கலைவேந்தனின் மீராவின் கண்ணன்...!

[கீதம்]

மீராவாகவே மாறினால்தான் கண்ணன்பால் இத்தனைக் காதலை, கவின்தமிழ்க் கவிதைகளாய் அள்ளி வழங்க இயலும். எந்த வரிகளைக் குறிப்பிட்டுச் சொல்வதென்று தெரியவில்லை. தன் உள்ளம் கவர்ந்த கண்ணனிடம் மோகமும் தாபமும் கொண்டு தவிக்கும் மீராவின் காதல் உணர்வுகளை வெளிப்படுத்தும் ஒவ்வொரு வரியிலிருந்தும் அத்தனை எளிதில் விடுபட இயலவில்லை. ஆழ்ந்த ரசனையான காதல் அனுபவத்தை அள்ளித்தெளிக்கும் அற்புதக் கவிகள். பாராட்டுகள். இனிதே தொடருங்கள் கலைவேந்தன்.

[கலைவேந்தன்]

மீராவாகவே மாறினால்தான் கண்ணன்பால் இத்தனைக் காதலை, கவின்தமிழ்க் கவிதைகளாய் அள்ளி வழங்க இயலும். எந்த வரிகளைக் குறிப்பிட்டுச் சொல்வதென்று தெரியவில்லை. தன் உள்ளம் கவர்ந்த கண்ணனிடம் மோகமும் தாபமும் கொண்டு தவிக்கும் மீராவின் காதல் உணர்வுகளை வெளிப்படுத்தும் ஒவ்வொரு வரியிலிருந்தும் அத்தனை எளிதில் விடுபட இயலவில்லை. ஆழ்ந்த ரசனையான காதல் அனுபவத்தை அள்ளித்தெளிக்கும் அற்புதக் கவிகள். பாராட்டுகள். இனிதே தொடருங்கள் கலைவேந்தன்.

தங்களின் ஆழ்ந்த ரசிகத்தன்மையுடனான பின்னூட்டத்திற்கு மிக்க நன்றி கீதம்..

[கலைவேந்தன்]

எத்தனை கவித்துவம்! பாராட்ட வார்த்தைகளே இல்லை! கண்ணனிடம் மீரா கொண்ட காதல் என் கண்களுக்குத் தெரியவில்லை! தமிழ் மொழியின்பால் தாங்கள் கொண்ட காதலே என் கண்ணுக்குத் தெரிந்தது!

தங்களின் பாராட்டுகளுக்கு மிக்க நன்றி ஐயா... தங்களின் ஆதரவும் நல்லாசியும் என்னை மேலும் எழுத வைக்கும்..!

[கலைவேந்தன்]

கண்ணனின் மீராவும் மீராவின் கண்ணனும் சேர்ந்து [ஆடிய] பாடிய ராசலீலை வெகு அருமை......அனுபவம் புதிது.....தொடருங்கள்

மிக்க நன்றி ஜானகி.. அவசியம் தொடர்கிறேன்.. நூற்றியெட்டுப் பாடல்கள் கொண்ட எனது படைப்பு இது..

[கலைவேந்தன்]

மீராவின் கண்ணன்...வார்த்தைஜாலம்

இதைப் படித்து கருத்தோ பின்னூட்டமோ இட எனக்குத் தகுதியில்லை.

அருமை...அருமை...அருமை...

தமிழை ரசிக்கத் தகுதி அவசியமில்லை ஜெயந்த்.. தங்களின் பாராட்டு என்னை மிகவும் மகிழ்வித்தது.. மிக்க நன்றி நண்பனே..!

[கலைவேந்தன்]

பாடல் எழுத தமிழில் நல்ல பரிச்சயமும், எழுத எடுத்து கொள்கிற விசயத்திலே ஆழ்ந்த லயிப்பும் வேண்டும். அவை இரண்டுமே உங்களிடம் இருக்கிறது. வாழ்த்துக்கள்.

தங்களின் வருகைக்கும் வாழ்த்துகளுக்கும் மிக்க நன்றி கீழை நாடான்.. இதோ அடுத்து சில பாடல்களைத் தொடர்கின்றேன்..!

[கலைவேந்தன்]

41.
என்றும்உன் நலம் காணத்துடிக்கிறேன் நானும்
கன்றினைக் காத்திடும் தாய்ப்பசு போலவே
ஒன்றுமே நேராமல் காத்திடுவேன் உன்னை
அன்றியும் வேறேதும் பணியுண்டோ கண்ணா!

[கலைவேந்தன்]

42.
கூப்பிட்ட குரலுக்கு ஓடிவந் தென்னை
காப்பிட்டு காத்திடும் காதலன் நீயே
பூப்போல என்றுமே பேதை நான் உன்னை
காழ்ப்பின்றி காத்திடுவேன் கார்வண்ணக் கண்ணா!

[கலைவேந்தன்]

43.
சோர்ந்து சுருங்கியே சோகமாய் நானும்
கார்மழை போலவே கண்ணீரில் மூழ்கினேன்
கூர்ந்து நோக்கியும் குளிர்நகை பூட்டியும்
சேர்ந்தே என்னுடன் சிரிப்பாயே கண்ணா!

[கலைவேந்தன்]

44.
ஊனுறக்கம் இன்றியே உன்னினைவில் நானும்
தேனுக்குள் விழுந்திட்ட உன்மத்த வண்டு போல்
வான்மதி கண்டலரும் வண்ணமிகு அல்லிபோல்
நான்உன்னைக் கண்டதும் மலர்கிறேன் கண்ணா!

[கலைவேந்தன்]

45.
எத்தனை அலட்சியங்கள் நீ செய்த போதிலும்
அததனை அன்பென் மனதிலே ஊறிடும்!
பித்தி என் கனவுகள் கைகூடா தொழிந்திடினும்
அத்தன் உனை மறவா பக்தை நான் கண்ணா!

[கலைவேந்தன்]

46
அம்மையுமாய் அத்தனுமாய் ஆசிதரும் ஆசானாய்
இம்மையும் மறுமையும் இன்மையாக்கும் இறைவனாய்
செம்மையும் வழங்கும்நல் அரசனாய் என்றும் நீ
எம்மையும் நீங்காது இருப்பாயோ கண்ணா?