Page 1 of 4 1 2 3 4 LastLast
Results 1 to 12 of 41

Thread: விமான நிலையமும் பூவகமகிழ்வும்..!

                  
   
   
  1. #1
    மன்றத்தின் சுடர் பண்பட்டவர் பூமகள்'s Avatar
    Join Date
    10 Aug 2007
    Location
    பூக்கள் நடுவில்
    Posts
    6,617
    Post Thanks / Like
    iCash Credits
    68,648
    Downloads
    89
    Uploads
    1

    விமான நிலையமும் பூவகமகிழ்வும்..!

    விமான நிலையமும் பூவகமகிழ்வும்..!

    நாள்: 17-11-2007
    இடம்: பூமகள் இல்லம்

    விமான நிலையத்துக்குத் தயாராகிக் கொண்டிருந்தார் என் உடன்பிறப்பு. எங்களின் தீபாவளியை சிறப்பிக்க அழைத்து வரப்பட்டிருந்த எனது 70 வயது கடந்த அன்பு அப்புச்சி*. காது கேட்கும் திறன் கொஞ்சம் கொஞ்சமாய் அவரை விட்டுப் போய் வெகுநாட்கள் ஆகியும் எங்களின் உதட்டசைவை பார்த்து புரிந்து கொள்ளும் "நவீன கண்டுபிடிப்பாளி" என் தாத்தா.

    என் தாத்தாவையும் விமான நிலையத்துக்கு அண்ணாவை வழி அனுப்ப அழைத்துப் போகனும் என்பது எனது அப்பாவின் விருப்பம். அம்மாவோ, அவர் நடப்பதே சிரமம். எப்படி அங்கு வந்து நடக்க முடியும் என்று கூறி வேண்டாம் என்றாலும், விடாப்பிடியாய் என் தந்தை, "நான் பார்த்துக் கொள்கிறேன். அவரால் முடியும். வந்து தன் பேரனைப் பார்த்து சந்தோசமா இருக்கட்டும்." என்றும், இதைக் கட்டாயம் நாம் செய்ய வேண்டுமென்றும் சொல்லி சம்மதிக்க வைத்தார்.

    "கார் வரும், கிளம்புங்க!" என்று சொன்னதும், அவரது முகத்தில் கலவரம். ஊருக்கா திருப்பி அனுப்புகிறார்கள் என்பது போல் நினைத்தது அவர் உள்ளம். கேட்டது அவரது இதயம் வாய்மொழியாய்.. "ஊருக்கா??!!" என்று அதிர்ச்சியாய்..! அவருக்கு புரிய வைக்க அதிக சிரமம் எடுக்க வேண்டியிருந்தது. அதை விட அந்த தவறான கருத்தை மாற்றி அவரை மகிழ்விக்கும் பொறுப்பு எனக்கு கூடுதலாக இருந்தது. ஆகவே, ஒருவழியாய் "விமான நிலையத்துக்கு எல்லோரும் செல்கிறோம்" என்று புரியவைத்த பின் தான் நிம்மதி அடைந்தேன்.

    அவர் நடக்கும் அழகே அலாதி. மழலை தத்தி தத்தி முதன்முதலில் நடை பழக அடி எடுத்து வைப்பதைப் போல் இருக்கும். மீண்டும் மழலைப் பருவத்துக்கே போய்விட்டாரோ என்று நினைக்கத்தோன்றும். அந்த தள்ளாத வயதிலும் அவருள் இருக்கும் தன்னம்பிக்கையும் தைரியமும் எங்களுக்கு சொல்லிக் கற்றுத்தராமல் வாழ்ந்து கற்றுக்கொடுத்துக் கொண்டிருக்கிறார் என்று உணரத் தோன்றும்.

    ஒருவழியாய், காரில் ஏறி, என் தாத்தா, அப்பா, அண்ணா, மற்றும் உறவினர் உடன் விமானநிலையம் நோக்கிப் பயணித்துக் கொண்டிருந்தோம். விமான நிலையம் சென்று சேர்ந்ததும், என் பிரிய அப்புச்சி, மெல்ல இறங்கி தத்தித் தத்தி நடக்க, என் கைகள் அவரது வலது கரத்தையும் என் உறவினர் அவரது இடது கரத்தையும் மெல்ல பிடித்து குழந்தையை அழைத்துச் செல்வது போல் அழைத்துச் சென்றோம். தந்தை அண்ணவோடு பயணத்து சுமைகளைச் தள்ளியபடி முன்னே சென்று கொண்டிருந்தார்.

