ஒன்றாந்தேதி!!!!

[சிவா.ஜி]

ஒவ்வொரு வருடமும்
ஒன்றாந்தேதி
வந்துதான் போகிறது!
உள்ளத்தில் ஒன்றுவதாய்
இந்த ஒன்று இருக்கட்டுமே...

சுற்றம் மட்டுமல்ல
சுயத்தையும்
சுத்தமாய் வைத்திருப்போம்
ஆத்திரத்திர்க்கோர்
அங்குசம் வாங்குவோம்
அமைதி நிலவ நாமும்
அணிலாய் இருப்போம்

மரமொன்றை நடுவோம்
இயலாதெனில்
இருப்பதைக் காப்போம்!
மழைநீர் சேமிப்போம், அதை
பிழையின்றி பயணாக்குவோம்

ஏதேனுமோர் ஏழைக்கு
எழுத்தறிவிப்போம்
சிறிதேனும் சிலருக்கு
உதிரம் தருவோம்!

குடிநீருக்கு மாற்றாய்
குளிர்பானம் தவிர்ப்போம்
குடிநீரில் குளியலை
அறவே மறப்போம்!

அயலாரிடம்
அன்புப் புன்னகைப் பூப்போம்
அன்றாட வாழ்வில்
அன்பை அதிகம் சேர்ப்போம்!

இனி ஒன்றிவிட்ட
இந்த ஒன்றை
எப்போதும் தொடர்வோம்!

[அமரன்]

இப்படி இருக்க வேண்டுமென நினைத்து ஒவ்வொரு ஒன்றாந்தேதியும் உத்தேச பட்ஜெட் போடுகிறேன்.. கொடுமை என்னன்னா விவாதம் துவங்குமுன்னே பட்ஜெட் ஆட்டம் கண்டுவிடுகிறது.. நினைத்து மறுகணம் தெருமுக்கு தாண்டும் முன்னே பட்ஜெட்டில் துண்டுவிழல் அறியமுடியும். குறைகளையும் அறியமுடியும். நிறைவாக இருப்பவைகளை நிறைவேற்றமுடியாமலும் போகலாம். எப்படியோ எல்லாரும் முயன்றால் சாத்தியமாகாதது ஏதுமொண்டோ..

பாராட்டுகள் சிவா.

[சிவா.ஜி]

அட...அடுத்த ரவுண்டா...இந்த கவிதைக்கு கிடைத்த அத்தனை பின்னூட்டங்களும்....காணாமல் போய்விட்டது...இன்று அமரக் கரங்களால் ஒரு புதுப்பின்னூட்டம் பார்க்கையில் மகிழ்ச்சி.நன்றி அமரன்.