தமிழ் மன்றம் தலைமை மாறுகிறது

[இராசகுமாரன்]

இனிய நண்பர்களே,

அனைவருக்கும் இனிய சுதந்திர தின நல்வாழ்த்துக்கள்..!

நான்கு வருடங்களைக் கடந்து ஐந்தாவது ஆண்டில் வெற்றிகரமாக பீடு நடை போட்டுக் கொண்டிருக்கும் நமது தமிழ்மன்றம், இன்று முதல் புதிய தலைமையின் கீழ் ஒப்படைக்கப் படுகிறது

சமீப காலமாக பல தளங்களை நிர்வாகித்து கொண்டிருப்பதால் தமிழ்மன்றத்தில் என்னால் அதிகம் பங்காற்ற முடியவில்லை. அதனால், நண்பர்களுக்காக உருவாக்கிய இந்த தமிழ்மன்றத்தை அவர்களே நடத்த இங்கு நன்றாக பங்காற்றும் இளைய தலைமுறையிடம் இந்த தமிழ் மன்றத்தை ஒப்படைப்பதில் பெருமகிழ்ச்சி அடைகிறேன்.

இனி தமிழ்மன்றத்தில் நானும் உங்களைப் போல ஒரு சாதாரண உறுப்பினராக எனது பங்கை ஆற்றுவேன். நண்பர்கள் கேட்டுக் கொண்டதற்கு இணங்க சிறிது காலம் ஆலோசகர்கள் குழுவில் இருந்து அவர்களுக்கு எப்போதும் போல் உதவி புரிந்து கொண்டிருப்பேன்.

இந்த புதிய தலைமைக்கு �அறிஞர்� நிர்வாகியாக இருப்பார். அவர் தேர்வு செய்து கொண்ட புதிய நிர்வாகக் குழு பின்வருமாறு:

பழைய மேற்பார்வையாளர்களில் பென்ஸ், ஆதவா இருவரும் தொடர்கிறார்கள். இந்தக் குழுவினர்தாம் தளத்தின் முழு வேலையையும் கவனிக்கும் பொறுப்பாளிகள், அதனால் இனி அவர்கள் பொறுப்பாளர்கள் என அழைக்கப் படுவார்கள்.

சிறப்பாக பணியாற்றி வரும் மன்ற உதவியாளர்கள் அனைவரும் (அமரன், அன்புரசிகன், அக்னி, ஓவியன்) பொறுப்பாளர்களாக பதவி உயர்வு பெறுகிறார்கள்.

மற்ற பழைய மேற்பார்வையாளர்கள் ஆரன், மன்மதன், தாமரை, பிரதீப் ஆலோசர்கள் குழுவின் அங்கமாகிறார்கள்.

இவர்களைத் தவிர ஆலோகர்கள் குழுவில் நான், இளசு, மனோ ஜி சேர்கிறோம்.

எங்களோடு ஆலோசர்கள் குழுவில் புதிய வரவாக �பாரதி��யும் இணைகிறார்.

மொத்தத்தில்;

தளத்தை நிர்வாகிக்க,
நிர்வாகி: அறிஞர்

பொறுப்புடன் பணிகளை செய்திட,
பொறுப்பாளர்கள்:
பென்ஸ், ஆதவா, அமரன், அன்புரசிகன், அக்னி, ஓவியன்

ஆலோசனை வழங்கி மன்றத்தை வழி நடத்திட,
ஆலோசகர்கள்:
இராசகுமாரன், இளசு, மனோஜி, பாரதி, ஆரென், மன்மதன், தாமரை, பிரதீப்

இந்த குழுக்கள் நாளை முதல் தங்கள் பணியை தொடங்கும். நாளை முதல் புதிய நிர்வாகி மற்றும் பொறுப்பாளர்கள் எடுக்கும் முடிவே இறுதியானது.

இதுவரை எனக்கு அளித்த ஒத்துழைப்புக்கும், ஆதரவுக்கும் மிக்க நன்றி..! அது போல இனி புதிய தலைமைக்கும் ஒத்துழைப்பீர்கள் என நம்புகிறேன்.

அறிஞர் புதிய அத்தியாயத்தைத் தொடங்கட்டும், அதன்பின் ஒவ்வொரு புதிய தலைமுறையும் இதைத் தொடரட்டும்.

வாழ்த்துக்கள்..!!

நன்றி...!!!

இராசகுமாரன்

[விகடன்]

மனற ஒருங்கிணைப்பாளர் அனைவரிற்கும் எனது வாழ்த்துக்கள்.

[இளசு]

புதிய குழுவுக்கு வாழ்த்துகள்!

தலைவரின் இம்முடிவை முழுமனதுடன் வரவேற்கிறேன்..

தலைமுறைகள் தாண்டியும் தமிழ்மன்றம் நீடூழி வாழும்!

[சிவா.ஜி]

புதிய நிர்வாகி,பொறுப்பாளர்கள் மற்றும் ஆலோசகர்கள் அனைவருக்கும் மனமார்ந்த வாழ்த்துக்கள்.
இராசகுமாரன் அவர்களுக்கு நெஞ்சம் நிறைந்த நன்றிகள்.

[namsec]

பல புதுமைகளை புகுத்தும் நண்பர் இராசகுமாரன் ஆலோசகர் ஆக இருப்பதவிட மூத்த நிர்வாகி என இருக்கலாம் என்பது என் கருத்து அல்லது நிறுவனர் என்றும் இருக்கலாம் சற்று யோசித்து முடிவெடுக்கவும்.

[kampan]

பொறுப்பாளர்களுக்கு எனது வாழ்த்துக்கள்.

[ஷீ-நிசி]

வாழ்த்துக்கள் அனைவருக்கும்!

[இதயம்]

உலகில் மாற்றம் ஒன்று தான் மாறாதிருக்கிறது என்பதால் நண்பர் இராசகுமாரன் அறிவித்த இந்த மாற்றத்தை நாம் மனமுவந்து ஏற்க வேண்டியது அவசியம். புதிய பொறுப்பாளர்கள் தன் பணியை செவ்வனே செய்து மன்றத்தை உயர்த்துவார்கள் யாதொரு ஐயமும் இல்லை. மன்றத்தின் நிர்வாகியாக இருந்து தமிழ் மன்றத்தை இதுவரை தலை நிமிர்ந்து நடத்திய மன்றத்தலைவர் இராசகுமாரன் அவர்களுக்கு நன்றிகள்.

மன்றம் தொடர்ந்து தலை நிமிர்ந்து தன் பாதையில் நடக்க காரணியாக அமைய போகும் புதிய நிர்வாகி அறிஞர் அவர்களுக்கும், புதிய மன்ற பொறுப்பாளர்களுக்கு என் வாழ்த்துக்கள்.!

[ஓவியன்]

பெருந்தன்மையுடன் புதியவர்களுக்கு வழி விடும் பெருந்தகைகளுக்கு நன்றிகள் கோடி........

மூத்தவர்களின் வழிகாட்டலில் அறிஞர் அவர்களின் தலமையில் அணி திரளும் புதிய அணி தமிழ் மன்றத்திற்கு வளத்தையும் பலத்தையும் சேர்க்கட்டும்...............

[mania]

இராசகுமாரன் பொறுப்பிலேயிருந்து விலகுகிறார் என்ற செய்தி மிகுந்த மனவருத்தத்தை அளிக்கின்றது.. ஆலோசகர் என்ற முறையில் அவர் நமக்கு உதவுகிறார் என்பது பற்றி மகிழ்ச்சி.
புது பொறுப்பு ஏற்கும் அனைவருக்கும் எனது வாழ்த்துகள். என்னுடைய உதவி அவர்களுக்கு எப்போதும் உண்டு என்று தெரிவித்துக்கொள்கிறென்.
அன்புடன்
மணியா..

[karikaalan]

புதிய நிர்வாகக்குழுவிற்கு எனது மனப்பூர்வமான வாழ்த்துக்கள். மன்றத்தை மேன்மேலும் உயர்த்துவதற்கு உறுப்பினர்களின் ஒத்துழைப்பு அவசியம் உங்களுக்குக் கிட்டும்.

இராசகுமாரன்ஜியின் தமிழார்வம் மட்டுமே இத்தளத்தை உயிரூட்டுவதற்கும், பரப்புவதற்கும் காரணமாக இருந்திருக்கிறது. என்னைத் தமிழில் தட்டச்ச தூண்டியவரே அவர்தான். Chairman, Emeritus -− ஸ்தானத்தில் அவர் நீடிக்கவேண்டும் என்று வேண்டுகிறேன்.

===கரிகாலன்

[மாதவர்]

வாழ்த்துக்கள்