நண்பனின் உள்வெளியிலிருந்து.....

[Nanban]

அனைவர் சொல்வதிலிருந்தும் நீங்கள் மன்றத்தின் முக்கியத் தூணாக இருந்திருப்பீர்கள் என்று கருதுகிறேன். உங்கள் நூல் வெளியீட்டு விழா இனிதே சிறக்க வாழ்த்துக்கள் நண்பா.(ஆமாம் உண்மை பெயர் என்ன?)

மிக்க நன்றி - பூர்ணிமா.

நான் மன்றத்தின் தூணாக இருந்தேனா இல்லையா என்று எனக்குத் தெரியாது. ஆனால், நான் எழுதியவைகளைத் தயக்கமின்றி பிரசவிக்கும் இடமாக தமிழ் மன்றத்தைப் பயன்படுத்திக் கொண்டேன் என்பது தான் உண்மை.

என் பெயர்? மிக இனிமையான பெயர். காதலுக்கு இலக்கணம் சொல்லும் பெயர். கலைகளை வார்த்தெடுப்பதை தன் உயிர்மூச்சாகக் கொண்டு வாழ்ந்த ஒரு பேரரசனின் பெயர்.

இனி நீங்கள் தான் கண்டு சொல்ல வேண்டும்

மிக்க அன்புடன்,
நண்பன்

[Nanban]

வெளிவர இருக்கும் உமது "உள்வெளி" கவிதைத் தொகுப்புக்கு என் மனமார்ந்த வாழ்த்துக்கள், நண்பன்.

மிக்க நன்றி...நாகரா.

[Nanban]

உங்களை வாழ்த்தும் அளவுக்கு வயதோ,அனுபவமோ இல்லை. இருந்தாலும் என் வாழ்த்துகள் நண்பன் அண்ணா.

உங்கள் தொகுப்பும், முத்துகுமரன் அண்ணாவின் தொகுப்பும் இனிதாய் மலரட்டும்.

ஆஹா!!! நான் என்ன மூத்த அரசியல் தலைவரா - வாழ்த்துவதற்கு வயதையெல்லாம் கணக்கிலெடுத்துக் கொண்டு?

தாராளமாக வாழ்த்துங்கள்.

சிந்தனைக்கும், கற்பனைகளுக்கும் வயது கிடையாது. என்றுமே இளமை தான்...

[Nanban]

வாழ்த்துகள் நண்பன் அண்ணா..!!

தமிழ் மன்ற குடும்பத்தின் குழந்தை பூ, இந்த ஆலமரத்தினை பெருமிதத்தோடு பாக்கிறது..!!

மிக நல்ல செய்தி சொன்னீர்கள்..!!

மீண்டும் மன்றம் வந்து, மன்றத்தோடு என்றும் இணைந்து எங்களுக்கு உங்களின் தெள்ளமுதக் கவியை நிறுத்தாலும் தருமாறு வேண்டிக் கொள்கிறேன்.

நண்பன் என்ற பெயரை வைத்துக் கொண்டதே, உறவுகள் தரும் மனச்சிக்கல்களையும் தாண்டி இயல்பாய், நட்பாய், சிநேகமாய் உறவாட வேண்டுமென்பதற்காகத் தானே?

நண்பன் என்றே கூப்பிடுங்கள்...

மேலும் ஆலமரமாக யாரையும் பார்க்காதீர்கள். ஆலமரம் எந்த ஒரு சிறு புல், பூண்டையும் கூட தன் நிழலில் வளரவிடுவதில்லை. நான் அத்தகைய ஒரு மரமாக யாருடைய பாதையிலும் நிற்க மாட்டேன்.

பூமகளாக, வெளிச்சம் உண்டு, காற்றில் தவழ்ந்து செழித்து வளர வாழ்த்துகள்.

அன்புடன்

நண்பன்

[Nanban]

இரண்டு நாள் இடைவேளையின் பின் மன்றத்தினுள் நுளைந்த எனக்கு, இன்ப அதிர்சி...!!

அது சித்திரைப் புத்தாண்டுப் பரிசாக....!!!

எழுத்துக்களால் என்றுமே நம் மனதில் உயர்ந்த இடத்திலிருக்கும் உங்கள் நற்செய்தி ஒன்றுடனான மீள் வரவு கண்டு மனம் ஆனந்தத்தில் ஆர்ப்பாட்டம் போடுகிறது...!!

மனதார வாழ்த்துகிறேன் அண்ணா, நேரம் கிடைக்கையில் எல்லாம் நம்மிடை இணந்திருங்கள் என்ற அன்பு வேண்டுகோளுடன்..........

சித்திரை இனி தமிழ்ப் புத்தாண்டல்லவே? சற்று காலம் பிடிக்கும் இல்லையா? தை திருநாளை வருடப் பிறப்பாக எண்ணிப் பார்க்க? தை பிறந்தால் வழி பிறக்கும் என்பார்கள். அதாவது புது வருடம் வந்தால், ஏதாவது வழி பிறக்கலாமென்பது தானே அதன் பொருள். இப்பொழுது தான் நாம் பழைய பாதைகளுக்குத் திரும்பிக் கொண்டிருக்கிறோம், அல்லவா?