    வெகு நேரம் வெளியில் நின்ற எங்களை, ஒரு விமான அதிகாரி அணுகி, (ஒரு சில மாதங்கள் முன்பு வரை, பாதுகாப்பு கருதி, உள்ளே அனுமதிக்கவில்லை என்பது குறிப்பிடத்தக்கது.) உள்ளே செல்லவும் அனுமதி உண்டென்றும், மேலே சென்று விமானம் புறப்படுவதையும் காணலாம் என்றும் சொல்லி கடவுச்சீட்டு தலைக்கு முப்பது ரூபாய் என்று சொல்லிச் சென்றார்.

    எல்லோருக்கும் கடவுச் சீட்டு வாங்கிக் கொண்டு மெல்ல உள்ளே நுழைந்தோம். அந்த விமான நிலையத்திலேயே மூத்த வயோதிகர் என் அப்புச்சியாகத்தான் இருக்க வேண்டும். வந்திருந்த ஒன்றிரண்டு வெளிநாட்டுகாரர்களும், வட இந்திய கன்னிகளும் சீன்ஸ் டீஷர்ட் சகிதமாய் உலவும் மேல் தட்டு அரிதாரம் பூசிய அழகுகளும் ஓரக் கண்ணாலும் வியந்த விழியாலும் என் தாத்தாவை பார்த்தது என் கண்களில் பட்டது. (எப்படி அவங்க பார்த்தது உனக்கு தெரிஞ்சது பூவுன்னு கேட்காதீங்க..!!)

    நம் தமிழ் மண்ணின் கலாச்சாரத்தை, மாண்பை பறைசாற்றும் செயலாக எங்களின் செயலைப் புரிந்து அந்த கண நேரத்தில் அவர்கள் நினைத்திருந்தால், அது நம் தமிழ் மண்ணுக்கு நான் செய்த சிறு தொண்டாகக் கருதுவேன்.

    சிறிது நேரம் எல்லாவிடமும் அமர்ந்தபடியே பார்த்து, தனது அன்பு பேரனோடு கேள்விகள் கேட்டு, அவர் செல்லும் பயணச் சீட்டை வாங்கிப் பார்த்து பூரித்து முகம் மலர்ந்து இருந்த என் அப்புச்சியைப் பார்க்க கண்கள் பனித்தது.

    விமானம் கிளம்ப அரைமணி நேரமே உள்ள நிலையில் என் சகோதரர் உள்ளே செல்ல, நாங்கள் மேல் சென்று அவர் செல்லும் விமானம் பார்க்க விழைந்தோம். கிட்டத்தட்ட இரு மாடி உயரம் இருந்த அந்த பார்வையர் கூடத்துக்கு, வேடிக்கைப் பார்க்க, மெல்ல அவரை கைத்தாங்களாய் பயத்துடனே அழைத்துச் சென்றோம்.

    அங்கு அமர்ந்திருந்த ஒரு கடவுச் சீட்டு ஆய்வாளர், வியப்புடன் பார்த்து சிரித்தார். என் தாத்தாவினை அன்போடும் ஆதரவோடும் மெல்ல அழைத்து ஒவ்வொரு படியாய் அவரே ஏறி வரும்படி மெதுவாக மேல்தளத்துக்கு வந்தோம். கூட்டம் இல்லாததால் நெரிசல் இன்றி
    அந்த குறுகிய படிகளில் சங்கடமின்றி ஏற முடிந்தது நிம்மதி அளித்தது.

    அங்கு சென்றால், சர்கஸ் கூட்டம் போல் அலைமோதும் கூட்டம். விமான வழி அனுப்புபவர்களை விட, சனிக்கிழமை ஆதலால் விமான நிலையத்தை தன் குழந்தைகளுக்கு சுற்றிக் காட்ட ஏராளமானோர் குடும்பத்துடன் வந்திருந்தனர். சரியான இடம் தேடி, அதே சமயம் என் அண்ணா புறப்படும் விமானத்தை என் அப்புச்சி பார்க்கும் வண்ணம் தகுந்த இடத்தில் அமரச் செய்தோம்.

