தாய்ப்பால் :: நிழலுக்கு உயிர் படக்கவிதை உங்களுக்காக!

[கண்மணி]

புரியாத நீ...
தெரியாத நான்...

உன்னை
முத்தமிட்ட கணத்தில்
தெரிந்து கொண்டேன்..,
உனக்குப் புரிந்த மொழியை...

பசியுடன் நீ
என் நெஞ்சில்
பதில் சொன்ன பொழுது!!!

[கண்மணி]

மூன்று கிலொ எடையுள்ள
கையடக்கப் பூவினை

மொழியில்லா உலகினுள் உலவிவிட்டு
விழி திறக்காமல் மறுத்தவளை

பெறுதற் கில்லா பேறு பெற்ற
எனக்குப் பிறக்காமல் பிரசவித்தவளை

ஏற்று முத்தமிடுகிறேன்

ஏச்சுக்கள் மகிழ்வாய் திரும்பியது
இந்நிழலுக்கு உயிராய்.

மகளை மகவாய்ப் பெறும் மகளியர்க்கெல்லாம் இந்த மன நிம்மதி வருவதெப்போ???

[கண்மணி]

இன்றும்
தேடி பார்க்கிறேன்
என் கன்னங்களில்

அம்மா,
உன் இதழ் ரேகை
பதிந்திருக்கிறதா என்று!

நல்ல கவிதை. படத்திற்கேற்றதா எனப் புரியலை.... இருந்தாலும்... நல்ல கவிதை

[கண்மணி]

முதல் முத்தத்தில்
சுகம் தந்தாய்,

தழுவலில்
இதம் சேர்த்தாய்,

கருணையில்
கடவுளானாய்,

சாதத்தில்
அன்பையும் ஊட்டினாய்,

என்னை நீ சுமந்தது பத்து மாதம் - நான்
உன்னை சுகமாய் சுவாசிப்பது என் ஆயுட்காலம்...

அம்மா,
இறைவன் தந்த உம்மையும்
நீ அருளிய தமிழையும் நான் மறவேன்!

அம்மான்னா பாசம் எப்படியெல்லாம் வருதுலே!!

[கண்மணி]

என் முகவரியாக
தந்திடுவாய் முத்தம்...
உன் முகம் வரியாகினும்
தாங்குவேன் நித்தம்...

இது,
பேரம் அல்ல...
பேரின்பத்தை இழக்கவிரும்பாத
பயத்தின் பிரதிபலிப்பு...

முத்தமிட்டு
அரசுத் தொட்டிலில் மட்டும்
இட்டுவிடாதே...

அரசுத் தொட்டில் கூடப்
பரவாயில்லை
குப்பைத் தொட்டி வேண்டாம்
வேண்டுமானால்
பாலோடு பாலாய்
கள்ளியும் சேர்த்து
அதற்கு முன்
ஒன்ஸ் மோர் ப்ளீஸ்!

[கண்மணி]

உயிரின் உணர்வை உதட்டில் உரைத்த
உண்மையின் ஒளியாம் அன்னையின் முத்தம்
அன்பின் பரிமாணம் அளவில்லாது அளித்த
அமுத முகத்தின் அழகுத் தூது
மூலமான இம்மொழிதான் என் காதென்ற
யோனியில் கரைந்து நின்ற முதல் சத்தம்
ஊமையாய் உலகில் உதித்தெழுந்த சவத்திற்கு
அன்பெனும் உயிரை அறிவித்த முதல் அமுதம்
காதலைக் காட்டும் காரிகையின் முத்தம்
காணாது கலைந்துவிடும் கணநேரச் சத்தம்
முத்தத்தின் முகங்கள் முடிவில்லாது மாறிடினும்
என்றும் மாறா அன்பின் அடையாளம்
அன்னை தந்த அமுதச் சுரங்கம்

அன்னையின் முத்தம் அமுதம் - மன்மி சொன்னது
அமுதத்தை கடைந்தெடுக்கும் தேவர்க்குமில்லை, அசுரர்க்குமில்லை
புலவருக்குண்டு.

