வெற்றிக்கு வாழ்த்து சொல்ல
கை கொடுங்கள்....
எழ உதவும் எண்ணத்தைக்
கை விடுங்கள்...
என் தோள் சாரா சுயம்
என்றும் தரும் ஜெயம்!
தயைக் கூர்ந்து இதை
மமதையாய்க் கருதாமல்
தங்களோடென்னை
சமதையாய் கருதுங்கள்!
அருமையான வரிகள் அண்ணா. ஆங்கிலத்தில் physically challenged persons என்று அழகாகக்கூறுவர். தமிழில் 'சவால் நாயகர்கள்' என்றால் பொருந்துமா?
உங்கள் கை வலிக்கும்முன்வரை குலுக்கவேண்டும் போல் இருக்கிறது. இத்தங்கையின் மனமார்ந்த பாராட்டுகள்.
கற்க கசடறக் கற்றவை கற்றபின்
நிற்க அதற்குத் தக
என்றும் நட்புடன்,
கவிதா
ரொம்ப நன்றிம்மா. உடல் குறைக்கு சவால்விட்டு சாதனை படைக்கும் இந்த சகோதரர்களுக்கு ஆங்கிலத்தில் வைத்த பெயர் சாலப் பொருத்தம். தமிழில் நீங்கள் சொன்னது பொருத்தமாக இருக்குமென்றே நினைக்கிறேன்.
அன்புடன் சிவா
என்றென்றும் மன்றத்துடன்
கவலை என்பது கைக்குழந்தையல்ல
எல்லா நேரமும் தோளில் சுமக்க
கவலை ஒரு கட்டுச் சோறு
தின்று தீர்க்க வேண்டும் அல்லது
பகிர்ந்து தீர்க்க வேண்டும்...!!!
இந்தக் கவிதைக்கு முன்னரே ஒரு விமர்சனம் எழுதியிருந்தேன்... எனது கணிணியின் ஊனம்... தொலைந்து போனது..
பிறவி ஊனம் என்பது நாம் அறியாமல் விளைந்தது.
போலியோ ஊனம் நம் அறியாமையால் விளைந்தது..
உங்களின் ஒவ்வொரு படைப்புகளிலும் அது தரும் உண்மைத் தாக்கத்தை ஒரு கலைஞனாகப் புரிந்துகொள்ளமுடிகிறது.. இக்கவிதைக்கும் விமர்சனத்தை விட, அதன் வலிகள் கண்களில் பனித்தால் அதைவிட வேறு விமர்சனம் ஏது?
குழந்தைகளின் கால்களைப் போல மனதும் வளைந்து கிடைக்கிறது... அதற்கு அவர்களைப் போல தாங்கும் வலிமை இல்லை... இனிமேலும் குறைபடைப்புகள் இறைவன் எழுதாமல் இருக்க பிரார்த்திப்போம்.
அன்புடன்
ஆதவன்
இயற்கையின் குழந்தைகள் நாம்; நமது குழந்தைகள் இயற்கை!
அருமையான வரிகள் ஆதவா.Originally Posted by ஆதவா
நீங்கள் சொன்னதைப்போல அறியாமையால் விளைந்த ஊனம்தான் ஆனால் பாதிக்கப்பட்டவர்களின் அறியாமையால் அல்ல எனும்போது குற்றமே செய்யாமல் தண்டிக்கப்பட்டவர்களைக் காணுவதைப்போல மனம் வலிக்கிறது.
பிரார்த்திப்போம். நன்றி ஆதவா.
அன்புடன் சிவா
என்றென்றும் மன்றத்துடன்
கவலை என்பது கைக்குழந்தையல்ல
எல்லா நேரமும் தோளில் சுமக்க
கவலை ஒரு கட்டுச் சோறு
தின்று தீர்க்க வேண்டும் அல்லது
பகிர்ந்து தீர்க்க வேண்டும்...!!!
இத்தனை அற்புதக் கவிதை எப்படி தவறவிட்டேன் இத்தனை நாள்??
மேலே எழுப்பிய சிவா அண்ணாவுக்கு நன்றிகள்..!!
உடல் குறைப்பாட்டை..
ஊனமென்று சொல்லும் சொல்லாடல் கூட
மனத்தை பாதிக்கும் படி இருப்பதாக நான் கருதுகிறேன்..
