தாய்ப்பால் :: நிழலுக்கு உயிர் படக்கவிதை உங்களுக்காக!

[Narathar]

எந்திரன் :: நிழலுக்கு உயிர்
::::: படக்கவிதை உங்களுக்காக!

அன்பின் மன்ற சொந்தங்களே......

நமக்கு அவ்வளவாக கவிதை எழுத வராது!
ஆனால் கவிதைகள் மீது தீராத காதல்.
அந்த காதலினால் இந்த திரியை நான்
மன்ற கவிதை காதலர்களுக்காக ஆரம்பிக்கின்றேன்..........

இந்தப்பகுதியில் நம் மன்றிலுள்ள ஆஸ்தான கவிஞ்சர்கள் மட்டுமல்லாமல்
புதியவர்களும் பங்கெடுக்க வேண்டுமென்பது என் ஆசை , அவா.... அதனால் இத்திரியை வெகு இலகுவானதாக அமைக்க விரும்புகின்றேன்.

==========================================================================

இத்திரியில் உங்கள் கவி உணர்வை தூண்டிவிடும் ஒரு படம் தரப்படும்,
அந்த படத்தைப்பார்த்து உங்கள் மனதில் எழும் கவிதையை இங்கு நீங்கள் பதியலாம்......

அது மரபுக்கவிதையாக, புதுக்கவிதையாக அல்லது ஹைக்கூவாக இருக்கலாம்... எந்தவித கட்டுப்பாடும் இல்லை..

உங்கள் கற்பனை குதிரையை தட்டிவிட்டு கவி வடிக்க வேண்டியதுதான் உங்கள் பொறுப்பு......

கவிதை எழுத வராதவர்கள்: என்னைப்போன்றவர்களது பொறுப்பு கவிஞ்சர்களை பின்னூட்டமெனும் ஊக்க மருந்து கொடுத்து ஊக்கப்படுத்திக்கொண்டே இருப்பது...

அதுபோல கவி உணர்வை தூண்டும் படங்களையும் நீங்கள் இங்கு பகிர்ந்து கொள்ளலாம்...
ஆனால் அதில் ஒரு கட்டுப்பாடு வேண்டுமென கருதுகின்றேன். ஒரு படம் வெளிவந்து அந்தப்படத்துக்கு மூன்று கவிதைகளுக்கு குறையாமல் வந்த பின்னர், முதல் படம் வந்து 1 நாளைக்குப்பிறகு, (மன்ற விதிகளுக்கு உட்பட்ட ) அடுத்த படத்தை மன்ற உறுப்பினர்கள் யாரும் பதியலாம்.

=========================================================================

இதோ உங்கள் கற்பனைக்கு..........
உங்கள் கவி வரிகளை எதிர்பார்த்து
எனது முதலாவது படம்.



எங்கே உங்கள் கவிதைகள் களைகட்டட்டும்.!!!

[shibly591]

குழந்தைக்கு அன்னையின் முத்தம்
கடவுளின் தூது

[விகடன்]

பாசத்தை கற்பிக்கும்
அன்னையின்
பதிவு...
முத்தம்.

[சிவா.ஜி]

நான் ஜணித்தபோது
என் அன்னை எனக்கீந்த முத்தத்தின்
ஈரம் காய்ந்துவிடாமல்
காத்து வந்ததை....அதனுள்ளிருந்த பாசத்தை
சேர்த்து வந்ததை...
இன்றுனக்கு ஈந்து
அர்த்தமுணர்ந்தேன்...நானும்
அன்னையாகி முழுமையடைந்தேன்!
நன்றி மகளே............!!!!

[எஸ்.எம். சுனைத் ஹஸனீ]

இதயங்கள் மறத்துப் போன
எந்திர சப்தத்திற்குள்
துல்லியமாய் முத்த சப்தம் கேட்கும்
வித்தையை உலகிற்கு கற்றுக்கொடு
அப்பொழுதாச்சும் பார்க்கலாம்
உலகம் உய்யுமாவென்று!

[aren]

உன்னை நீ இன்றே அறிந்துகொள் மகனே
நாளை உலகம் உன்னை அறிந்து கொள்ளும்!!!!

[ஓவியன்]

தூக்கம் பல தொலைத்து
நீ உழைக்கப் போகும்
இரவுகள் பலவற்றிற்காக
இன்றே நீ தூங்கு மகனே தூங்கு....!!

[ஓவியன்]

இதயங்கள் மரத்துப் போன
எந்திர சப்தத்திற்குள்
துல்லியமாய் முத்த சப்தம் கேட்கும்
வித்தையை உலகிற்கு கற்றுக்கொடு
அப்பொழுதாச்சும் பார்க்கலாம்
உலகம் உய்யுமாவென்று!

அன்பினால் உலகினை வெல்லச் சொல்லுகிறீர்கள்...!!

அழகான வரிகள், பாராட்டும் வாழ்த்துக்களும்...!!

[பாலகன்]

குழந்தையாய் நீ இருக்கும் வரை
கவலை உனக்கில்லை.......
இது போல ஆயிரம் முத்தங்களை நீ
பெற்றிடுவாய்
பெரியவனாய் வளர்ந்துவிட்டால்
நீ என்னை நினைக்க இது உதவுமே
என் செல்வ மகனே..................

நண்பர்களே இது பில்லா தன் வாழ்கையில் எழுதிய முதல் கவிதை,,, இல்லை இல்லை...... கிறுக்கல்

அன்புடன்
பில்லா

[meera]

நான்
பல முறை
மரணிக்க தயார்

ஒருமுறை
உன்
பட்டுமேனியை
தொட்டு நுகர்வதற்காக........

[meera]

நன்றியுடன்
முத்தமிட்டேன் உன்னை..
மலடி என்னும்
வார்த்தையில் மடிந்துவிடாமல்
எனக்கு
மறு ஜென்மம் தந்ததற்க்காக..........

[பாலகன்]

மீராவின் இரண்டு கவிதையுமே அருமை

வாழ்த்துக்கள்

அன்புடன்
பில்லா