அம்சமானவளே..!

[யாழ்_அகத்தியன்]

அவ்வளவு
ஆசையா உனக்கு
என் மீது
கோவத்தில் நீ
சட்டி பானையோடு
சண்டைபிடித்தும்

இவ்வளவு ருசியா
சமைத்திருக்கிறாய்

*
அமாவாசை விரதத்தில் நீ
"கா கா கா" என கரைந்து
கொண்டு வெளியே வருகிறாய்

உன்னைக் கண்டதும்
காகங்கள் குழம்பிவிட்டது
பெளர்ணமி விரதமோ என்று

*
இந்த மழை உடனே
நின்றுவிடும் பார்
எப்படித் தெரியும்
நீதான் குடை
விரித்துவிட்டாயே

*
என் கவிதை படிப்பவர்கள்
எல்லாரும் என் காதலி
கொடுத்து வைத்தவள்
என்கிறார்கள்

அதற்காகவாவது உன்னைக்
காதலிக்க வேண்டும்
எங்கே நீ...

*
என் கண்களுக்கு இமைக்க
மட்டும்தான் தெரியும் உன்
கண்களில் ஒன்றைக்கொடு
உன்னை மாதிரியே
உன்னை நான் இமைக்காது
பார்க்க வேண்டும்

-யாழ்_அகத்தியன்

[கஜினி]

காதல் கவிதைகள் தவழ்ந்து விளையாடுகிறது.

[alaguraj]

அமாவாசை விரதத்தில் நீ
"கா கா கா" என கரைந்து
கொண்டு வெளியே வருகிறாய்

உன்னைக் கண்டதும்
காகங்கள் குழம்பிவிட்டது
பெளர்ணமி விரதமோ என்று

ஆஹா ஆஹா என்ன உவமை என்ன உவமை......

சபாஷ்.....

[சுகந்தப்ரீதன்]

*
என் கவிதை படிப்பவர்கள்
எல்லாரும் என் காதலி
கொடுத்து வைத்தவள்
என்கிறார்கள்

அதற்காகவாவது உன்னைக்
காதலிக்க வேண்டும்
எங்கே நீ...

-யாழ்_அகத்தியன்

அகத்தியரே தாங்களின் அகத்தில்தான் இருக்கிறார் தங்களின் காதல் கன்னி... ஊற்றுநீர் போல பொங்கி வழிகிறதே தங்களின் காதல் நதி...
வாழ்த்துக்கள்..!

[யாழ்_அகத்தியன்]

உங்க வாழ்த்துக்கு மிக்க நன்றிகள்

[அமரன்]

இந்த மழை உடனே
நின்றுவிடும் பார்
எப்படித் தெரியும்
நீதான் குடை
விரித்துவிட்டாயே

அவளுடன்
ஒட்டி உறவாடத்தான்
காற்றில்
தவழ்ந்து வந்தனவோ
மேகத்தின் முத்தங்கள்..!