செய்திகள்... சில வரிகளில்..14/8/08.. வியாழன்.

[மனோஜ்]

அனைத்து படத்துடனான தகவல்களுக்கு நன்றி அண்ணா

[ராஜா]

3வது அணியிலிருந்து கழற்றி விடப்பட்டார் ஜெ!!



டெல்லி: 3வது அணியான ஐக்கிய தேசிய முற்போக்குக் கூட்டணியின் தலைவராக முலாயம் சிங் யாதவும், ஒருங்கிணைப்பாளராக சந்திரபாபு நாயுடுவும் தேர்ந்தெடுக்கப்பட்டுள்ளனர். அதிமுக பொதுச் செயலாளர் ஜெயலலிதாவுக்கு எந்தப் பதவியும் வழங்கப்படவில்லை. இதன் மூலம் அவர் 3வது அணியிலிருந்து கழற்றி விடப்பட்டுள்ளது உறுதியாகியுள்ளது.

[ராஜா]

தீவிர அரசியலுக்கு விரைவில் வருவேன் - முத்துலட்சுமி..



கடலூர்:

மலைவாழ் மக்கள் இயக்கம் மூலமாக மலை வாழ் மக்களின் நலனுக்காக தீவிரமாக பாடுபடுவேன். படிப்படியாக தீவிர அரசியலில் நுழைவேன் என்று சந்தனக் கடத்தல் வீரப்பனின் மனைவி முத்துலட்சுமி கூறியுள்ளார்.

[ராஜா]

சட்டசபையிலிருந்து வெளிநடப்புச் செய்த புதுவை அமைச்சர்..



புதுச்சேரி: தனக்கு உரிய மரியாதையை அளிக்க அரசு தவறி விட்டதாக கூறி புதுச்சேரி சட்டசபையிலிருந்து சமூக நலத்துறை அமைச்சர் கந்தசாமி வெளிநடப்புச் செய்ததால் பரபரப்பு ஏற்பட்டது. அரசுக்கு ஆதரவு தரும் பாமக மற்றும் அதிமுக உறுப்பினர்களும் வெளிநடப்பு செய்து பரபரப்பைக் கூட்டினர்.

[ராஜா]

ஷ்ரியாவின் 'வடிவேலு புராணம்'!



ரஜினி புராணம் பாடி வந்த ஷ்ரியா இப்போது வடிவேலு புராணத்திற்கு மாறி விட்டார். இந்திரலோகத்தில் நா. அழகப்பன் படத்தில் சிங்கிள் பாட்டுக்கு வடிவேலுவுடன் ஆடிய அனுபவத்தால் வடிவேலுவின் தீவிர ரசிகையாகி விட்டாராம் ஷ்ரியா.

வடிவேலு சாருக்கு நல்ல சென்ஸ் ஆப் ஹ்யூமர். அவர் நடித்த காமெடிக் காட்சிகளை இப்போது விழுந்து விழுந்து பார்க்கிறேன். டிவியில் நான் பார்க்கும் காமெடிக் காட்சிகள் பெரும்பாலும் வடிவேலு நடித்த காட்சிகளாகத்தான் இருக்கும். அந்த அளவுக்கு அவரது ரசிகையாகி விட்டேன் என்றார் ஷ்ரியா.

[ராஜா]

மும்பையில் பில்லா 'மேஜிக்'



அல்டிமேட் ஸ்டார் அஜீத் நடிக்க, அட்டகாசமாக உருவாகியிருக்கும் பில்லா படத்தின் கிராபிக்ஸ் நகாசு வேலைகள் மும்பையில் உள்ள அதி நவீன ஸ்டுடியோவில் தயாராகி வருகிறதாம்.

[ராஜா]

சேது கமிட்டியை கலைக்க கோரிய சுவாமி மனு தள்ளுபடி...

டெல்லி: சேது சமுத்திரத் திட்டம் குறித்து ஆய்வு செய்ய நியமிக்கப்பட்ட 10 உறுப்பினர் கமிட்டியை கலைக்கக் கோரி ஜனதாக் கட்சித் தலைவர் சுப்ரமணியம் சுவாமி தாக்கல் செய்த மனுவை உச்சநீதிமன்றம் விசாரிக்க மறுத்து தள்ளுபடி செய்து விட்டது.
_________________

[அக்னி]

பல செய்திகளையும் தொகுத்துத் பகிரும் ராஜா அவர்களுக்கு நன்றிகள்...
பல அம்சங்களும் கலந்து வருவது சிறப்பாகவே இருக்கிறது...

[அமரன்]

செய்திச்சோலையில் ஒரு செய்திக்கதம்பம்.
வார மலர்களைப் நுகர்ந்த உணர்வு..
நன்றி அண்ணா...!

[ராஜா]

பாராட்டியோருக்கும், பார்வையிட்டோருக்கும் பணிவான நன்றிகள்..!

[ராஜா]

தமிழகத்திற்கு நெய்யார் நீர்-கேரளா ஒப்புதல்!

திருவனந்தபுரம்: கேரள மாநிலம் நெய்யார் அணையிலிருந்து தமிழகத்திற்குத் தண்ணீர் திறந்து விட கேரள அரசு முடிவு செய்துள்ளது. முதலில் தண்ணீர் தர மறுத்து வந்த கேரளா, தற்போது மழை பெய்து வருவதால் உபரி நீரை தமிழகத்திற்குத் திறந்து விட தீர்மானித்துள்ளது.
_________________

[ராஜா]

தஞ்சையில் ராஜராஜ சோழன் சதய விழா!



தஞ்சை: தஞ்சையில் நடைபெற்ற மாமன்னன் ராஜராஜ சோழனின் சதய விழாவில் மத்திய, மாநில அமைச்சர்கள் கலந்து கொண்டனர். தஞ்சை பெரிய கோயிலைக் கட்டிய மாமன்னன் ராஜராஜ சோழனின் பிறந்த நாள் விழா சதய விழாவாக கொண்டாடப்படுகிறது.