மாற்றங்கள் தான் வாழ்க்கை. இதை ஏற்றுக் கொள்ள சற்று காலம் பிடிக்கலாம். பழைய இயல்பிற்குத் திரும்ப சற்றே கால அவகாசம் தேவைதான் - இல்லையா?


உங்கள் மகிழ்வு - ஆர்ப்பரிக்கும் மனம் இதெல்லாம் என்னையும் உற்சாகம் கொள்ளச் செய்கிறது. உற்சாகம் ஒருவரிலிருந்து மற்றவர்க்குத் தொற்றிக் கொள்வது இயற்கை தானே?

உங்கள் மனப்பூர்வமான வாழ்த்துகளுக்கு எனது நன்றிகள் பல.

என்றும் இது போன்ற அன்பான வாழ்த்துகளுக்கு உரியவனாக இருக்க வேண்டுமே என்ற உணர்வும் தலை தூக்குகிறது.

மிக்க நன்றி - ஓவியன்

அன்புடன்

நண்பன்

[Nanban]

மிக்க சந்தோஷமான செய்தி நண்பன். வாழ்த்துகள்..

மதி

மிக்க நன்றிகள். சந்தோஷத்துடன் வாழ்த்தும் உங்கள் மனதிற்கு...

அன்புடன்

நண்பன்

[Nanban]

அன்புடன் மிக மிக வரவேற்கும் நன்பன நீங்கள். நான் இப்போது இணைந்தவன். நீங்கள் மன்றத்தின் மூத்தவர். உங்கள் கவிதைகளைப் படித்து....இவர் இன்றிருக்கவில்லையே என ஏங்கியவன் நான். மிக நீண்ட நாட்களுக்குப்பிறகு உங்களை மன்றம் கான்பதில் மிக மிக மகிழ்வு. தங்களின் கவிதைகள் அச்சாவதில் அளவற்ற ஆனந்தம். ஒரு குறை உள்ளது...தாமதமாகிவிட்டது. அவ்வளவே.

அன்புடன் சிவா.ஜி.க்கு

மிக மகிழ்ச்சி. நான் இருந்த பொழுது என்னுடன் பழகியவர்கள் என்னிடம் மிக்க அன்பாக இருப்பது இயல்பானது. என்னையறியாமலேயே, எனது எழுத்துகளை மட்டுமே வாசித்து, என் மீது இத்தனை அன்பும் மதிப்பும் வைத்திருப்பது குறித்து பிரமிக்கிறேன். இந்த அன்பிற்கும், பாசத்திற்கும் நான் எவ்வாறு பதில் செய்வேன் என்று திகைத்து நிற்கிறேன்.



அன்புடன்

நண்பன்

[Nanban]

பாரதி, அறிஞர், ஆதவா, கவிதா....

மிக்க மகிழ்ச்சியுடன் எனது நன்றிகள்...

விரிவான பதில் எழுத எனக்கு நிறைய அவகாசம் தேவைப்படுகிறது. அத்தனை எளிது இல்லை - சம்பிராதாயமான வார்த்தைகளைப் பேசி நன்றி மட்டும் சொல்லி முடித்துக் கொள்ள.

எனக்குத் தேவைப்படும் அவகாசத்தை நீங்கள் கொடுப்பீர்கள் என்ற நம்பிக்கையுடன்,

அன்புடன்

நண்பன்

[ஓவியன்]

மாற்றங்கள் தான் வாழ்க்கை. இதை ஏற்றுக் கொள்ள சற்று காலம் பிடிக்கலாம். பழைய இயல்பிற்குத் திரும்ப சற்றே கால அவகாசம் தேவைதான் - இல்லையா?

உண்மைதான் அண்ணா, மாற்றம் என்பது மாற்றமில்லாதது என்பார்கள்....
அந்த மாற்றத்தை இலகுவில் உள்வாங்கிக் கொள்ள வைப்பதற்கு காலத்தை விட சிறந்த மருத்துவர் இல்லைதான்...!

உங்களது முன்னைய எழுத்துக்களால் மட்டுமே உள்வெளியை அறிந்த நாம், தொடர்ந்தும் உங்கள் உள்வெளியில் கலந்திட முடியுமென்ற எண்ணம் ஒன்றே அந்த கால அவகாசத்தையும் இலகுவில் வென்றிடுவதற்கு....

[அறிஞர்]

எனக்குத் தேவைப்படும் அவகாசத்தை நீங்கள் கொடுப்பீர்கள் என்ற நம்பிக்கையுடன்,
அன்புடன்

நண்பன்

இதழ் வெளியீடு முடிந்து.. பொறுமையாய் வாருங்கள்.....
நம்பிக்கையுடன் நாங்களும் காத்திருக்கிறோம்.

[அன்புரசிகன்]

அனைத்தும் நலமாய் திகழ இறைவனை பிரார்த்திக்கிறேன்.

[பாரதி]

பாரதி, அறிஞர், ஆதவா, கவிதா....

விரிவான பதில் எழுத எனக்கு நிறைய அவகாசம் தேவைப்படுகிறது.

எனக்குத் தேவைப்படும் அவகாசத்தை நீங்கள் கொடுப்பீர்கள் என்ற நம்பிக்கையுடன்,

அன்புடன்

நண்பன்

நிச்சயம் நண்பரே... ஆவலுடன் எதிர்பார்த்துக் காத்திருப்போம்.