    சுட்டிக் காட்டி, விமானத்தினை அடையாளப்படுத்தி என் தாத்தாவுக்குப் புரியவைத்தேன். அவர் கேட்ட கேள்வி, "நேரே அண்ணா இருக்கும் நாட்டிற்கே த்தூவாக இது போகுமா?" சிறு குழந்தை கேட்பது போல் இருந்தாலும், அன்புடன் பதிலளித்தேன். வயதானவர்கள் குழந்தைகள் போல் பார்த்துக் கொள்ள வேண்டுமென்று எங்கோ படித்தது எவ்வளவு உண்மை என்று நிதர்சனத்தில் புரிந்தது.

    விமானம் கிளம்பியதும், மீண்டும் கைத்தாங்களாய் பிடித்து மெல்ல கீழே படிகளில் இறங்க வைத்தோம். அவரும் மனத்தின் தைரியத்தோடும் தன்னம்பிக்கையோடும் வந்தார். கிராமத்திலிருந்து வந்திருக்கும் என் தாத்தாவுக்கு இது வரை அவர் வாழ்வில் வந்திராத ஒரு சந்தோசமான நிகழ்வு இது.

    மெல்ல படிகளினைக் கடந்து முகப்பிற்கு வருகையில், 50 வயது மதிக்கத்தக்க கடவுச் சீட்டு சோதனையாளர் கேட்டது தான் கோபமும் ஆத்திரமும் வரவழைத்தது.

    "இவர்களை எல்லாம் ஏன் அழைத்து வருகிறீர்கள்? வீட்டிலேயே விட்டுவிட்டு வர வேண்டுயது தானே?" என்று என் தந்தையைப் பார்த்துக் கேட்டார்.(என்னவோ இவரை நாங்கள் ரொம்பவே தொந்தரவு செய்தது போல்) என் தந்தைக்கு ஆத்திரம் வந்தாலும் பொறுத்துக் கொண்டு வந்தார். இந்த செய்தி எனக்கு அங்கு நடந்ததே தெரியவில்லை. என்னிடமும் அந்த நபர், "உங்க தாத்தாவுக்கு ஒரு 100 வயது இருக்குமா?" என்று கேட்டாரே பார்க்கனும், நான் அவரது வயதுக்கு மரியாதை கொடுத்து, "அதை விட கம்மி தாங்க" என்று சொல்லிவிட்டு வந்தேன்.

    அங்கிருந்த முக்கால் வாசிப் பேர்களின் கண்கள், அழகிய பெரிய கண்களும், ஒரு வாரம் சவரம் செய்யாத வெண் தாடி மீசையும், சிவந்த மேனியும், வெள்ளைச் சட்டை, வெள்ளை வேட்டி, பச்சை வண்ண துண்டு சகிதமான ஒரு கிராமத்து மங்களகரமான தேஜஸ் நிறைந்த தோற்றமும் கொண்ட என் தாத்தாவின் மேல் தான் இருந்தது.

    வெளிநாட்டுகாரர்கள் வியப்போடு எங்களின் செயலைப் பார்த்து அன்புடன் வழிவிட்டு நின்றனர்.

    வீட்டிற்கு அழைத்து வந்ததும் என் அம்மாவிடம் சொல்லி அவரது முகம் பரவசமடைந்த நிலை பார்க்கனுமே,....!! மகிழ்ச்சியில் அவரது முகத்தின் தேஜசும், ஜொலிஜொலிப்பும் காண கண்கள் கோடி வேண்டும்...!

    இந்த... இந்த... இந்த... மகிழ்ச்சிக்காகத்தான் அழைத்துச் சென்றேன் என்று தந்தை கூறி பெருத்த சந்தோசமடைந்தார். விமான நிலையத்தில் அந்த நபர்களின் கேள்விகள் பற்றி என்னிடம் அப்போது தான் விளக்கினார். யாருடைய துணையையும் கேட்காமல், நாங்களே அன்போடு அழைத்து சென்ற போதே இப்படி கேட்கும் மனித மனம் புரியாதவர்கள் பற்றி என்னவென்று சொல்ல??

    அவர்களுக்கும் வயோதிகம் வரும்.. நடை தளரும்.. அன்று அவர்கள் என்ன விரும்புவார்கள் என்று அவர்கள் உள்ளம் நினைத்துப் பார்க்கட்டும்..!