இங்கே கவி அக்கா, அழகான ஒரு சொல் "சவால் நாயகர்கள்" என்று புதுப் பெயர் கொடுத்து சந்தோசத்தில் ஆழ்த்தினார்..
வளைந்தது இவர்களின்
கால்களானாலும்
வளையாதது இவர்களின்
குறிக்கோள்களாக இருக்கட்டும்..!!
"சமதை மமதை.."
சொல்லாடல் அருமை.. "சமதை" வார்த்தையாடலை பெரியண்ணாவைப் போல நானும் ரசித்தேன்..!!
இவர்களின் சுயம் சுயமாய் முன்னேறட்டும்..!!
நம்மோடு சக மனிதராய் பார்ப்பதே அவர்களை மகிழ்விப்பது தான்..!
மிகச் சிறந்த ஒரு படைப்பு படைத்த சிவா அண்ணாவுக்கு இந்த தங்கை பூவிடமிருந்து மனமார்ந்த பாராட்டும் 1000+1000 இ-பணமன்பளிப்பும்...!!
ஆஹா எத்தனை மென்மையான உள்ளம் என் தங்கைக்கு...? உடல் குறைபாடுதான் ஆனால் ஊனமில்லை. மிகச் சரியான கருத்தும்மா.
வளைந்தது இவர்கள் காலானாலும்.....அழகான வரிகள்.
ரொம்பச் சரி...நம்மோடு அவர்களை சக மனிதராய் பார்ப்பது நிச்சயம் அவர்களை மகிழ்விக்கும்.
அழகான பின்னூட்ட வரிகளுக்கும் இ-பண அன்பளிப்புக்கும் மனம் நிறைந்த நன்றி.
(பாத்தும்மா இப்படி அன்பளிப்பு கொடுத்து என்னை விட ஏழையாகிவிடப்போகிறாய்)
அன்புடன் சிவா
என்றென்றும் மன்றத்துடன்
கவலை என்பது கைக்குழந்தையல்ல
எல்லா நேரமும் தோளில் சுமக்க
கவலை ஒரு கட்டுச் சோறு
தின்று தீர்க்க வேண்டும் அல்லது
பகிர்ந்து தீர்க்க வேண்டும்...!!!
உங்களின் அன்பான ஐகேர்[Eye Care].. என்னிடம் இருக்கையில் இந்த இயந்திரத்தில் வாழும் ஐகேஸ்[Internet cash] எனக்கு பெரிதில்லையண்ணா...!!
ஏழையானாலும் உங்களது அன்பு என்னிடம் இருப்பதால் என்றுமே நான் பாசப்பணக்காரி தான்..!!
மிக மிக மிக மிக அருமையான கவிதை சிவா! விமரிசிக்க கூட மனசு வரவில்லை! அப்படியே வாசித்து அனுபவிக்கத்தான் தோன்றுகிறது!
எனது வாழ்த்துகளும் பாராட்டுக்களும் சிவா!
கவி வேந்தனின் இந்தப் பாராட்டுப் பின்னூட்டம் இன்னும் இன்னும் உற்சாகத்தை அளிக்கிறது. மிக்க நன்றி கலைவேந்தன்.
அன்புடன் சிவா
என்றென்றும் மன்றத்துடன்
கவலை என்பது கைக்குழந்தையல்ல
எல்லா நேரமும் தோளில் சுமக்க
கவலை ஒரு கட்டுச் சோறு
தின்று தீர்க்க வேண்டும் அல்லது
பகிர்ந்து தீர்க்க வேண்டும்...!!!
அசதல் கவிதை சிவா!!
என்றும் அன்புடன்
அச்சலா
..................................................................................
வாழ்க்கையில் திட்டமிட தவறாதே
திட்டமிட்ட வாழ்க்கை தவறாதே
..................................................................................
மிக்க நன்றி அனு.
அன்புடன் சிவா
என்றென்றும் மன்றத்துடன்
கவலை என்பது கைக்குழந்தையல்ல
எல்லா நேரமும் தோளில் சுமக்க
கவலை ஒரு கட்டுச் சோறு
தின்று தீர்க்க வேண்டும் அல்லது
பகிர்ந்து தீர்க்க வேண்டும்...!!!
There are currently 1 users browsing this thread. (0 members and 1 guests)
Posting Permissions
Reply With Quote
Bookmarks