என் காதலி.

[நம்பிகோபாலன்]

என் தலைகோதும் பொழுது
குழந்தையானாய்
என்னை கண்டிக்கும் பொழுது
தாயானாய்
என்னை உருவாக்கும் பொழுது
தோழியனாய்
முடிவில்
என்னை உருக்குலைத்த பொழுது
என் காதலியனாய்........

.

[IDEALEYE]

கவிதையில் அசல் தன்மை இல்லாமல் இருக்கின்றது நண்பரே
அத்துடன் காதலி என்பதுடன் நீங்கள் இணைத்துள்ள வாக்கியக்குறிப்பு ஜீரணிக்கும்படிய்யாகவும் இல்லையே நண்பரே
அன்புடன் ஐஐ

[ஆர்.ஈஸ்வரன்]

உருக்குலைத்து மீண்டும் உருவேற்றுவர்கள். கவலை வேண்டாம்.

[ஓவியன்]

உருக்குலைப்பதும், புது உருவாக்குவதும் காதலியில் மட்டுமல்ல, உங்களது காதலின் ஆழத்திலும் தங்கியுள்ளது நண்பரே..!!

[வசீகரன்]

அவளின் ஒவ்வொரு அசைவிலும் வெவ்வேறு முகங்களை பார்த்த நீங்கள்
ஏதோ ஓர் உணர்வு ஊருகுலைத்து உங்களை அவள் வாசம் காதல் அரிதாரத்தை பார்க்க வைத்து விட்டதோ..!

நல்ல படைப்பு நண்பர் நம்பி... தொடருங்கள்

[நம்பிகோபாலன்]

நன்றி வசீகரன்

[நம்பிகோபாலன்]

உருகுலைந்துதான் போனேன்
என்னை மீண்டும் உருவாக்கி (எழுதச்செய்ய)
என் தோழியான தாயே காரணம்.
பிழைகள் இருப்பின் மன்னிக்க
விரைவில் திருத்திகொள்கிறேன்....

[அமரன்]

குழந்தை கலைத்த கேசம்,
தாயின் மெ(மே)ன்மைக் கண்டிப்பு,
தோழமையின் அருகாமை
அனைத்தும் இதமானவை..

கவிதையில் அழகாக பொருத்தியமைக்கு பாராட்டுகள்.

படித்த, பார்த்த, அனுபவித்தவற்றின் பாதிப்பு இல்லாமல் எழுதுவது கடினமானது.

தொடர்ந்து எழுதி இன்னும் திறன்பட வாழ்த்தும் பாராட்டும்..

[வாசகி]

பிசைந்து குழைத்து
உருக் கொடுத்த போதும்
தலை கலைத்து
அழகுற வாரும்போதும்
தூசி "தட்டி"
பளிச்சிடச் செய்தபோதும்
பிறக்காத படுத்தல்
சீவிச் சிங்காரிக்கையிலேன்?

பக்குவம் உன்னுள்
பட்டு விட்டதோ தோழா?

[அனுராகவன்]

ஆகா!!
கவிதையின் அழகு நன்கு புலப்படுகிறது...
அனைத்தும் காலநிலைக்கேற்ப தானாக நிகழ்பவை..
வாழ்க்கையில் அனைத்தும் படிபடியாக நடக்கிறது..
கவலை வேண்டாம் தோழனே..
ம்ம் என் வாழ்த்துக்கள்

[சுகந்தப்ரீதன்]

பிறர் குறை காணும் முன்பு தன் குறை கலைவது நன்று நண்பா..!!

உருவாக்கியவள் எப்படி உருக்குலைப்பாள்...?? ஏற்புடையதாக இல்லை நண்பரே..! ஆனாலும் கவிதைக்கு எனது வாழ்த்துக்கள்..!!

உங்கள் சோகம் உணர்கிறேன்.. அதை சொன்னவிதம் மறுக்கிறேன்.. நண்பரே..!