இம்சையானவளே...!

**யாழ்_அகத்தியன்** · 23-11-2007, 02:29 PM

உனக்காக காத்திருக்கையில்
என்னைக் கடப்பவர்கள் மட்டும்
ராசியானவர்கள் உன் முகத்தை
அவர்களில் தேடுகிறேனே

*

அந்த சூரியனுக்கு
யார் என்னைக்
காட்டிக்கொடுத்தது

பாருங்கள்
நிலாவுக்காக
காத்திருக்கிறேன்
என்ற கோவத்தில்
என்னை கறுப்பாக்கி
கொண்டிருக்கிறது

*
உனக்காய் காத்திருந்த
இடத்தில் கொஞ்ச நேரம்
நி
ன்
று
பார்

உன்னைப் பெற
என்னை நான்
இழந்த வலி புரியும்

*

தாமதமாய் வருவதையே
பழக்கமாய் கொண்டவள் நீ
தெரிந்தும் உனக்காய் காத்திருக்க
பழக்கப்பட்டவன் நான்

*

" நிலா" என்று யார்
உனக்கு பெயர் வைத்தது
உனக்காய் என்னை தேய
வைத்துக் கொண்டிருக்கிறாய்

-யாழ்_அகத்தியன்

**அமரன்** · 23-11-2007, 03:06 PM

இம்சையானவளே என்னும் தலைப்பை பார்த்ததும் "இம்சை அரசன் 23 ஆம் புலிகேசி" திரைப்படம் நினைவில் வந்தது. சித்திரத்தை ரசித்து முடித்ததும் பாரம் குறைந்த உணர்வு ஏற்படுமல்லவா? அதேபோலத்தான் இவையும்.. ஆனந்த அவஸ்தைகள்.

உனக்காக காத்திருக்கும்
கோபத்தில் கத்திரி வெயில்
ஆண்டியானது மலைவானில்...

உனைத்தேடி
வெட்கப்பட்ட முகிலாடைகள்...

உன்நிழல்கண்டதும்
ஆதவன்
ஆடைகளால் மூடப்பட
குளிர்ச்சி பரவியது..
என்னுள்ளும் புறமும்....

" நிலா" என்று யார்
உனக்கு பெயர் வைத்தது
உனக்காய் என்னை தேய
வைத்துக் கொண்டிருக்கிறாய்

ஏங்க அகத்தியரே..! காதலிக்கவில்லை என்றீர்கள்.. அப்புறம் எப்படி இக்கவிதை?

**அக்னி** · 23-11-2007, 03:32 PM