம் வருடங்களுக்குப் பிறகு அதாவது இன்றைக்கு சுமார் பதினைய்யாயிரம் வருடங்களுக்கு முன்பு ஐரோப்பாவில் ஓவியர்கள் ஒரு குழுக்களாகத் தோன்றினார்கள். ஆம் இப்படித்தான் சொல்லவேண்டும். குகை ஓவியங்கள் என்ற வகையில் நமக்குக் கிடைத்திருக்கும் தொல்லோவியங்களின் ஓவியர்கள் யார் யார் என்று தெரிய வாய்ப்பில்லை. ஆனால் ஒருவரே அல்ல என்று நம்மால் உறுதியாக யூகிக்க முடியும் அல்லவா? இம்மனிதர்கள் நியண்டர்தால் மனிதர்கள் அல்ல. ஒரு புதிய உலகிற்கு பாதை வகுத்து தந்த மனிதர்கள். மனித சமுதாயத்தின் முன்னேற்றத்திற்கான படிக்கல்கள் ஆங்காங்கே அடிக்கி வைக்கப்பட்டன. இக்கால கட்டத்தில் இருவகையிலான மொழிகள் எழுந்தன. இவை குரல்களால் எழுந்தவை அல்ல. கரங்களால் எழுந்தவை. ஒன்று வண்ணங்களை வைத்து எண்ணங்களைத் தீட்டுவதும் எண்ணங்களை செதுக்குவதும். இவற்றிற்கு முன்பு சொன்ன ப்ளாக்ட்ரா, ஃபெல்ஸ் போன்ற குகைகள் தேவைப்பட்டன. பழங்குகைகள் பற்றி அறிந்த நாம், இனி பழங்குகைகள் ஓவியக்கூடமாக மாறியதெப்படி என்பதையும் அறிந்தாகவேண்டுமல்லவா? ஓவியங்கள் குகைகள் நெடுகிலும் சுவர்களிலும் மேற்புறங்களிலும் வரைந்து வைக்கப்பட்டிருக்கின்றன. இவ்வகை ஓவியங்கள் பரைய்டல் (parietal) ஓவியங்கள் என்று குறிப்பிடுகிறார்கள். ஆதி ஓவியர்கள் இக்குகைகளை தத்தம் சடங்குகளுக்காக பயன்படுத்தினார்கள் இது ஒரு வகை.. மற்றொன்று மொபைலரி (mobilary) சிறு சிறு செதுக்கப்பட்ட பொருட்களை தம் இருப்பிடத்தில் புதைத்து வைத்திடுவது..இரண்டாம் வகை அக்காலத்திய பொருட்களை நமக்குக் காட்டுகிறது. அதோடு, கால நிர்ணயம், அக்காலத்திய எண்ணத்திறள் என்று பல ஆராய்வுகளுக்கும் பயன்படுகிறது.

