செய்திகள் வாசிப்பது வேறொருத்தி

[shibly591]

தொலைக்காட்சியில் அவசர செய்தி..
..குண்டுவெடிப்பு
பத்துப்பேர் படுகொலை
..காயமடைந்தோர் தொகை அதிகரிப்பு
விசாரணை
மேலதிக தகவல் பிரதான செய்தியில் !
நேற்றைய செய்தியின்
மறு ஒளிபரப்பேதான்..
ஆயினும்
வாசிக்கம் பெண்தான் வேறொருத்தி !

[மனோஜ்]

அடுத்த பரபரப்பு செய்தி கிடைக்கும் வரை இது தான் செய்தியாக இருக்கும் பெண் மட்டும் மாறி கொண்டு தான் இருப்பார்கள் இது தான் தற்பொழுது நடைமுறை

நல்ல கவிதை நன்றி

[தீபன்]

அடுத்த பரபரப்பு செய்தி கிடைக்கும் வரை இது தான் செய்தியாக இருக்கும் பெண் மட்டும் மாறி கொண்டு தான் இருப்பார்கள் இது தான் தற்பொழுது நடைமுறை

நல்ல கவிதை நன்றி

கவிதயை எழுதிய நண்பர் அதை நீங்கள் சொல்லும் அர்த்தத்தில் எழுதவில்லையென நினைக்கிறென். தினசரி அதே சம்பவங்கள் (குண்டு வெடிப்புக்கள்) நிகழ்வதையும் அதனால் அது பழைய செய்தியா அல்லது புதிய செய்தியா என பார்ப்பவர்கள் குழம்பும் நிலையை எடுத்து காட்டுவதாகத்தான் அதை எழுதியுள்ளார். (ஏனெனில், இலங்கை நிலவரம் அப்படி...)

[shibly591]

தீபன் சொன்னதே சரி...

[சுகந்தப்ரீதன்]

நல்ல சேதியை மட்டும் வாசிக்கும் நாள் அவளுக்கு விரைவில் வாய்க்கட்டும்..!!

[ஓவியன்]

செய்தி வாசிப்போரும்
செய்தி சேகரிப்போரும்
செய்திகளாக மாறும்
அவலம் தொலையட்டும்......!!

பாராட்டுக்கள் ஷிப்லி, யதார்த்தத்தை தத்ரூபக் கவியாக்கியமைக்கு.....

[சிவா.ஜி]

வாசிப்பவர் மாறினாலும் செய்திகளில் மாற்றமில்லாத தினசரி நிகழும் சோகங்கள். இது புதியதா பழையதா எனத் தெரியாமல், வருத்தப்படுவதா வேண்டாமா எனவும் புரியாமல் சில நேரம் மனிதமே மரத்துப் போகிறது. பாராட்டுகள் ஷிப்லி.

[ராஜா]

இந்த அவலங்கள் நமக்கு என்றுமே நிகழாது என்று ஒருவித ஆறுதலுடனும், நம்பிக்கையுடனும் செய்தியை அவதானிக்கும் நேயர்கள் கூட ஒருநாளைக்கு அவ்வாறான செய்திகளாய்ப் போவதும் சோகமே..

ஆக... பார்வையாளர்களும் மாறத்தான் செய்கிறார்கள்.. துன்பங்கள்தான் ஓய்வதேயில்லை.

[அறிஞர்]

சோகத்தின் தாக்கத்தை வெளிப்படுத்தும்
சிந்தனை வரிகள்....