ஆயிரம் கவிதைகளை சுமந்தபடி!

[ப்ரியன்]

#

மணல் ஓவியங்கள் -
மண் மீது படியும்
உன் கால்தடங்கள்!

#

தள்ளி நின்றே
கும்பிடு!
இறங்கிவந்து கட்டிக் கொடுக்கச் சொல்லி
அடம்பிடிக்கப் போகிறான்
அய்யனார்!

#

நீ அமைதியாய்தான்
இருக்கிறாய்;
உன் அழகுதான்
புரிகிறது
ஆயிரம் அழிச்சாட்டம்!

#

இதழ் ஒற்றி எடுத்தாய்
கைக்குட்டையில்
முளைத்தது ரோஜா!

#

நாட்குறிப்பில் பூத்த
கவிதையை பறிக்க
உனை அழைத்தால் -
நீ வருகிறாய்
ஆயிரம் கவிதைகளை சுமந்தபடி!

#

- ப்ரியன்.

[ஷீ-நிசி]

இதழ் ஒற்றி எடுத்தாய்
கைக்குட்டையில்
முளைத்தது ரோஜா!

வாவ்...... பிரமாதம்....

[ஆதி]

நிசி என்னையும் அந்த வரிகள் வெகுவாய் கவர்ந்தன..

வாழ்த்துக்கள் ப்ரியன்..

உங்கள் கவிதைக்களுக்கு என்றும் ரசிகன் நான்..

[அறிஞர்]

மணல் ஓவியங்கள் -
மண் மீது படியும்
உன் கால்தடங்கள்!
----
இதழ் ஒற்றி எடுத்தாய்
கைக்குட்டையில்
முளைத்தது ரோஜா!

- ப்ரியன்.

அருமை ப்ரியன்..
சில வரிகளில் பல அர்த்தங்கள்...
இன்னும் தொடர்ந்து கொடுங்கள்..

[நதி]

மணல் ஓவியங்கள் -
மண் மீது படியும்
உன் கால்தடங்கள்!

அலையிலும் புயலிலும்
சில நேரத் தென்றலிலும்
மறைந்துவிடும் மணலோவியங்களா
உன்னில் பதிந்த
என் பாதச்சுவடுகள்

[நதி]

இதழ் ஒற்றி எடுத்தாய்
கைக்குட்டையில்
முளைத்தது ரோஜா!

நிறமிழந்தது இதழ்
கண்(ணைப்) பறித்த*
ரோஜாவால்!

[ஆதவா]

எனக்கென்னவோ காதல் கவிதை என்றாலே சலிப்பு தட்ட ஆரம்பித்துவிடுகிறது... உங்கள் கவிதை சற்றே வித்தியாசமாக இருப்பதால் அது தெரிவதில்லை..

ஒவ்வொரு வரிகளும் உங்களுக்கான பாணி....

மணல் ஓவியங்கள் -
மண் மீது படியும்
உன் கால்தடங்கள்!

இந்த வரிகள் பல இடங்களில் அடிபடுகிறது...

தள்ளி நின்றே
கும்பிடு!
இறங்கிவந்து கட்டிக் கொடுக்கச் சொல்லி
அடம்பிடிக்கப் போகிறான்
அய்யனார்!

அதிசயம்.... இதே போல நானும் காதல் கவிதை எழுதினேன்,. (பிப்ரவரி 14 http://aadava.blogspot.com ) விழிகள் விரித்து...

இதழ் ஒற்றி எடுத்தாய்
கைக்குட்டையில்
முளைத்தது ரோஜா!

அழகு...

தொடருங்கள்...