பேஜார் பாலம்...!

[சிவா.ஜி]

கொயீட்டா குந்தினுருந்த பாலத்த
பொயிட்டீசியனுங்கோ புட்ச்சிக்கினு
வெயிட்டா வோட்டு வாங்க
வொய்ட்டுக்கே லைட் அடிக்கிறாங்கோ!

அன்னிக்கு பாபர இட்ச்சிட்டு
பேஜார் பன்னாங்கோ
இன்னிக்கு ராமர இடிக்காதன்னு
பேஜார் பன்றாங்கோ....

தாடித்தாத்தா சீடரு
ஸ்பீச்சுல தில்லு
காவித்தாத்தாவும்
வுட்டாரு வில்லு..

சொம்மா கெடந்த சங்க
ஊதிக்கெடுத்தானாம் ஆண்டி
அம்மாம் ஆளையும்
அட்சிக்க வெக்குறான் தோண்டி!

இன்னா பண்ணி இன்னாத்த சொல்ல
இன்னிக்கு துண்ண நாஷ்டா இல்ல
காவியோ, கறுப்போ..
கஞ்சி ஊத்த எவனுக்கு
மஞ்சாசோறு கீது....?
-------------------------------------------------------------------

சில வார்த்தைகளுக்கான பொருள்:
நாஷ்டா:சிற்றுண்டி
மஞ்சாசோறு: இதயத்தில் ஈரம்
துண்ண:சாப்பிட
குந்தினுருந்த:அமர்ந்திருந்த
புட்ச்சிக்கினு:பிடித்துக்கொண்டு

[ஷீ-நிசி]

பேஜார் பாலம்னு டைட்டில் போட்டு ஷோக்கா கட்டிருக்க வாத்யாரே

-காசிமேடு கபாலி

[சிவா.ஜி]

நன்றிபா கபாலி...வூட்டாண்ட வந்து கண்டுகினு போறேன்...

[praveen]

நாட்டு நடப்பு பற்றிய கவிதை, வித்தியாசமா இருக்கு, உண்மையிலே இதில் உள்ள சில சென்னை-தமிழ் வார்த்தை புரியவில்லை. ஒருவேளை பேசி கேட்டால் புரியும் என்று நினைக்கிறேன். மற்றபடி அர்த்தம் பொதிந்த வரிகள்.

எனக்கு ஓரளவு புரிந்து, அதற்கு கருத்து பதிய வைத்ததற்கு நன்றி.

[சிவா.ஜி]

நன்றி ஆஷோ...சில வார்த்தைகளுக்கு விளக்கம் அளிக்க மறந்துவிட்டேன்.அந்த பதிவிலேயே போட்டுவிடுகிறேன்.

[lolluvathiyar]

ஏது கொஞ்சா நாள் சிவாஜிக்கு மெட்ராஸ் பாசை மேல ஒரு இது வந்துருச்சு போல. கவிதை கூட விட்டு வக்கல*

[ஜெயாஸ்தா]

'மெட்ராஸ் பாசை'யில் கலக்கலான கவிதை. காலை நாஷ்டாவுக்கு வாழயில்லாத ஒருவன் அரசியல்வாதிகளைப் பார்த்து விடும் அறைகூவல். ஆனால்இதுதான் அவர்கள் காதில் விழாதே...!

[சிவா.ஜி]

ஏது கொஞ்சா நாள் சிவாஜிக்கு மெட்ராஸ் பாசை மேல ஒரு இது வந்துருச்சு போல. கவிதை கூட விட்டு வக்கல*

ஒரு 'இது' எல்லாம் இல்ல வாத்தியாரே...கொஞ்சம் வேறமாதிரி சொல்லலாமேன்னுதான்.அந்த'முயிச்சிக்கோ"ரொம்ப நாளைக்கு முன்னால எழுதுனது.(இதையும் கவிதைன்னு ஏத்துக்கிட்டதுக்கு நன்றி தலைவரே)

[அமரன்]

மீண்டும் ஒன்று சிவாவிடமிருந்து..(இதே தமிழில் முதல் ஒரு கவி கொடுத்தததாக ஞாபகம்)..
பாலத்துக்கு வெள்ளை அடிக்கிறது
சரித்திர மேதாவித்தனம் காட்டுவது
முரணாகக் காட்டிக்கொள்ள நினைப்பது
எல்லாம் பப்ளிசிட்டிக்கான ஸ்டண்ட்...
அடுத்தவேளை டீக்கு காயும் ஏழையை கண்டுகொள்ள மாட்டாங்க....நாட்டு நடப்பை காவி வந்த கவிதை..எவ்வளவு கவிதை வந்தாலும் யாரும் திருந்துவாரில்லை..

[பூமகள்]

கலக்கிட்டீங்க அண்ணாத்தே...!! ஆனா பாருங்க நம்ம ஊரு அரசியல் வாதிக திருந்தின பாட்ட காணோம்....!!
அருமை.. கொஞ்சம் கடினமாய் இருந்தது புரிவதற்கு..! ஆனாலும் சென்னை பேச்சு வழக்கில் இருந்த நடை அருமை. மற்றுமொரு வித்தியாசமான முயற்சி..சிவா அண்ணாவிடம் இருந்து.
வாழ்த்துக்கள் அண்ணா.

[சிவா.ஜி]

நன்றி ஜே.எம். செவிடர்கள் என்று தெரிந்துதான் சங்கை ஊதுகிறோம்...கேட்க்கும்போது கேட்க்கட்டும்.

நன்றி அமரன்.அடுத்த வேளை உணவுக்கு உத்திரவாதம் தரமுடியாதவர்கள்தான்..2020-ஐப் பற்றி வாய்கிழிய பேசுவார்கள்.

நன்றி பூமகள்.கடினமா இருந்ததா..அதுக்குத்தான் பொருள் கொடுத்தேன்....இன்னா பண்றதுமா..

[அக்னி]

ஏனுங்க...
கொஞ்சம் தமிழில் மொழி பெயர்க்க முடியுமா கவிதையை..?
வரிக்கு வரி மொழி பெயர்ப்பது சாலச்சிறந்தது...