Results 1 to 9 of 9

Thread: ஊனப் பூனைகள்!!!

                  
   
   
  1. #1
    இளையவர் பண்பட்டவர் டாக்டர் அண்ணாதுரை's Avatar
    Join Date
    30 Jan 2007
    Posts
    64
    Post Thanks / Like
    iCash Credits
    5,071
    Downloads
    0
    Uploads
    0

    ஊனப் பூனைகள்!!!

    சொல்லிச் சொல்லி புளித்துப்போன
    பொக்கிஷ வார்த்தைகள்....
    செதுக்கிச் செதுக்கி சரிசெய்த புத்திமதிகள்.....
    பொக்கிஷ வார்த்தையென்று தெரிந்தும்
    மதியை மீட்டும் வார்த்தையென்று அறிந்தும்
    கண்ணைக்கட்டிக்கொண்ட
    புத்திசாலி பூனை வம்சாவளிகள்!!

    மணிக்கணக்காய் வீதியை மேய்ந்துவிட்டு
    சாதித்துவிட்ட களைப்பில்...
    அதோ...மதில் மேல் அமர்ந்து
    உலகத்தை உத்துப்பார்க்கின்றன....
    ஆச்சர்யம், ஆச்சர்யம்....!!
    தெரிவது சோலையில் சேலையும் அதன் இடைவெளியும்!
    எரிவது எதிர்காலம்.....அதுமட்டிலும்
    பூனைக்கண்களுக்குத் தெரியவில்லை!


    ஊனமான கால்களைக்கொண்டு
    அங்கிருந்து குதிக்கப்பார்க்கும்
    புத்திகெட்ட பூனைகளின்
    குருட்டு தைரியத்தை
    கும்மாளமிட்டு கைத்தட்டும்
    அப்பா பூனையும் அம்மா பூனையும்...
    ஆஹா என்ன பூரிப்பு!!!
    உற்றுப்பார்க்கிறேன்....
    அடடா....
    அவைகளும் ஊனம்தான்!!
    நான் செய்யாவிடில் யார் செய்வது?
    இன்றே செய்யாவிடில் என்று செய்வது?


  2. #2
    மன்ற ஆலோசகர் பண்பட்டவர் kavitha's Avatar
    Join Date
    09 Dec 2003
    Posts
    4,291
    Post Thanks / Like
    iCash Credits
    5,050
    Downloads
    23
    Uploads
    0
    குருவின் கண்டிப்பும், ஆதங்கமும் சேர்ந்த கோபமாய் கவிதையின் வெளிப்பாடு.

    ஊனமான கால்களைக்கொண்டு
    அங்கிருந்து குதிக்கப்பார்க்கும்
    புத்திகெட்ட பூனைகளின்
    குருட்டு தைரியத்தை
    கும்மாளமிட்டு கைத்தட்டும்
    அப்பா பூனையும் அம்மா பூனையும்...
    ஆஹா என்ன பூரிப்பு!!!
    பெற்றோர் எதிர்பார்ப்பது வெற்றிக்கோப்பையைத்தானே! ஓட்டப்பந்தயத்தை ஊக்குவிக்கும் பெற்றோர்கள் மிகக்குறைவு.
    முடிந்தால் கோப்பையையும் கடையில் வாங்கிக்கொடுத்துவிடுவர் இக்காலப்பெற்றோர்கள்.

    கண்ணைக்கட்டிக்கொண்ட
    புத்திசாலி பூனை வம்சாவளிகள்!!
    ...
    தெரிவது சோலையில் சேலையும் அதன் இடைவெளியும்!
    அன்று நான்... இன்று நீ... நாளை உன் வம்சம்... தொடர்கதையாய்த் தொடர்பவை தானே! மதில்களை உடைத்தால் இச்சாபக்கேடு தீருமா? இல்லை இல்லை இது போன்ற உங்கள் கவிதைகள் அவர்களின் மனங்களின் மதிமயக்கத்தை உடைக்கட்டும்.

    சமுதாயச்சிந்தனையோடு கூடிய உங்கள் கவிதைகள் தொடரட்டும். நன்றி.
    கற்க கசடறக் கற்றவை கற்றபின்
    நிற்க அதற்குத் தக

    என்றும் நட்புடன்,
    கவிதா

  3. #3
    மன்றத்தின் தூண் பண்பட்டவர் சுகந்தப்ரீதன்'s Avatar
    Join Date
    23 Jun 2007
    Posts
    3,869
    Post Thanks / Like
    iCash Credits
    162,896
    Downloads
    69
    Uploads
    1
    குட்டிச்சுவற்றில் உட்கார்ந்து வெட்டிக்கதை பேசுபவர்களுக்கு...
    சாட்டையடியாய் இருக்கும் உங்கள் வரிகள்.. இனியேனும் சிந்தித்து செயல்படட்டும்..!!
    வாழ்த்துக்கள் அண்ணா..தொடருங்கள்..!!
    ஆற்றங் கரையின் மரமும் அரசறிய
    வீற்றிருந்த வாழ்வும் விழுமன்றே - ஏற்றம்
    உழுதுண்டு வாழ்வதற்கு ஒப்பில்லை கண்டீர்
    பழுதுண்டு வேறோர் பணிக்கு.
    -நல்வழி

  4. #4
    மன்றத்தின் மகுடம் பண்பட்டவர் ஓவியன்'s Avatar
    Join Date
    03 Feb 2007
    Location
    மலையும் மலை சார்ந்த இடமும்
    Posts
    16,080
    Post Thanks / Like
    iCash Credits
    80,871
    Downloads
    97
    Uploads
    2
    வேறுபட்ட ஒரு விதத்தில்
    விதியை வெல்லும் மதியை
    கயிறால் கட்டியதால்
    ஊனமான பூனைகளுக்கு
    கவிதையாய் வைத்த சூடு
    அருமை அண்ணா....!!

    மகள்களைப் பெற்ற அப்பாக்களுக்கு மட்டும் தான் தெரியும்,
    முத்தம் - காமத்தில் சேர்ந்ததில்லை என்று
    -இயக்குனர் ராம்

  5. #5
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    173,626
    Downloads
    39
    Uploads
    0
    ஊனப்பூனைகளின் ஊனமான மனதையும் குணப்படுத்தும் சாட்டை சுழற்றல். சிந்திக்க வைக்கும் வரிகள் வாழ்த்துகள் டாக்டர் சார்.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  6. #6
    மன்றத்தின் தூண் பண்பட்டவர்
    Join Date
    11 Oct 2004
    Location
    தமிழ்மன்றம்
    Posts
    4,511
    Post Thanks / Like
    iCash Credits
    79,771
    Downloads
    104
    Uploads
    1
    வணக்கம் டாக்டர்.... நலமா....

    உங்கள் கவிதைகளோடு மீண்டும் உங்களை காண்பதி மகிழ்ச்சி...

    (அறிஞருக்கு ஒரு தனிமடல் அனுப்பி உங்கள் பழைய பயணாளர் பெயரை இதி இனைக்க சொல்லலாமே...)

    கவிதைக்கு வருவோம்....
    ஊமை பூனைகள்... தலைப்பையும் படைப்பாளரையும் கண்ட உடனையே புரிந்தது, உள்ளே மனதை குடையும் ஒன்று கண்டிப்பாக இருக்க போவது....

    குட்டி சுவரும்...
    வெட்டி கதையும் பேசி
    திரியும் இவர்களுக்கு
    சேலை இடையின்றி வேறு
    வேலை கிடையாது...

    வேலையில்லாததினால்
    சேலை பார்பது வேலையாகிறது....

    எங்கள் ஊரின் வழியே செல்லும் ஆற்றின் குறுக்கே ஒரு பாலம் உண்டு,
    அதன் குட்டி சுவரில் எப்போதூம் ஒரு கூட்டம் இருக்கும்,
    இவர்கள் எங்களோடு கிரிகெட் விளையாட வருவார்கள்.... இதனால் எப்போதவது நாங்களும் இருப்போம்... இதில் நிரந்திர உறுப்பினர்கள் அனைவரும் படித்து விட்டு வேலையில்லாமல், வேலை தேடாமல், வீட்டு சாப்பாடில் வாழும் சூரர்கள் தான்.... பள்ளி குழந்தைகள், கல்லூரி மாணவிகள், வேலைக்கு செல்லும் பெண்கள் என்று யாரையும், விடாமல்... எதையும் விடாமல் கண்களால் புசிக்கும் இவர்களுக்கு தெரிவதில்லை.
    ரத்தத்தின் வேகம் தணிந்து திரும்பி பார்க்கையில், இவர்களோடு சிறின்பத்திற்கு சிக்காமல் சென்றவர்கள் வாழ்க்கையில் எங்கோ போயிருப்பது தெரிந்தது.... இவர்கள் இன்னும் அதே மதிலில் பூனையாய்...

    நல்ல கவிதை.....
    ஆனால்.....

    சொல்லிச் சொல்லி புளித்துப்போன
    பொக்கிஷ வார்த்தைகள்....
    செதுக்கிச் செதுக்கி சரிசெய்த புத்திமதிகள்.....
    ................
    ................
    கும்மாளமிட்டு கைத்தட்டும்
    அப்பா பூனையும் அம்மா பூனையும்...
    ஆஹா என்ன பூரிப்பு!!!
    முதலில் வரும் வரிகள் கடைசியில் வரும் வரிகளுக்கு முரண்பாடாய் தெரிவது கவிதையில் ஒரு பின்னடைவு.....

    பாராட்டுகள்...
    பென்ஸ்

    என் பதிவில் உள்ள எழுத்து பிழையை சகிக்கவும்... அதை சுட்டி காட்டுபவர்களுடன் நான் சன்டையாக்கும்...

  7. #7
    மன்றத்தின் மகுடம் பண்பட்டவர்
    Join Date
    31 Mar 2003
    Posts
    15,683
    Post Thanks / Like
    iCash Credits
    57,367
    Downloads
    4
    Uploads
    0
    இணைதேடல் வாழ்வின் ஓர் இன்றியமையாத அங்கம்..
    அதை மட்டுமே இடை-விடாமல் செய்துகொண்டிருந்தால்?

    (அந்தக் காலகட்டம் தாண்டி வந்து பார்த்தால் தெரியும்..)

    வாழ்வாதாரம் தேடிப் பயின்று வேர் விடாமல் தள்ளாடும்
    இந்த ஆகாயத்தாமரைகளை -
    வாழ்வின் அடுத்த கட்டத்துக்குப்
    பூரிப்புடன் அனுப்ப முனையும் பெற்றோர்...

    இதுவா அதுவா - எப்படியும் பாயும் பூனை மனம்
    ஊனமாயும் போனால்????

    கண்டு சகிக்காமல் பொங்கிய கவிதை...

    வாழ்த்துகள் அன்பு நண்பருக்கு..
    எத்தனை மனிதர்கள் உலகத்திலே...
    எத்தனை உலகங்கள் இதயத்திலே...

  8. #8
    இளையவர் பண்பட்டவர் டாக்டர் அண்ணாதுரை's Avatar
    Join Date
    30 Jan 2007
    Posts
    64
    Post Thanks / Like
    iCash Credits
    5,071
    Downloads
    0
    Uploads
    0
    கவிதைக்கு வர்ணம் பூசி மெறுகேற்றிய கவிதா, சுகந்தப்பிரிரியன், ஓவியன், சிவா, பென்ஸ், இளசு.....அனைவருக்கும் நன்றி மலர்கள்.

    காலச்சக்கரத்தின் வேகத்தை பார்க்கும்பொழுது...இனம் தெரியாத அச்ச உணர்வு...அதிலும் நமது இளையோர்களை கவனிக்கும் பொழுது.....அச்சம் கூடுகிறது....இவர்களா நமது சமுதாயத்தின் தூண்கள்.? கண்களாக இருக்க வேண்டிய பெற்றோர்களின் கண்களில் புண்கள்....ஆதங்கம் தாங்கவில்லை...அதன் வெளிப்பாடுதான் இது!
    மன ஊனம்.....கொடூரமானது...., சுய உணர்வின் வழிதான் மீளமுடியும்....
    சொல் புத்தியில் குட்டிப்பூனைகள் திருந்தலாம், சொந்தப்புத்தியில்தான் அம்மா பூனையும், அப்பா பூனையும் திருந்த இயலும்!
    நான் செய்யாவிடில் யார் செய்வது?
    இன்றே செய்யாவிடில் என்று செய்வது?


  9. #9
    இளையவர் பண்பட்டவர் டாக்டர் அண்ணாதுரை's Avatar
    Join Date
    30 Jan 2007
    Posts
    64
    Post Thanks / Like
    iCash Credits
    5,071
    Downloads
    0
    Uploads
    0
    கவிதைக்கு வர்ணம் பூசி மெறுகேற்றிய கவிதா, சுகந்தப்பிரிரியன், ஓவியன், சிவா, பென்ஸ், இளசு.....அனைவருக்கும் நன்றி மலர்கள்.

    காலச்சக்கரத்தின் வேகத்தை பார்க்கும்பொழுது...இனம் தெரியாத அச்ச உணர்வு...அதிலும் நமது இளையோர்களை கவனிக்கும் பொழுது.....அச்சம் கூடுகிறது....இவர்களா நமது சமுதாயத்தின் தூண்கள்.? கண்களாக இருக்க வேண்டிய பெற்றோர்களின் கண்களில் புண்கள்....ஆதங்கம் தாங்கவில்லை...அதன் வெளிப்பாடுதான் இது!
    மன ஊனம்.....கொடூரமானது...., சுய உணர்வின் வழிதான் மீளமுடியும்....
    சொல் புத்தியில் குட்டிப்பூனைகள் திருந்தலாம், சொந்தப்புத்தியில்தான் அம்மா பூனையும், அப்பா பூனையும் திருந்த இயலும்!
    நான் செய்யாவிடில் யார் செய்வது?
    இன்றே செய்யாவிடில் என்று செய்வது?


Thread Information

Users Browsing this Thread

There are currently 1 users browsing this thread. (0 members and 1 guests)

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •