Page 1 of 4 1 2 3 4 LastLast
Results 1 to 12 of 43

Thread: தலைநகரம்(தொடர்கதை): நிறைந்தது

                  
   
   
  1. #1
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    137,355
    Downloads
    39
    Uploads
    0

    Question தலைநகரம்(தொடர்கதை): நிறைந்தது

    டிசம்பர் மாத டெல்லி....கடுங்குளிராக இருந்தது.ராணுவத்தின் உயரதிகாரிகள் வசிக்கும் அந்த பகுதி ஆள் நடமாட்டம் அதிகமில்லாமல் இருந்தது.சூர்யா நின்றிருந்த இடம் இந்திய ராணுவத்தின் தலைமைத் தளபதி சந்திரசேகர் அவர்களின் பங்களாவுக்கு எதிரில்.வாசல் கதவு மூடியிருந்தது.செக்யூரிட்டிகளுக்கான கூண்டில் விளக்கு எரிந்து கொண்டிருந்தது.வாசலுக்கு அருகிலேயே ஒரு செக்யூரிட்டி கையில் துப்பாக்கியைப் பிடித்துக்கொண்டு மிலிட்டரி விறைப்புடன் கூர்மையான எச்சரிக்கைப் பார்வையுடன் நின்றிருந்தான்.

    சூர்யா மெல்ல அவனை நோக்கி நடந்தான்.அருகில் நெருங்கியதும் அவனைப் பார்த்த செக்யூரிடி லேசான பதட்டத்துடன் 'கோன் ஹை தும்' என்று கேட்டதும்,'சாப் முஜே மில்னேக்கேலியே புலாயா.மேரா நாம் சூர்யா.ஆப் சாப்ஸே பூச்லீஜியே' சந்திரசேகர் இவனைப் பார்ப்பதற்கு சம்மதம் தெரிவித்திருந்ததைச் சொன்னதும், செக்யூரிட்டி உடனே விலகி கூண்டுக்குள் சென்று உள் தொலைபேசியைப் பயன்படுத்தினான்.இரண்டு நிமிடங்களுக்குப் பின் அந்த பெரிய கதவின் கங்காரு வயிற்றைப் போலிருந்த திட்டிக் கதவைத் திறந்துகொண்டே 'ஆப்கோ அந்தர் புலாயா' என்று அனுமதிக் கிடைத்ததைச் சொன்னான்.

    அடுத்த மூன்றாவது நிமிடம் சூர்யா சந்திரசேகரின் முன்னாலிருந்தான். அவனைத் தன் பின்னால் வரும்படி சொல்லிவிட்டு, மாடிப்படி ஏறத்தொடங்கினார். மிக வசதியான பங்களா. அழகாய் ஒருவித ராணுவ ஒழுங்குடன் பராமரிக்கப்பட்டு வருவது பார்த்த மாத்திரத்திலேயே தெரிந்தது. தலைக்கு மேல் தொங்கிய சர விளக்கைப் பார்த்துக்கொண்டே சூர்யாவும் பின் தொடர்ந்தான். வீட்டில் யாருமில்லை. சந்திரசேகர் முன்கூட்டியே அனைவரையும் ஏதோ காரணம் சொல்லி அப்புறப்படுத்தியிருந்தார் என்பது தெரிந்ததும், சூர்யா உள்ளுக்குள் புன்னகைத்துக்கொண்டான். ராணுவ திட்டமிடல்.... எதையும் எச்சரிக்கையோடு அணுகும் அனுபவம்.

    மாடியில் சொற்ப வெளிச்சமே இருந்தது.அத்தனை விளக்குகளையும் இட்டால் உள்விளையாட்டரங்கம் போலத்தோன்றுமென்பது அங்கே பொருத்தியிருந்த விளக்குகளின் எண்ணிக்கையிலேயே தெரிந்தது. விசாலமான வரவேற்பறை போன்ற ஹாலுக்கு இடது மூலையில் இருந்த கதவை பாதி திறந்த நிலையில் பின்னால் திரும்பிப்பார்த்த சந்திரசேகர் தலையை அசைத்து சூர்யாவை அங்கு வரும்படி அழைத்தார்.

    இருவரும் அறைக்குள் நுழைந்ததும் கதவை தாழிட்டார். ஜன்னல் திரைசீலைகள் முழுதாய் மூடியிருக்கிறதா என்று ஒருமுறை பார்த்துவிட்டு தோல் சட்டைப் போட்டிருந்த பஞ்சுப்பொதி நாற்காலியில் பாதிப் புதைந்து அமர்ந்தார். எதிரில் இருந்த அதே மாதிரியான நாற்காலியில் சூர்யா அமர்ந்ததும், ஒரு சிகெரெட்டை எடுத்து பற்றவைக்குமுன்... பரவாயில்லையா என்று கேட்பதைப்போல ஒரு பார்வை சூர்யாவைப் பார்த்தார்.'நோ பிராப்ளம் சார்' என்றதும் சிகரெட்டின் முனையை சிவப்பாக்கினார்.ஆழமான ஒரு இழுப்புக்குப் பின் சூர்யாவைப் பார்த்து 'ம்...சொல்லு என்ன திட்டம்?'

    சூர்யா தான் கொண்டுவந்திருந்த மடிக்கணிணியை வெளியே எடுத்தான்.


    தொடரும்
    Last edited by அமரன்; 07-01-2008 at 07:55 AM.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  2. #2
    மன்றத்தின் தூண் பண்பட்டவர் மயூ's Avatar
    Join Date
    01 Mar 2006
    Location
    கொழும்பு
    Posts
    3,557
    Post Thanks / Like
    iCash Credits
    9,648
    Downloads
    60
    Uploads
    24
    ஆகா.. ஏதோ க்ரைம் நாவல் தொடக்கம் மாதிரி இருக்குது...
    இப்படியான கதைகள் வாசித்துப் பல காலம் ஆகிட்டுது... தொடங்குங்க சிவா.ஜி!!!

  3. #3
    மன்றத்தின் தூண் பண்பட்டவர் இதயம்'s Avatar
    Join Date
    20 Feb 2005
    Location
    தஞ்சவூதி
    Posts
    3,565
    Post Thanks / Like
    iCash Credits
    53,875
    Downloads
    72
    Uploads
    2
    இள வயதுகளில் நான் மிகவும் விரும்பிப்படித்த க்ரைம் கிங் ராஜேஷ்குமார் நினைவுக்கு வருகிறார். ஒவ்வொரு அத்தியாயத்தின் முடிவிலும் அதிர வைக்கும் சஸ்பென்ஸோடு முடிப்பது அவர் ஸ்டைல். உங்களின் இந்த கதையும் அவரை எனக்கு அப்படியே பிரதிபலிக்கிறது. எழுத்து நடை, உரையாடல் ஏதோ அபாயம் நடக்கப்போவதை உணர்த்துகிறது. அதை உறுதிசெய்யும் வகையில் பெரும் சஸ்பென்ஸோடு தொடரும் போட்டிருக்கிறீர்கள்..!

    சிறுகதையிலிருந்து ப்ரொமோஷன் வாங்கியிருக்கும் சிவா தொடர்கதையிலும் கலக்குவீர்கள் என்ற நம்பிக்கை இருக்கிறது. எங்களை காக்க வைக்காமல் தொடருங்கள்..!!
    Last edited by இதயம்; 16-12-2007 at 08:06 AM.
    அன்புடன்,
    இதயம்

  4. #4
    மன்றத்தின் சுடர் பண்பட்டவர் பூமகள்'s Avatar
    Join Date
    10 Aug 2007
    Location
    பூக்கள் நடுவில்
    Posts
    6,616
    Post Thanks / Like
    iCash Credits
    55,790
    Downloads
    89
    Uploads
    1
    சிவா அண்ணாவின் சிறுகதைகள் முத்திரை பதித்த நிலையில் இப்போது சூப்பர் சஸ்பென்சான தொடர்கதை..!!