[கண்மணி]

அம்மாவின்
முத்தம்
அமுதம்.. !!

அக்னியின் பாஷையில் சொன்னால் "அன்னை முத்தம்"

[பாலகன்]

அன்னையின் முத்தம் அமுதம் - மன்மி சொன்னது
அமுதத்தை கடைந்தெடுக்கும் தேவர்க்குமில்லை, அசுரர்க்குமில்லை
புலவருக்குண்டு.

இருக்காதா பின்ன, அன்னையின் முத்தம் அமுதமே

தாயிற் சிறந்த கோவிலுமில்லை

============================================
சிப்பி தன் முத்திற்கு இடும் முத்தம்
தாயின் முத்தம்

பில்லா

[கண்மணி]

உன் கருவறையின்
பாதுகாப்பு
எனக்காக நீ
தாங்கி கொண்ட வலிகள்
உச்சி முகர்ந்து
நீ தந்த முத்தம்
வார்த்தைகளில்
சொல்லி விட முடியுமா
உந்தன் பெருமையை
உயிருக்கு உயிர் தருவது
பெண்மையின் சிறப்பு
உனக்கு நான் என்ன
செய்ய போகிறேன்..... ( கண்ணீருடன்)....

கண்ணீர் மிச்சம் வைத்துக் கொள் மகனே
இன்றே தீர்த்து விடாதே
உன்னை நான் என்ன செய்துவிட்டேன்
என்றழவும் சிறிது தேவை!

தாய்மையை நினைக்கும் போது
வரும் நெகிழ்ச்சி
தாயை நினைக்கும் பொழுதெல்லாம் வந்தால்...

அது மட்டும் போதாது
தாயானவளையும்
தாயாக்கியவளையும்
தாயாகப் போகிறவளையும்
நினைத்து!!!

தாய் என்பது பொதுநலம்
எந்தாய் என்பது சுயநலம்.

[கண்மணி]

சிறை வைத்த உன்னை
இன்று
சிரம் வைத்து வணங்குகின்றேன்!

முந்நூறு நாள் நீ வைத்த
சிறையினால்தான்
இந்நாளில் நான்
நலமோடு மண்ணில் வாழ்கிறேன்!

நீயுண்டதில் நானுமுண்டு
உனக்குள்ளே உறங்கிக்கொண்டு
பல்லக்காய் உன்வயிற்றில்
பயணித்த நாட்கள்
இனியும் வருமா?

கூலி வாங்காமல் தூளிசுமக்க
உன்னையன்றி
எவருக்கும் முடியுமா?

பல்லாக்காய் உன்வயிற்றில்
பயணித்த நாட்கள்!!!

பல்லாக்கு -- வயிறா? நீரா?
பல்லாக்காம் சரியானப் பிரயோகமோ!

அன்னையின் சுமப்பு ,, இதயத்தில் கனம்!

[கண்மணி]

[media]http://news.yahoo.com/s/nm/20080703/us_nm/transgender_birth_dc[/media]

தாய்!!!

செய்திக்கும் படத்திற்கும் சம்பந்தமிருக்கு.. கொஞ்சமா!

[meera]

மீராவின் இரண்டு கவிதையுமே அருமை

வாழ்த்துக்கள்

அன்புடன்
பில்லா

குழந்தையாய் நீ இருக்கும் வரை
கவலை உனக்கில்லை.......
இது போல ஆயிரம் முத்தங்களை நீ
பெற்றிடுவாய்
பெரியவனாய் வளர்ந்துவிட்டால்
நீ என்னை நினைக்க இது உதவுமே
என் செல்வ மகனே..................

நண்பர்களே இது பில்லா தன் வாழ்கையில் எழுதிய முதல் கவிதை,,, இல்லை இல்லை...... கிறுக்கல்

அன்புடன்
பில்லா

விமர்சனத்திற்க்கு நன்றி பில்லா.


உங்கள் முதல் கவிதை அழகாய் இருக்கிறது. இன்னும் நிறைய எழுத வாழ்த்துகள்.