    "முதியவர்களுக்குப் பிடித்ததைக் கேட்டுச் செய்வதை விட, அவர்களின் மனத்தின் ஆழத்தில் இருக்கும் ஆசைகளை குறிப்பறிந்து செய்து விட்டால் அவர்கள் மகிழ்ச்சியுடன் நீண்ட ஆயுளோடு வாழ முடியும்"
    என்று இதன் மூலம் என் தந்தை சொல்லிக் கொடுக்காமல் செய்தே காட்டி எங்களுக்கு வழிகாட்டி, என் மனத்தில் ஓர் உயர்ந்த இடத்தில் வீற்றிருக்கிறார்..!

    குறிப்பு:
    அப்புச்சி* - அம்மாவின் தந்தை
    Last edited by பூமகள்; 23-11-2007 at 04:14 PM.
    -- பூமகள்.

    "விண்தாண்டும் வேலையின் கடிது - உன்
    உளக்கண் தாண்டும் வேலை..!!"


    பூமகள் படைப்புகள்


  2. #2
    மன்றத்தின் சுடர் பண்பட்டவர் அக்னி's Avatar
    Join Date
    21 Apr 2007
    Age
    41
    Posts
    9,836
    Post Thanks / Like
    iCash Credits
    65,965
    Downloads
    100
    Uploads
    0
    முதலில் எல்லாரையும்விட உங்கள் தந்தைமேல் மதிப்பு அதிகரிக்கின்றது.
    பெற்றவர்களையே உதாசீனம் செய்யும் இக்காலத்தில்,
    தனது மாமனாரின் ஆழ்மனக் குறிப்பறிந்து மகிழ்விக்க நினைத்துச் செயற்படுத்தும்,
    உயர்ந்த மனதுக்குச் சொந்தக்காரர் உங்கள் தந்தை என்று பெருமைபட்டுக்கொள்ளுங்கள்.
    அந்த தள்ளாத வயதிலும் அவருள் இருக்கும் தன்னம்பிக்கையும் தைரியமும் எங்களுக்கு சொல்லிக் கற்றுத்தராமல் வாழ்ந்து கற்றுக்கொடுத்துக் கொண்டிருக்கிறார் என்று உணரத் தோன்றும்.
    உடல் தளர்ந்தபோதும் தளராத உறுதி கொண்ட மனநிலை.
    எதிர்பார்க்காது, செயலில் வாழ்ந்து காட்டும் உறுதி...
    பல்லாண்டு, மகிழ்வாக, சுகதேகியாக வாழ இறைவன் ஆசிகள் என்றும் அவரில் நிறைந்திருக்கட்டும்....

    அடுத்து, பூமகளின் மென்மனது...
    பாராட்டுகின்றேன். சிறந்த நல்வாழ்வு கிடைக்க பிரார்த்திக்கின்றேன். வாழ்த்துகின்றேன்.

    "காவோலை விழக் குருத்தோலை சிரிக்கும்"
    என்பார்கள்.
    குருத்தோலையில் உணராதவர்கள், காவோலையாக வீழும்போது நிச்சயம் இன்னொரு குருத்தோலையினால் உணர்த்தப்படுவார்கள்.

    அழகிய அனுபவப் பகிர்வுக்கு நன்றி...
    Last edited by அக்னி; 23-11-2007 at 04:18 PM.

    "தமிழ் தந்தது என் நாவுக்கு துடிப்பு..,
    தமிழ்மன்றம் தருவது என் தமிழுக்கு உயிர்ப்பு..!"

  3. #3
    அனைவரின் நண்பர் பண்பட்டவர் நுரையீரல்'s Avatar
    Join Date
    28 Sep 2007
    Location
    கோவை
    Posts
    1,135
    Post Thanks / Like
    iCash Credits
    5,053
    Downloads
    25
    Uploads
    0
    ஆகா, பூவா கொக்கா?

    பெரியவர்களை மதிப்பது மட்டும் அவர்களுக்குப் போதாது. அவர்களுக்கும் ஆயிரத்தெதெட்டு ஆசைகள் இருக்கும், ஆசைகளையும் சிறியவர்களிடம் சொல்லமாட்டார்கள். எங்கே சிறியவர்களுக்கு சிரமமாகிவிடுமோ என்ற சிறு தயக்கம் (பெருந்தன்மை) தான் காரணம். அதைப் புரிந்து கொண்டு நாம் தான் அதைச் செய்ய வேண்டும்.

    ஏதேதோ விஷயங்களையெல்லாம் எழுதி நீத்தி சொல்லும் இந்தப் பகுதியில், முதியவர்களின் ஆசையை அறிந்து அதை நிறைவேற்ற வேண்டும் என்று சொல்லித்தந்த பூவுக்கு நன்றிகள்.

    ஒவ்வொரு செயலுக்கும் பலன் உண்டு என்று சொல்லித்தந்தது தான் நம் சமூகம். அந்தவகையில், அப்புச்சியின் ஆசையை நிறைவேற்றிய பூவு - தன் முதிர்ச்சியடையும் காலம் வரை நோய் நொடியின்றி வாழவும், அப்போது பூவின் பேராண்டி பூவின் கையைப் பிடித்து நிலவுக்கு சுற்றுலா அழைத்துச் செல்ல வாழ்த்துகிறேன்.
    காற்றுள்ளவரை சுவாசிப்பேன்..

  4. #4
    மன்றத்தின் சுடர் பண்பட்டவர்
    Join Date
    17 Apr 2003
    Posts
    7,901
    Post Thanks / Like
    iCash Credits
    17,030
    Downloads
    62
    Uploads
    3
    கோவை விமான நிலையம் திருச்சி விமான நிலையத்தைக் காட்டிலும் சிறப்பாகத்தான் இருக்கும். அருமையாய் எழுதி, அப்புச்சியை மகிழ வைத்த நிகழ்வை தந்த பூவை அகமகிழ பாராட்டுகிறேன். "கண்ணிருந்தும் குருடராய் இருக்கும்" நபர்கள் என்றைக்குத்தான் திருந்துவார்களோ..?

  5. #5
    மன்றத்தின் சுடர் பண்பட்டவர் பூமகள்'s Avatar
    Join Date
    10 Aug 2007
    Location
    பூக்கள் நடுவில்
    Posts
    6,617
    Post Thanks / Like
    iCash Credits
    68,648
    Downloads
    89
    Uploads
    1
    Quote Originally Posted by அக்னி View Post
    பெற்றவர்களையே உதாசீனம் செய்யும் இக்காலத்தில்,
    தனது மாமனாரின் ஆழ்மனக் குறிப்பறிந்து மகிழ்விக்க நினைத்துச் செயற்படுத்தும்,
    உயர்ந்த மனதுக்குச் சொந்தக்காரர் உங்கள் தந்தை என்று பெருமைபட்டுக்கொள்ளுங்கள்.
    உண்மை தான் அக்னி அண்ணா. பணிவோடு ஒப்புக் கொள்கிறேன். அவர் தந்தையாக கிடைக்க மாதவம் செய்திருக்கனும் என்று தோன்றுகிறது.
    உடல் தளர்ந்தபோதும் தளராத உறுதி கொண்ட மனநிலை.
    எதிர்பார்க்காது, செயலில் வாழ்ந்து காட்டும் உறுதி...
    பல்லாண்டு, மகிழ்வாக, சுகதேகியாக வாழ இறைவன் ஆசிகள் என்றும் அவரில் நிறைந்திருக்கட்டும்....

    அடுத்து, பூமகளின் மென்மனது...
    பாராட்டுகின்றேன். சிறந்த நல்வாழ்வு கிடைக்க பிரார்த்திக்கின்றேன். வாழ்த்துகின்றேன்.
    மிக்க நன்றிகள் அண்ணா. நல்லவர்களின் பிராத்தனைகள் பொய்ப்பதில்லை.
    "காவோலை விழக் குருத்தோலை சிரிக்கும்"
    என்பார்கள்.
    குருத்தோலையில் உணராதவர்கள், காவோலையாக வீழும்போது நிச்சயம் இன்னொரு குருத்தோலையினால் உணர்த்தப்படுவார்கள்.
    அழகிய அனுபவப் பகிர்வுக்கு நன்றி...
    நிச்சயம் அந்த நாள் வெகுதொலைவில் இல்லை என்பது திண்ணம். ஆனால், அவர்களுக்கு எந்த துயரும் வரக்கூடாது. புரிந்துமட்டும் விட்டால் போதும் என்றே இறைவனை வேண்டுகிறேன்.

    உங்களின் ஊக்கமான முதல் பின்னூட்டத்துக்கு மிக்க நன்றிகள் அக்னி அண்ணா.
    -- பூமகள்.

    "விண்தாண்டும் வேலையின் கடிது - உன்
    உளக்கண் தாண்டும் வேலை..!!"


    பூமகள் படைப்புகள்


  6. #6
    மன்றத்தின் சுடர் பண்பட்டவர் பூமகள்'s Avatar
    Join Date
    10 Aug 2007
    Location
    பூக்கள் நடுவில்
    Posts
    6,617
    Post Thanks / Like
    iCash Credits
    68,648
    Downloads
    89
    Uploads
    1
    Quote Originally Posted by S. ராஜா View Post
    பெரியவர்களை மதிப்பது மட்டும் அவர்களுக்குப் போதாது. அவர்களுக்கும் ஆயிரத்தெதெட்டு ஆசைகள் இருக்கும், ஆசைகளையும் சிறியவர்களிடம் சொல்லமாட்டார்கள். எங்கே சிறியவர்களுக்கு சிரமமாகிவிடுமோ என்ற சிறு தயக்கம் (பெருந்தன்மை) தான் காரணம். அதைப் புரிந்து கொண்டு நாம் தான் அதைச் செய்ய வேண்டும்.
    உண்மை தான் ராஜா அண்ணா.

    பெரியவர்கள் பல சமயங்களில் தாங்கள் சொன்னது போல் தான் இருப்பார்கள்.

    உதாரணமாக,
    எங்கள் வீட்டின் தொலைக்காட்சியில் போகோ சேனல் பார்த்துக் கொண்டிருந்தால், என் தாத்தாவுக்கு தமிழ் அலைவரிசையில் நிகழ்ச்சியினை குறிப்பாக இரவு 9 மணிக்கு கோலங்கள் பார்க்க வேண்டும். (காது கேட்காட்டியும் காது மெசின் வைத்து சிறிது நேரம் பார்ப்பார்.) அவர் மணியைப் பார்ப்பார்.. 9 ஆனாலே நானே அவருக்காக அலைவரிசையை மாற்றிவிட்டு பார்க்க வைப்பேன்.

    அவர் கேட்காட்டியும், நானே அவர் குறிப்பறிந்து பல முறை இப்படி தமிழ் அலைவரிசைகளில் வரும் பழைய படங்களையும் அவர் விரும்பிப் பார்க்கும் காரணத்தால் போட்டுவிடுவேன்.

    ஒவ்வொரு செயலுக்கும் பலன் உண்டு என்று சொல்லித்தந்தது தான் நம் சமூகம். அந்தவகையில், அப்புச்சியின் ஆசையை நிறைவேற்றிய பூவு - தன் முதிர்ச்சியடையும் காலம் வரை நோய் நொடியின்றி வாழவும், அப்போது பூவின் பேராண்டி பூவின் கையைப் பிடித்து நிலவுக்கு சுற்றுலா அழைத்துச் செல்ல வாழ்த்துகிறேன்.
    ஹா ஹா ஹா...! மிக்க சந்தோசம் அண்ணா.
    அப்போ....... எனக்கு முன்னால் ராஜா அண்ணா தன் பேரன் பேத்திகளோடு நிலாவில் இருப்பார் இந்த அன்புத்தங்கை பூவை வரவேற்க..!!
    -- பூமகள்.

    "விண்தாண்டும் வேலையின் கடிது - உன்
    உளக்கண் தாண்டும் வேலை..!!"


    பூமகள் படைப்புகள்


  7. #7
    மன்றத்தின் சுடர் பண்பட்டவர் பூமகள்'s Avatar
    Join Date
    10 Aug 2007
    Location
    பூக்கள் நடுவில்
    Posts
    6,617
    Post Thanks / Like
    iCash Credits
    68,648
    Downloads
    89
    Uploads
    1
    Quote Originally Posted by பாரதி View Post
    கோவை விமான நிலையம் திருச்சி விமான நிலையத்தைக் காட்டிலும் சிறப்பாகத்தான் இருக்கும். அருமையாய் எழுதி, அப்புச்சியை மகிழ வைத்த நிகழ்வை தந்த பூவை அகமகிழ பாராட்டுகிறேன். "கண்ணிருந்தும் குருடராய் இருக்கும்" நபர்கள் என்றைக்குத்தான் திருந்துவார்களோ..?
    னக்கு திருச்சி விமான நிலையம் பற்றித் தெரியாது. தாங்கள் சொன்னதால் ஓரளவு புரிகிறது.

    உங்களின் பாராட்டுக்கும் வாழ்த்துக்கும் நன்றிகள் கோடி பாரதி அண்ணா.
    -- பூமகள்.

    "விண்தாண்டும் வேலையின் கடிது - உன்
    உளக்கண் தாண்டும் வேலை..!!"


    பூமகள் படைப்புகள்


  8. #8
    பொறுப்பாளர் பண்பட்டவர் அன்புரசிகன்'s Avatar
    Join Date
    04 Feb 2007
    Location
    நமக்கு நாடு இருக்கா என்ன?
    Posts
    11,476
    Post Thanks / Like
    iCash Credits
    134,291
    Downloads
    161
    Uploads
    13
    மூத்தவர்களின் ஏக்கங்களும் பரிதவிப்பும் உங்கள் எழுத்தில் தெரிந்தன... எனது அம்மம்மாவிற்கு வீட்டில் அனைவரும் வந்தால் அவரின் குதூகலத்திற்கு அளவே கிடையாது. படுக்கையாக கிடப்பவர் எழுந்து சமையல் செய்து தருவார். இதுவரை நான் ஒடியல் கூழ் குடித்தது என்றால் அவர் கையால் தான்.

    பாராட்டுக்கள் பூமகள்...

    திருச்சி விமான நிலையம் சென்னை விமான நிலையம் ... எது சிறந்தது??? மிகுதியை நான் ஊகித்துக்கொள்கிறேன்.

    உள்ளே செல்லவும் அனுமதி உண்டென்றும், மேலே சென்று விமானம் புறப்படுவதையும் காணலாம் என்றும் சொல்லி கடவுச்சீட்டு தலைக்கு முப்பது ரூபாய் என்று சொல்லிச் சென்றார்.

    எல்லோருக்கும் கடவுச் சீட்டு வாங்கிக் கொண்டு மெல்ல உள்ளே நுழைந்தோம்.
    30 ரூபாவிற்கு கடவுச்சீட்டா....... கடவுச்சீட்டு என்பது PASSPORT அல்லவா... நான் நினைக்கிறேன்.... நீங்கள் கூறவந்தது அனுமதிச்சீட்டு... (Entrance Ticket)
    தாயை பழித்தால், தாய் தடுத்தால் விடுவேன்
    தமிழை பழித்தால், யார் தடுத்தாலும் விடேன்.

  9. #9
    மன்றத்தின் சுடர் பண்பட்டவர் அக்னி's Avatar
    Join Date
    21 Apr 2007
    Age
    41
    Posts
    9,836
    Post Thanks / Like
    iCash Credits
    65,965
    Downloads
    100
    Uploads
    0
    Quote Originally Posted by அன்புரசிகன் View Post
    30 ரூபாவிற்கு கடவுச்சீட்டா....... கடவுச்சீட்டு என்பது PASSPORT அல்லவா... நான் நினைக்கிறேன்.... நீங்கள் கூறவந்தது அனுமதிச்சீட்டு... (Entrance Ticket)
    ஆமா ரசிகரே...
    நீங்க சொல்வது சரிதான்...

    "தமிழ் தந்தது என் நாவுக்கு துடிப்பு..,
    தமிழ்மன்றம் தருவது என் தமிழுக்கு உயிர்ப்பு..!"

  10. #10
    மன்றத்தின் தூண் பண்பட்டவர்
    Join Date
    15 Apr 2007
    Location
    dubai - native -tanjore
    Posts
    2,849
    Post Thanks / Like
    iCash Credits
    5,143
    Downloads
    32
    Uploads
    0
    இரண்டாம் முறையாக குழந்தையா மாறுவது வயதான காலத்தில் தான்.வாழ்க்கையில் எதையோ தேடியே காலத்தை கடந்து,முதியவர்கள் ஸ்தானத்தை அடைந்ததும்,அது வரை அவர்களது மனதில் புதைந்து கிடந்த அவர்களது ஆசைகள் வெளிப்படும்.மேலும் தனிமையும் அவர்களை நோகடிக்கும்.அதனால் அவர்களது உணர்வுகளை புரிந்து,மேலும் அவர்கள் தனிமை உணராது அவர்களுடன் நெருக்கமாக இருக்க வேண்டும்.நாளை நாமும் முதியவர்கள் என்று உணர்ந்து ..!
    Last edited by நேசம்; 24-11-2007 at 02:30 AM.

  11. #11
    மன்றத்தின் மகுடம் பண்பட்டவர் தாமரை's Avatar
    Join Date
    28 Dec 2005
    Location
    Bangalore
    Posts
    11,827
    Post Thanks / Like
    iCash Credits
    27,498
    Downloads
    183
    Uploads
    12
    பூமகளே
    நீ மலரின் மகளா
    பூமியின் மகளா
    இத்தனைப் புதையல்கள்
    உன்னிடம்
    தாமரை செல்வன்
    -------------------------------------------
    கூறும்முன் கூறும்சொல் கூறாக்கிக் கூறாய்ந்துக்
    கூறுடனேக் கூராக்கிக் கூறு.


    -------------------------------------------
    வானத்தை அளந்து பாக்கலாம் வாங்க
    தாமரை பதில்கள்
    தாமரை பதில்களுக்கு பின்னூட்டம் அளிக்க...

  12. #12
    மன்றத்தின் மகுடம் பண்பட்டவர்
    Join Date
    31 Mar 2003
    Posts
    15,683
    Post Thanks / Like
    iCash Credits
    118,744
    Downloads
    4
    Uploads
    0
    Quote Originally Posted by பூமகள் View Post
    "முதியவர்களுக்குப் பிடித்ததைக் கேட்டுச் செய்வதை விட, அவர்களின் மனத்தின் ஆழத்தில் இருக்கும் ஆசைகளை குறிப்பறிந்து செய்து விட்டால் அவர்கள் மகிழ்ச்சியுடன் நீண்ட ஆயுளோடு வாழ முடியும்"

    என் தந்தை சொல்லிக் கொடுக்காமல் செய்தே காட்டி எங்களுக்கு வழிகாட்டி, என் மனத்தில் ஓர் உயர்ந்த இடத்தில் வீற்றிருக்கிறார்..!
    ஊனமுற்றவர்களை வயோதிகர்களை
    பொதுவாய் சகமனிதனை..
    எப்போது மதித்து ஒரு சமூகம் நடத்துகிறதோ -
    அப்போது மட்டுமே அது ''வளர்ந்த'' சமூகம் ஆக முடியும்..

    இதை ஊனமுற்றவரை பூட்ஸ் காலால் போலீஸ்காரர் மிதிக்கும்
    படப்பதிவை (அளித்தவர்: இதயம்) பார்த்தபோதே சொன்னேன்..

    இங்கே அந்த இருவர் சொட்டிய விஷத்துளிகளால்
    பால்நிகழ்வு பாழ்படாமல் பாதுகாத்த அப்பா - வந்தனைக்குரியவர்!

    இந்த நெகி(நிக)ழ்வை அழகாய் வீடியோ படப்பதிவு போல்
    நேர்த்தியாய்ப் பதிந்த பாமகளுக்கு அன்புப் பாராட்டுகள்!

    முதியோர் மனவியலை ஒரு வரியில் மிக அழகாகச் சொன்ன
    பாமகளுக்குப் பரிசாய் மயூ-வின் இந்தசகதைச்சுட்டியும்...

    http://www.tamilmantram.com/vb/showthread.php?t=8171

    வட்டியாய் ஆயிரம் இ-காசுகளும்!

    வாழ்க அப்பாவும் அப்புச்சியும் -
    அவர்களைப்போல் நல்லவர்கள் எல்லாரும்!
    எத்தனை மனிதர்கள் உலகத்திலே...
    எத்தனை உலகங்கள் இதயத்திலே...

Page 1 of 4 1 2 3 4 LastLast

Thread Information

Users Browsing this Thread

There are currently 1 users browsing this thread. (0 members and 1 guests)

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •