தும்பை தூரிகையால்
தீட்டிய ஓவியத்தை
ஆழப் புதைத்தேன்
கெடாமல் இருக்க.!?
பாறை பிளக்கும்
பாரை வீரியத்துடன்
வண்ண சிதிலங்கள்
தோண்டி எடுக்க..
இடுக்குகள் எங்கும்
ஆக்கிரமித்த மதுவங்கள்
கூர்போதை வீச்சுடன்
பால்வாழ்வைப் பாழாக்க
விழிபிதுங்க மூச்சிரைக்கும்
குழுமத்தில் ஒருவனாக
இதமற்ற பாதைகளில்
பதநீர் தேடிக்கொண்டு...
என்றுதான் முடியுமோ
இந்நெடிய ஊர்வலம்?
Last edited by அமரன்; 24-09-2007 at 05:41 PM.
இது முடிவில்லா தேடல்.எதிரே இருப்பதைப்போலத்தெரியும்...அடுத்த பிறவியிலும் கைகூடாது.ஊர்வலம் போவது தனியனாய் இருப்பின் ஆறடியில் முடிந்துவிடும்,அழுக்குகளையும்,அவலங்களையும்,அழுகிய பிணங்களாய் தோளில் சுமந்து நடப்பதால் தொட்டுவிடும் தூரமும் தொலைவாய்ப் போய்விடுகிறது.அழுக்ககன்று.அவலங்கள் கழுவ அந்தம் அருகில் தெரியும்....அழிவில்லா ஆனந்தம் தொடரும்.சிந்திக்க வைக்கும் கணமுள்ள வரிகள்..பாராட்டுக்கள் அமரன்.
அன்புடன் சிவா
என்றென்றும் மன்றத்துடன்
கவலை என்பது கைக்குழந்தையல்ல
எல்லா நேரமும் தோளில் சுமக்க
கவலை ஒரு கட்டுச் சோறு
தின்று தீர்க்க வேண்டும் அல்லது
பகிர்ந்து தீர்க்க வேண்டும்...!!!
யதார்தம் நிறைந்த கவிதை..
வாழ்த்துக்கள் அமரன்..
" வாழ்க்கை வெறுத்துவிட்டால்
தற்கொலை செய்து கொள். !
தற்கொலை செய்யும் அளவுக்கு தைரியம்
இருந்தால் வாழ்க்கையை வாழ்ந்து பார். "
பொன்னைப் புதைத்தால் கெடாதிருக்கும்..தும்பை தூரிகையால்
தீட்டிய ஓவியத்தை
ஆழப் புதைத்தேன்
கெடாமல் இருக்க.!?
தீட்டிய ஓவியத்தைப் புதைத்தால்...
ஒரு இடத்திலே சரியாக இருப்பது
இன்னொரு இடத்தில் தப்பாகும்
என்பதை உணர்த தேர்ந்தெடுத்த வரிகள்
பாராட்டுக்கள் அமரன்.....
"எறும்படிக்க இரும்பு உலக்கையா ?" என்றொரு பழமொழி உண்டு...பாறை பிளக்கும்
பாரை வீரியத்துடன்
வண்ண சிதிலங்கள்
தோண்டி எடுக்க..
அதாவது எந்த ஒரு விடயத்தையும் நாம் பாவிக்கும் போது,
பாவிக்கும் இடம், பொருள், ஏவல் அறிந்து பாவிக்க வேண்டும்...
இங்கே மதுவங்கள் என்பது என்னைக் கொஞ்சம் குளப்புகிறது அமரா..இடுக்குகள் எங்கும்
ஆக்கிரமித்த மதுவங்கள்
கூர்போதை வீச்சுடன்
பால்வாழ்வைப் பாழாக்க
"மது" என்பதைக் குறிக்கவா நீர் அந்த சொல்லைப் பாவித்தீர்...?
இல்லை வேறு ஏதாவதா..?
ஏனெனின் ஒரு வகை சிறிய உயிரினங்களை மதுவக் கலங்கள் அல்லது மதுவங்கள் என்று பாவிப்பார்கள்....
மது என்று எடுத்துக் கொண்டால் நேரடியான பொருள் தருகிறது, அதாவது பால் போன்ற வாழ்வை பாழ் ஆக்குவதாக.....
இதமற்ற பாதைகளிலே பத நீர் தேடுகிறான் ஒருவன் எங்கிறீர்கள்...விழிபிதுங்க மூச்சிரைக்கும்
குழுமத்தில் ஒருவனாக
இதமற்ற பாதைகளில்
பதநீர் தேடிக்கொண்டு...