    முன்னுரையில் சிறு சிறு குறிப்புடன் லாஸ்காக்ஸ் குகையோவியங்கள் பற்றி குறிப்பிட்டு இருந்தேன். இந்த குகையோவியம் தென்மேற்கு பிரான்ஸ் நாட்டில் இருக்கின்றன. மேற்கு ஐரோப்பாவில் இன்னும் சில இடங்களில் காணப்பட்டாலும் லாஸ்காக்ஸ் அனைத்திலும் முக்கிய குகையோவியங்களாக இருக்கின்றன. பழங்காலத்திய மனித வாழ்நிலைகளை பறைசாற்றும் ஓவியங்கள் கொண்ட குகைகளாகத் திகழ்கிறது. மேலும் இவ்வோவியங்கள் தலைசிறந்த ஓவியர்கள் வரைந்ததைப் போன்று திகழ்வது குறிப்பிடத்தக்கது. இக்குகை ஓவியங்களில் ஆச்சரியப்படத்தக்க விசயம் என்னவெனில் ஒரு மனிதனின் ஓவியம் நமக்குக் கிடைத்திருக்கிறது. பெரும்பாலும் கற்கால ஓவியங்களில் மனித உருவம் இருக்காது, பெரும்பான்மை ஓவியங்கள் சுற்றுச்சூழலில் நிலவும் விலங்குகளை மையமாக வைத்தே வரையப்பட்டிருக்கின்றன. சுமார் இரண்டாயிரம் ஓவியங்கள் இக்குகைகளில் காணக்கிடைக்கிறது. இதில் தொள்ளாயிரம் ஓவியங்கள் விலங்குகளாக வகைபிரிக்கப்பட்டிருக்கின்றன. குதிரைகள் அடங்கிய ஓவியங்கள் மட்டுமே முந்நூற்றி அறுபத்தி நான்கு இருக்கின்றன. மான்கள் (சாது) தொண்ணூறு காணப்படுகின்றன. எருமைகள் அல்லது மாடுகள் சுமார் நூறு ஓவியங்கள் இருக்கின்றன. மேலும் பறவை, கரடி, காண்டாமிருகம், மாயானை (mammoths) நரி, சிங்கம் என்று பலதரப்பட்ட மிருகங்களையும் இங்கே ஓவியங்களாகக் காணலாம். இவ்விலங்குகளுக்குப் பின்புலத்தில் எந்த ஒரு புல்தரையும் தாவரங்களும் காட்டு மரங்களும் வரையப்படவில்லை. விலங்கோவியங்கள் அனைத்தும் தனிப்பட்டு நிற்கின்றன. மிக மென்மையான காக்கி வர்ணங்களை மிக அழகாக உபயோகப்படுத்தி வரைந்திருக்கிறார்கள். விலங்குகள் வரையப்பட்ட கோணங்களும் மிக அருமையாகவே இருக்கின்றன. அதன் கொம்புக்கிளைகள் தெளிவாக வரையப்பட்டிருக்கின்றன. லாஸ்காஸ்க் குகையோவியங்கள் பெரும்பாலும் குகை வாசலில் வரையப்பட்டிருக்கவில்லை. குகையின் ஆழச்சென்று பார்க்கவேண்டியிருக்கிறது. சில குகைகளில் அதுவும் சிரமமாகவே இருக்கிறது.

    லாஸ்காக்ஸ் ஓவியங்கள் சூரிய ஒளியில் வரைந்ததாக இருக்காது. குகையினுள் இயற்கை தீபம் செல்ல வாய்ப்பில்லை. தீப்பந்தங்களை உபயோகப்படுத்தி வரைந்திருக்கலாம் என்பது யூகம். இயற்கையாகக் கிடைக்கும் பிக்மெண்ட் பொடிகளை உபயோகப்படுத்தியிருக்கிறார்கள் இப்பழங்காலத்து ஓவியர்கள். இவர்களின் பிரதான வர்ணங்கள் சிவப்பு, மஞ்சள், காக்கி, கருப்பு மற்றும் ஊதா. தூரிகைகள் இன்றித்தான் வரையப்பட்டிருக்கின்றன எனில் கருநிற ஓரங்கள் முடிகளை தூரிகை ஆக்கப்பட்டிருக்கலாம். மற்ற பகுதிகள் இயற்கையிலேயே கட்டியாக கிடைக்கும் வர்ணங்கள் அல்லது பதனிடப்படாத வர்ணத் துண்டுகளை உபயோகப்படுத்தியிருக்கலாம்.

    இக்குகையின் வயது உத்தேசமாக பதினையாயிரம் வருடங்களுக்கும் மேல்.. இக்குகை 1940 ஆம் வருடம் கண்டுபிடிக்கப்பட்டது. பின்னர் பதினைந்து வருடங்கள் கழித்து மக்களின் பார்வைக்கும் வைக்கப்பட்டது. பின்னர் மனித வருகையினால் எழும் கார்பன் - டை - ஆக்ஸைட், ஓவியங்களைத் துன்புறுத்தவே, அப்பகுதிக்குத் தடைவிதிக்கப்பட்டது. பின்னர் இன்றளவும் ஓவியங்கள் தக்க முறையில் பாதுகாக்கப்பட்டு வருகின்றன.




    தொடரும்.....
    Last edited by ஆதவா; 31-07-2008 at 11:53 AM.
    இயற்கையின் குழந்தைகள் நாம்; நமது குழந்தைகள் இயற்கை!

  10. #10
    மன்றத்தின் தூண் பண்பட்டவர்
    Join Date
    15 Nov 2007
    Location
    பாலைவனம்
    Posts
    2,785
    Post Thanks / Like
    iCash Credits
    45,155
    Downloads
    114
    Uploads
    0
    தொடருங்கள் ஆதவா...
    மிக சுவாரசியமாகச் செல்லுகிறது தொடர். ஆமா... நம்ம ஊரில இந்த மாதிரி எதாவது இருக்கா....
    சித்தன்னவாசல் பத்தி படிச்சிருக்கேன். அதப்பத்தியும் சொல்லுவீங்க தானே..
    காத்திட்டுருக்கேன்.

    அசைபடம்னு சொன்னீங்க எதை?
    அன்புடன்...
    செல்வா

    பின்னூட்டங்களில் முன்னுரிமை, மன்றப் படைப்புகளுக்கே...!

  11. #11
    மன்றத்தின் மகுடம் பண்பட்டவர் ஆதவா's Avatar
    Join Date
    06 Oct 2006
    Location
    Pluto
    Posts
    11,714
    Post Thanks / Like
    iCash Credits
    131,876
    Downloads
    47
    Uploads
    0
    Quote Originally Posted by செல்வா View Post
    தொடருங்கள் ஆதவா...
    மிக சுவாரசியமாகச் செல்லுகிறது தொடர். ஆமா... நம்ம ஊரில இந்த மாதிரி எதாவது இருக்கா....
    சித்தன்னவாசல் பத்தி படிச்சிருக்கேன். அதப்பத்தியும் சொல்லுவீங்க தானே..
    காத்திட்டுருக்கேன்.

    அசைபடம்னு சொன்னீங்க எதை?
    ஓவியங்கள் பொறுத்தவரையிலும் இந்தியா அவ்வளவு பிரசித்தி இல்லை.. எவ்வித புதுமையும் இல்லை.. குறிப்பிட்டு சொல்லக்கூடியவர்கள் ஒருசிலரே இருக்கிறார்கள்... இந்தியாவிலும் உண்டு.. அதை பிற்பாடு தொடருவேன்..

    Lascaux ஓவியங்கள் சில.....



    வேட்டையாடுவது குறித்து.... மான்களின் கொம்புகளை கவனியுங்கள். மனிதர்கள் அதன் மேல் அம்பிடுவதையும் அம்புகள் துளைத்து நிற்பதையும் மனிதர்களையும் எவ்வளவு அழகாக கொடுத்திருக்கிறார்கள் இவ்வோவியர்கள்....!!


    எருமையைப் போலத் தெரிகிறதா!!! வர்ணங்களோம் நெளிவு சுழிவுடன் ஓடும் ஓவியமும் வியக்க வைக்கிறது...

    இயற்கையின் குழந்தைகள் நாம்; நமது குழந்தைகள் இயற்கை!

  12. #12
    மன்றத்தின் சுடர் பண்பட்டவர் Narathar's Avatar
    Join Date
    01 Apr 2003
    Location
    London / Sri Lanka
    Posts
    5,891
    Post Thanks / Like
    iCash Credits
    8,347
    Downloads
    11
    Uploads
    0
    மிக அருமையான திரி ஆதவா.............
    எனக்கு பந்தி பந்தியாக எழுதி பாராட்ட தெரியாது! வரவும் வராது....

    ஒரு வரியில் சொல்லிவிடுகின்றேன்.........

    மிக்க அருமை மிக்க அருமை

    தொடருங்கள்!
    தமிழை வளர்க்க,
    தமிழரோடு தமிழில் பேசுங்கள்

Page 1 of 2 1 2 LastLast

Thread Information

Users Browsing this Thread

There are currently 1 users browsing this thread. (0 members and 1 guests)

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •