புதுயுக விடியல்

[நாகரா]

அதோ
தெரிகிறது
புதுயுக விடியலின்
வெளிச்சம்!

மடியும்
மடமையிருளின்
குருதி பூசிச்
சிவந்த
புரட்சிப் பூக்களில்
சிரிக்கும்
புது வசந்தமே!

பண
மன
வறுமைகள்
நிற
இனப்
பிரிவுகள்
சாதி
மதப்
பிளவுகள்
இவற்றின்
கல்லறைகளிலிருந்து
மனிதன்
கருவறையில்
தொலைத்த
தன் ஆறாவது அறிவை
மீட்கிறான்.

வேருங் கிளையும்
இலையுங் காயும்
மலருங் கனியும்
தங்கள்
சாயலும்
செயலும்
உறங்கச் செய்த
மரவின
ஒருமையுணர்வை
ஞாபகங் கொள்ளும் நாள்
அதோ
தெரிகிறது
புதுயுக விடியலின்
வெளிச்சம்!

[ஓவியன்]

புரட்சிப் பூக்களாய் புது யுகம் ஒன்று பிறக்க வேண்டுமென்பது, நலன் விரும்பிகள் பலரது ஆழ் மனசுக் கனவுதான். ஆனால் இன்று புரட்சி என்ற வார்த்தையையே களங்கப்படுத்தி வருகிறோம், எங்கெங்கு இந்த வார்த்தையைப் பாவிக்க கூடாதோ அங்கு, அங்கெல்லாம் பாவித்து இந்த வார்த்தையின் புனிதத்தை எவ்வளவு முடியுமோ அத்துணை களங்கப்படுத்தி வருகிறோம்.
ஆனால் எங்கு உண்மையான புரட்சி பிறக்கிறதோ, அங்கே புது யுகம் பிறக்கும்....!!

_______________________________________________________________________

தெள்ளிய நீரோடை போல சந்தத்துடன் சல சலத்து ஓடிய அழகிய கவி அருவிக்கு என் மனதார்ந்த வாழ்துகள்..!!

[விகடன்]

கவிதை அழகாக இருக்கிறது.
அதில் ஒரு பகுதியாய் இருக்கும்,

பண
மன
வறுமைகள்
நிற
இனப்
பிரிவுகள்
சாதி
மதப்
பிளவுகள்
இவற்றின்
கல்லறைகளிலிருந்து

என்பதிலிருந்து என்னத்தை சொல்ல விளைகிறீர்கள்ள்.
மேற்படி சொல்லப்பட்ட வேறுபாடு காணும் இயல்பு மனித வர்க்கத்திலிருந்து அழிக்கப்பட்டு அடக்கம் செய்யப்பட்டுவிட்டன... என்றா?
இந்தப் பகுதியில் குழப்பம் இருப்பது போல எனக்கு தென்படுகிறது.

[நாகரா]

மேற்படி சொல்லப்பட்ட வேறுபாடு காணும் இயல்பு மனித வர்க்கத்திலிருந்து அழிக்கப்பட்டு அடக்கம் செய்யப்பட்டுவிட்டன...

அதுவே நான் சொல்ல விழைவது, விராடன். உம் பின்னூட்டத்துக்கு நன்றி.

[நாகரா]

உம் பின்னூட்டத்துக்கு நன்றி ஓவியன்

[விகடன்]

கவிதையிலும் அதுதான் தொனிக்கிறது. ஆனால் இது தற்காலத்தின் போக்கிற்கு முரணாக இருப்பதால்த்தான் கேட்டேன்.

[நாகரா]

தற்காலப் போக்கு மாறி
"க" என்னும் ஒருமையின் விதை
('க' ஒன்றைக் குறிக்கும் எழுத்து)
வெளிச்சந் தரும் விருட்சமாய்
மண்ணில் விடியும்
இது நிச்சயம் விராடரே!
நன்றி