பதநீர் என்பதை கள்ளைக் குறிக்க பயன் படுத்துகிறீர்களென நினைக்கின்றேன்...
ஆனால் பதநீர் நிறத்திலும் குணத்திலும் ஏன் மணத்திலும் கள்ளை விட வேறுபட்டதல்லவா..???
மதுவுக்காக கண்கண்ட பாதைகளில் பயணிக்கும் ஒருவனின் பயணத்தை கவி வரிகளாக்கி இருப்பதாகப் படுகிறது எனக்கு...என்றுதான் முடியுமோ
இந்நெடிய ஊர்வலம்?
இத்தகைய பாதை முடிவடைய வேண்டுமெனின் அவன் தன் குடும்பத்தையும் சூழலையும் மனதார நினைத்தால் போதும், முடிந்து விடும் இந்த நெடிய ஊர்வலம் நொடிப் பொழுதிலே....
பாராட்டுக்கள் அமரரே, இப்போதெல்லாம் உங்கள் வரிகளின் உள்ளார்ந்த அர்த்தத்தை வெளிக்கொணர்வது மிகச் சிரமமான விடயமாகப் படுகிறதெனக்கு...
மகள்களைப் பெற்ற அப்பாக்களுக்கு மட்டும் தான் தெரியும்,
முத்தம் - காமத்தில் சேர்ந்ததில்லை என்று
-இயக்குனர் ராம்
கருத்துக்கள் நிறைந்த கவிதை.வாழ்த்துக்கள் அமரன் அவர்களே
இணையத்தில் ஒரு தோழன்
அமரன்
கவிதை நன்றாக இருந்தது.இதில் நீங்கள் பாவித்த சொற்கள் புதிதாக இருந்தது.ஓவியனின் கருத்தை பார்த்தபின்புதான் எல்லாம் நினைவில் வருகின்றன்.......
நன்றி
அமைதி இல்லா வாழ்வு தந்தே எங்கு சென்றாளோ
பிரிவாலே மோதும் துயர் போதும் போதுமே!!
தென்பகுதிகளின் ஒரு சாராரின்விழிபிதுங்க மூச்சிரைக்கும்
குழுமத்தில் ஒருவனாக
இதமற்ற பாதைகளில்
பதநீர் தேடிக்கொண்டு...
வாழ்வு நிலை கண்முன் படர்கின்றது.
புதுமையான* வ*ரிக*ள்.....Originally Posted by அமரன்
முடிய* வேண்டிய* ஊர்வ*ல*த்தை குறித்து அங்க*லாய்ப்பு.....
அருமை அமரா....
புரியாமல் தான் இருந்தது ஆனால் ஓவியன் விளக்கத்தை பார்த்த பிறகு நன்றாக புரிந்து பிரமித்து போனேன். வார்தைகளை எத்தனை அழகாக கையாண்டு இருக்கிறீர்கள்.
எதை தேடுகிறீர்கள் என்று தெரியாமல் தேடுவதால இது முடிவில்லா ஊர்வலம் தான்
உண்மை தான் அண்ணா. எனக்கும் சிரமமாக இருக்கிறது அமர் அண்ணாவின் ஆழ்கருத்தை புரிந்து கொள்ள... இன்னும் வளர வேண்டும் என் தமிழறிவு என்பது போய் தமிழறிவு சுத்தமாகவே இல்லையோ எனக்கு என்று ஐயம் கொள்ள வைக்கிறது அவரின் எழுத்துக்கள்..!!
அருமை அமர் அண்ணா பாராட்டுக்கள் மற்றும் வாழ்த்துகள்.
அசத்தலான அலசலுடன் கூடிய ஓவியரின் பின்னூட்டம் மிகவும் அருமை.
பாராட்டுக்கள் ஓவியரே..!!
அருமையான கவிதை அமரன். உங்கள் தமிழ்ச் சொற்கள் பல புரிந்துகொள்ள முடியவில்லை, காரணம் என்னுடைய தமிழறிவு அவ்வளவே. ஆனால் மக்களின் பின்னுட்டங்களைப் படித்தபின்பு அர்த்தம் நன்றாக விளங்குகிறது.
பாராட்டுக்கள் அமரன்.
நன்றி வணக்கம்
ஆரென்
மிகவும் அரிதாக பயன்படுத்தும் சொற்கள் கொண்டு கவி படைத்திர் வாழ்த்துக்கள்
There are currently 1 users browsing this thread. (0 members and 1 guests)
Posting Permissions
Reply With Quote
Bookmarks