இடநெருக்கடிக்கு ஏற்ப மடிப்பு கார் வடிவமைப்பு
வாஷிங்டன் : போக்குவரத்து நெரிசல், இடப் பற்றாக்குறையை கருத்தில் கொண்டு, இயக்கிய பின் மடக்கி வைத்துக் கொள்ளும் வகையில் வித்தியாசமான குட்டிக் கார் அமெரிக்காவில் வடிவமைக்கப்பட்டுள்ளது.
வாகனப் பெருக்கத்தால், சுற்றுச்சூழல் பாதிக்கப்பட்டு வருகிறது. மக்கள் தொகை அதிகரிப்பு, நெரிசல், இடப் பற்றாக்குறை அதிகரித்து வருகிறது. இதுபோன்ற பிரச்னையை சமாளிக்க அமெரிக்காவில் "ஸ்மார்ட் சிடி ரிசர்ச் குரூப்' நிறுவன ஊழியர்கள் புதுமையான காரை வடிவமைத்துள்ளனர். மடக்கும் வசதி கொண்ட எலக்ட்ரானிக் ஸ்கூட்டர் அறிமுகப்படுத்தப்பட்டது. மடக்கும் வசதி கொண்ட எலக்ட்ரானிக் காரும் அறிமுகப்படுத்த உள்ளது. சுற்றுச்சூழலை மாசுபடுத்தாமல் இது இயங்கும். இந்த காரைப் பயன்படுத்திய பின், குடையைப் போல் மடித்து வைத்துக் கொள்ளலாம். பிரத்யேகமாக வடிவமைக்கப்பட்ட அலமாரிக்குள்ளும் வைத்துக் கொள்ள முடியும். இந்த காருக்கு" சிடி' என்ற பெயர் சூட்டப்பட்டுள்ளது. போக்குவரத்து நெரிசலை கட்டுப்படுத்த இந்த கார் பெருமளவு உதவும் என்று எதிர்பார்க்கப்படுகிறது.
Bookmarks