    தலைநகரத்தில் நடக்கும் சூப்பர் ராணுவ அதிரடி போல் தெரிகிறது. ஆனால், அட்டகாசமான துவக்கம்.
    கலக்குங்க சிவா அண்ணா.
    -- பூமகள்.

    "விண்தாண்டும் வேலையின் கடிது - உன்
    உளக்கண் தாண்டும் வேலை..!!"


    பூமகள் படைப்புகள்


  5. #5
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    137,355
    Downloads
    39
    Uploads
    0
    மயூ,இதயம்,தங்கை பூ எல்லோருக்கும் நன்றி.முதன் முதலாய் தொடர் ஆரம்பித்திருக்கிறேன்.உங்கள் எதிர்பார்ப்பை நிறைவு செய்ய முடிந்தால் நல்லது.இல்லையென்றால் திட்டாதீங்க.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  6. #6
    மன்றத்தின் தூண் பண்பட்டவர் யவனிகா's Avatar
    Join Date
    22 Sep 2007
    Location
    கோவை
    Posts
    2,233
    Post Thanks / Like
    iCash Credits
    30,678
    Downloads
    29
    Uploads
    0
    சின்னச் சின்ன வார்த்தைகளில் நேர்த்தியான சொல்லமைப்பு தெரிகிறது.பிரபல எழுத்தாளர்கள் மட்டும் தான் இப்படி எழுத முடியுமா? இல்லை எங்கள் சிவா அண்ணாவும் எழுதுவார் என்று சொல்லத் தோன்றுகிறது. பலமான கதை கருவைத் தேர்ந்தெடுத்து இருப்பீர்கள். சூர்யா தான் கதையின் நாயகனாக இருக்கும் பட்சத்தில் முதலிலேயே சூர்யாவை சிறு குறிப்பு வரைந்து விடுங்களேன். டக்குன்னு எனக்கு கமல் தான் ஞாபகத்திக்கு வர்றார். தொடருங்கள் அண்ணா....என்ன சதித்திட்டமோ தெரியலையே?
    Last edited by யவனிகா; 16-12-2007 at 09:32 AM.
    சாகும்வரை தமிழ் பயின்று சாக வேண்டும் − என்
    சாம்பலிலும் தமிழ் மணந்து வேக வேண்டும்.

  7. #7
    மன்றத்தின் தூண் பண்பட்டவர் இதயம்'s Avatar
    Join Date
    20 Feb 2005
    Location
    தஞ்சவூதி
    Posts
    3,565
    Post Thanks / Like
    iCash Credits
    53,875
    Downloads
    72
    Uploads
    2
    Quote Originally Posted by யவனிகா View Post
    டக்குன்னு எனக்கு கமல் தான் ஞாபகத்திக்கு வர்றார்.
    இந்த கதைக்கும், உங்களிடம் 500 ரியால் கடன் வாங்கிய (பெங்காலி) கமலுக்கும் என்ன சம்பந்தம்..?? கடன் வாங்கிட்டு திருப்பி கொடுக்காத அந்த கமலுக்கு ஒரு \"ர்\" தேவையா..? சிவா கதைக்கு வந்த சோதனையா இது...??

    இதெல்லாம் ரொம்ப ஓவர் ஆமா..? என் புள்ளி ராசா மாப்ளை வந்தா தான் சரியா வரும் போலிருக்கு..!!
    அன்புடன்,
    இதயம்

  8. #8
    மட்டுறுத்தினர் பண்பட்டவர் மதி's Avatar
    Join Date
    10 Aug 2005
    Location
    சென்னை
    Posts
    8,263
    Post Thanks / Like
    iCash Credits
    45,159
    Downloads
    78
    Uploads
    2
    ஆரம்பமே அசத்தல்... ஒரு க்ரைம் கதைக்கான தொடக்கத்துடன்...
    தொடருங்கள்.

  9. #9
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    137,355
    Downloads
    39
    Uploads
    0
    பாகம்-2

    சந்திரசேகரும் பார்ப்பதற்கு ஏதுவாக, தன் நாற்காலியை அவருக்கு அருகில் தள்ளிப்போட்டுக்கொண்டு முன்னாலிருந்த டீபாயின் மேல் அந்த கணிணியை வைத்து இயக்கினான் சூர்யா. சென்னை லயாலோவில் அரசியலில் முதுகலைப் பட்டம் வாங்கியவன். கல்லூரியில் படித்துக்கொண்டிருக்கும்போதே மென்பொருள் உருவாக்குதற்கான படிப்பையும் தொடர்ந்தவன். லேசரைவிடக் கூர்மையான மூளை. எந்த விஷயத்தையும் உடனுக்குடன் பற்றிக் கொள்வதில் பாஸ்பரஸ். புதிய கணிணி மென்பொருள்களை எழுதி பல ஜாம்பவான்களின் பாராட்டைப் பெற்றவன். குறிப்பாக பாதுகாப்புத் துறையில் மிக பிரமாதமான ப்ரோஜெக்ட்டுகள் செய்து பாராட்டுப் பெற்றவன். ஆனால் ஒன்று கூட செயல்படுத்தப் படவில்லை என்ற ஆழமான ஆதங்கம் அவனுக்கு உண்டு. நல்ல உயரம், மாநிறம் திரைப்படத்தில் ஹீரோவுக்கு தோழனாக வருவதற்கு லாயக்கானவன்.

    ஒவ்வொன்றாய் அவன் காட்டிய படங்களும், வரைபடங்களும், அதற்கு அவன் அளித்த விளக்கங்களும் சந்திரசேகரை சிகெரெட் கரைந்து சாம்பலாகி உடையின் மீது விழுவதையும் கவனிக்க விடவில்லை. விளக்கங்களின் முடிவில், அவர் பிரமிப்புடன் சிலையாக அமர்ந்துவிட்டார். மிக அமைதியாக அவரையே பார்த்துக்கொண்டிருந்த சூர்யாவின் கண்களில் தெரிந்த சாந்தம், அவனுக்குள் இருந்த வலிமையை அவருக்குக் காட்டியது. சடாரென்று தன் இருக்கையிலிருந்து எழுந்து ஒருவித பரவசத்துடன் அவனைக் கட்டிப் பிடித்து தன் உறுதியான கைகளால் அவன் முதுகில் பலமாகத் தட்டினார்.

    "வெல்டன் மை பாய்...நீதான் இதற்கு மிகப் பொருத்தமான ஆள். உன்னுடைய விளக்கங்களில் எனக்கு பரம திருப்தி. நிச்சயம் நீ சரித்திரத்தில் நிற்கப் போகிறாய். இரு இந்த சந்தோஷத்தைக் கொண்டாட ஒரு லார்ஜ் எடுத்துக்கொள்கிறேன்".

    அருகில் இருந்த சுவரோடு சுவராய்த் தெரிந்த அந்த இடத்தில் ஏதோ ஒரு பொத்தானை அழுத்த ஒரு மினி பார் திறந்தது. உள்ளடக்கமாய் வைக்கப்பட்டிருந்த அந்த அலமாரிக்குள், இழுத்தால் வெளியே வருமாறு பலகைகள் பொருத்தப்பட்டிருந்தன. அவற்றில் ஒன்றை இழுத்து, மேலடுக்கிலிருந்து ஒரு ஒற்றை காலில் நிற்கும் U கோப்பையை அந்த பலகையின் மீது வைத்தார். ஒற்றை விரலை நீட்டிக்கொண்டு அலமாரியில் இருந்த பாட்டில்களை விரலாலேயே சுற்றி வந்தவர்... absolute வோட்காவில் நின்று வாத்தை தூக்குவதைப் போல அதன் கழுத்தைப் பிடித்து தூக்கி, திறந்து, ஊற்றி, ஐஸ்கட்டிகளுடன் கலந்து அவனை சம்பிரதாயத்துக்குக் கூடக் கேட்காமல் சியர்ஸ் சொல்லி வாயில் கவிழ்த்துக்கொண்டார்.

    "ஐ யம் சாட்டிஸ்ஃபைட். மற்ற இரண்டு பேரையும் எப்படியாவது இங்கே வரவழைக்கிறேன். மிகக் கடினமான ஒன்றுதான், அதுமட்டுமல்ல எங்கள் உயிருக்கே ஆபத்தானது. கோர்ட் மார்ஷல் ஆகிவிடுவோம். இருந்தும் உன்மீது இருக்கும் நம்பிக்கையில் இந்த ரிஸ்க்கை எடுப்பதில் எனக்கு சம்மதமே. வொண்டர்ஃபுல் வொர்க்... எப்படி சாதித்தாய் இதை..? எவ்வளவு மெனக்கெட்டிருப்பாய்,... எனி வே... இது ஓட்டையே இல்லாத பக்கா ப்ளான். கண்டிப்பாக நம்மால் இதை செய்ய முடியும். ஓகே... இந்த கணிணி இங்கேயே இருக்கட்டும். அவர்களை கூடிய சீக்கிரத்தில் இங்கு வரவழைக்கிறேன். எங்கள் சந்திப்பு முடிந்ததும் உனக்குத் தெரியப்படுத்துகிறேன். நீ உன் ஆட்களுடன் தயாராய் இரு. அது சரி....நீ தமிழ்நாட்டில் படித்தவன்.... உனக்கு எப்படி வட மாநிலங்களில் இத்தனை நன்பர்கள்? அதுவும் நீ எது சொன்னாலும் கண்ணைமூடிக் கொண்டு செய்பவர்கள்?"

    அவருடைய கேள்விக்கு மெலிதான விரக்தி சிரிப்புடன்....

    "எல்லோரும் என் கல்லூரி நன்பர்கள், அவர்களின் உள்ளூர் நன்பர்கள். ஒத்தக் கருத்துடையவர்கள். முக்கியமாய் இந்த அரசாங்கத்தாலும், அரசியல்வாதிகளாலும் கடுமையாகப் பாதிக்கப்பட்டவர்கள். சந்தர்ப்பத்திற்காக காத்துக் கொண்டிருந்தவர்கள். அதனாலேயே என்னுடைய இந்த திட்டத்திற்கு உடனடியாக சம்மதம் தெரிவித்து எப்போதும் உடனிருப்பதாக உறுதி கூறி இருக்கிறார்கள். இந்தத் திட்டம் நிறைவேறியதும் அவர்களுக்கு மிகப் பெரிய பரிசை தரப்போகிறேன்."

    சூர்யா சொன்னதும்...

    "செய்.எனக்கும் சற்றேறக்குறைய உன் அனுபவங்கள்தான். இந்த பதவிக்கு வருவதற்கு எனக்கு எல்லா தகுதியும் இருந்தும், இதை அடைவதற்குள் எத்தனை தடைகளைக் கடக்க வேண்டியிருந்தது தெரியுமா.... அசிங்கமான அரசியல்வாதிகள், அவர்களுக்கு ஜால்ரா போடும் அதிகாரிகள், எப்படி வேண்டுமானாலும் வளைந்து கொடுக்கும் உருப்படாத சட்டங்கள்....."

    நிதானமாக சொல்ல ஆரம்பித்து ஆவேசத்தில் முடித்தவர் அடுத்த லார்ஜை உருவாக்கி உள்ளே தள்ளினார். அவரிடமிருந்து விடை பெற்று கன்னாட் ப்ளேசில் அவன் தங்கியிருந்த சிறிய லாட்ஜுக்கு வந்த போது இரவு பதினொன்றாகிவிட்டிருந்தது. கைலிக்கு மாறிக்கொண்டு, கைகால் கழுவிக்கொண்டு, வரும் வழியில் கையேந்தி பவனிலிருந்து பார்சல் கட்டி வாங்கிகொண்டு வந்திருந்த சூடான இட்லிகளை சாப்பிட்டுவிட்டு... கட்டிலில் அமர்ந்தான். இரவுகளில் வெகு நேரம் விழித்திருப்பது இப்போதெல்லாம் வாடிக்கையாகிவிட்டிருந்தது. மேசையிலிருந்த குறிப்பேடு ஒன்றை எடுத்து...சிறிய யோசனையுடன் எழுதத் தொடங்கினான். அப்போது அவன் கைப் பேசி உதறியது.அவன் ரிங்டோன் வைத்துக்கொள்வதில்லை. கூட்டத்தில் அவனை யாரும் கவனித்து விடக்கூடாதென்பதற்காக. எடுத்துப் பெயரைப் பார்த்ததும், ஒரு வினாடி.. இப்பதானே பார்த்துவிட்டு வந்தோம்.... ஏதாவது சிக்கலா... என்ற எண்னம் உள்ளுக்குள் ஓட... எஸ்ஸினான். அந்தப் பக்கத்திலிருந்து சந்திர சேகரின் குரல் கேட்டது....

    "நம்மால் இந்த திட்டத்தை இன்னும் மூன்று நாட்களுக்கு செயல்படுத்த முடியாது... நீ இங்கு இருக்க வேண்டாம்... சென்னை போய்விடு... மீண்டும் நானே கூப்பிடுகிறேன்"

    காரணம் சொல்லாமல் துண்டித்துவிட்டார். குழப்பத்துடன் அலைபேசியின் திரையையே பார்த்துக் கொண்டிருக்கும்போது.. கதவு தட்டப்பட்டது.


    தொடரும்
    Last edited by அமரன்; 07-01-2008 at 08:01 AM.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  10. #10
    மன்றத்தின் தூண் பண்பட்டவர் மயூ's Avatar
    Join Date
    01 Mar 2006
    Location
    கொழும்பு
    Posts
    3,557
    Post Thanks / Like
    iCash Credits
    9,648
    Downloads
    60
    Uploads
    24
    ஓ..ஓ!!! இப்போ புரிகின்றது.... கதை சூடுபிடிக்கின்றது!!! கலக்குங்க சிவாஜி காத்திருக்்கின்றேன்....

    மற்றயது ஒரே பந்தியாக எழுதாமல் பந்தி பந்தியாகப் பிரித்து எழுதலாமே!!! வாசிக்கக் கடினமாக உள்ளது!

  11. #11
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    137,355
    Downloads
    39
    Uploads
    0
    மயூ அந்த கொடுமையை ஏன் கேக்கறீங்க் எப்படி எடிட் செய்தாலும் அப்படித்தான் வருகிறது.ஏதோ பிரச்சனை என்று நினைக்கிறேன்.மீண்டும் முயற்சிக்கிறேன்.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  12. #12
    மட்டுறுத்தினர் பண்பட்டவர் மதி's Avatar
    Join Date
    10 Aug 2005
    Location
    சென்னை
    Posts
    8,263
    Post Thanks / Like
    iCash Credits
    45,159
    Downloads
    78
    Uploads
    2
    சீக்கிரம் தொடருங்கள்...
    சஸ்பென்ஸ் தாங்கல...

Page 1 of 4 1 2 3 4 LastLast

Thread Information

Users Browsing this Thread

There are currently 1 users browsing this thread. (0 members and 1 guests)

Tags for this Thread

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •