அனைவரின் அன்பிற்கும் பதில் அன்புதான்..

[rambal]

இந்த மன்றத்தில்தான் முதன் முதலில் தமிழ் எழுதிப்பழகினேன்.
கவிதைகளும் கூட. நாவலுக்கான முதல் முயற்சி ஆரம்பமானதும் இங்குதான்.
நிறைய விமர்சணங்கள், சண்டைகள்..
எல்லாம் இன்று நினைக்கையில்.. உதட்டோரம் சிறு புன்னகை மட்டுமே மிஞ்சும்.
நாம் சிறுவயதில் செய்த குறும்புகளை இன்று நினைத்துப் பார்த்தால் எப்படி இருக்குமோ அப்படி.

என்னை இன்னும் நினைவில் வைத்து விசாரித்த அண்ணனுக்கு (இளசு மட்டும்தான் அண்ணன்) என் பிரியங்கள்.
தனி மடலில் நலம் விசாரித்த அனைவருக்கும் என் அன்பு.
நான் சென்னையில் தான் இருக்கிறேன்.
வேலை பளு இருந்தாலும், வேறு ஒரு முக்கிய பணியில் இருக்கிறேன். கடந்த ஓராண்டு காலமாக நாவல் எழுதிக் கொண்டிருக்கிறேன். ஆகையால், அது சம்பந்தமாகப் படித்துக் கொண்டும், ஊர் ஊராக சுற்றிக் கொண்டும் இருக்கிறேன். இன்னும் ஐந்து ஆண்டுகள் பிடிக்கும் வேலை அது. அதனால் இந்தப் பக்கம் வரமுடியவில்லை. நேற்று மன்றம் எப்படி இருக்கிறது என்று வந்து பார்த்தேன். இனி ஓய்வாக இருக்கும் சமயங்களில் இங்கு வந்து எழுதுகிறேன்.

அனைவரின் அன்பிற்கும் பதிலாய் என்னுடைய அன்பு.

[மனோஜ்]

ராம் பால் அண்ணாவிற்கு என் முதல் வரவேற்பு
தங்களின் கால் சுவடுகள் பல நான் ரசித்தவை தொடர்ந்து வந்து எங்களை மகிழ்விக்க அன்புடன் வேண்டுகிறோன்

[விகடன்]

வணக்கம் ராம்பால் அண்ணா. உங்களை அங்கத்தவர் பட்டியலில் பார்த்தேன். மூத்தவர்களில் ஒருவராக தெரிந்தது. நீங்கள் மட்டுமல்ல பல சிரேஷ்டர்கள் திடீரென்று வராமல் இருப்பதையும் கவனித்தேன். மிகவும் வருத்தமாக இருந்தது.

மீண்டும் (மன்றத்திற்கு) காணுகையில் மகிழ்ச்சியே.

[ஆதவா]

இது மிக இனிப்பான செய்தி... இதைவிட இனிப்பான செய்தி கிட்டுமா? தெரியவில்லை..

ராம்பால் என்ற ஒருவரைப் பற்றி அறிஞர் முதல் அனைவரும் சொல்லியிருக்கிறார்கள்... ஆயிரம் பதிவில் ஒருவர் தலைசிறந்தவராக திகழ்கிறார் என்றால் அந்த பதிவின் வீரியம் அப்படிப்பட்டது என்று நினைக்கிறேன்... அதனால்தான் எல்லோருமே ராம்பால் ராம்பால் என்று சொல்லுகிறார்கள்... ஐயாயிரம் வீண் பதிவுகள் பதித்த என்னை நாளையும் நினைவில் இருந்து மறக்க நேரிடலாம்... ராம்பாலை இன்னும் மறக்காத மன்றம்....

இன்றுதான் பழைய நண்பர்களின் கவிதைகளை நோண்டிக் கொண்டிருந்தேன்.. ஒரு பழைய நண்பரே கண்கள் சிக்குகிறார்..... விதை தேடியவனுக்கு கிடைத்துவிட்டது பழம்..

மன்றம் உங்களுக்கு மட்டுமல்ல, எனக்கும் பள்ளிக் கூடம்தான்... கற்ற பாடங்கள் எத்தனையோ.. ஆசிரியர்கள் இங்கே குறைவு.. உங்கள் மீள்வருகை ஒரு நிறைவு.. என்று மனதோடு கரங்கூப்பி வரவேற்கிறோம் ராம்பால் அவர்களே...

அன்புத் தம்பி
ஆதவன்.

[இலக்கியன்]

வணக்கம் நான் மன்றத்துக்கு புதியவன் உங்களை மன்றத்தின் மூலம் சந்திப்பதில் மிக்க மகிழ்ச்சி

[அமரன்]

இனிய ராம்பால் அண்ணாவுக்கு வரவேற்புக்கள். ஏற்கனவே உங்கள் படைப்புகள் மூலம் உங்க்ளுடன் இருந்தாலும் உங்கள் மீள்பிரவேசம் மூலம் நேரடியாக உங்களுடன் நானும் மன்றத்தில் இருகின்றென் என்பதில் பெருமிதமும் மகிழ்ச்சியும் அடைகின்றேன்.
நன்றி.

[ஓவியன்]

அன்பான ராம்பால் அண்ணா!

உங்களைப் பற்றி நிறைய விடயங்கள் மன்றத்தின் மூத்தோர் பலரிடமிருந்து அறிந்து, மீள உங்களைக் காணோமா என்று ஏங்கி இருக்கையில் உங்கள் மீள் வருகை எங்கள் அனைவருக்கும் ஆனந்த அதிர்ர்ர்ச்சி!.

இனி நம் மன்றம் வெற்றிப் பாதையில் வீறு நடை வேகமாகப் போடப் போகிறது என்று கட்டியம் கூறி நிற்கிறது உங்களது இந்தப் பதிவு. உங்களுடன் கைகோர்த்து நிற்க இளையவர்கள் நாம் தயாராக உள்ளோம், வழிகாட்டுங்கள் − சேர்ந்தே சாதிப்போம்.

[இனியவள்]

ராம்பால் அண்ணா உங்கள்
மீள்வருகை மிகவும் சந்தோஷமாக
இருக்கின்றது இப்பொழுது தான்
உங்கள் ஆக்கம் ஒன்று படித்து
விட்டு வந்தேன் மிக அருமை...
பழைய உங்கள் ஆக்கததைத்
தேடத் தூண்டுகின்றது...
வாழ்த்துக்கள் அண்ணா

[அறிஞர்]

இளசுவும் நானும் சில மாதங்களாக ராம்பாலை எப்படி தொடர்பு கொள்வது என சிந்தித்துக்கொண்டு இருந்தோம்....

ராம்பாலை நேற்று மன்றத்தில் கண்டவுடன் மகிழ்ச்சி ஏற்பட்டது.

இனி மன்றத்தில் என்றும் திருவிழாதான்...

[ஓவியா]

அன்பால் ஆன உலகத்தில் வசிக்கும் ராம்பால் அண்ணாவிற்க்கு வணக்கம்.

நான் மன்றம் வந்த புதிதில், தங்களின் ஆக்கங்களை தேடி பிடித்து படித்துள்ளேன், வட பழினியாண்டிக்கு வீட்டில் உண்டியல் வைத்து காணிக்கை போட்ட பைசாவில் அவர் வேட்டி வாங்க முடியாதே, அதனால் மாதக்கடைசியில் நாமே உண்டியலை காலி செய்வது போல், வராத உங்கள் பதிபிற்க்கு எதற்க்கு விமர்சனம் என்று................ அறியாமையால் பின்னூட்டமிடாமல் பலமுறை விட்டு விட்டேன்.

அன்பு தங்கையை மன்னிக்கவும் அண்ணா.


உங்கள் வரவு நம் மன்றதிற்க்கு மகிழ்ச்சியே!!!

[இளசு]

ராம்

முதலில் பருத்திவீரனின் பாலைவனப் பின்புலப் பதிவுதான் என் கண்ணில் பட்டது..

அங்கு பதிலிட்டு, உனக்குத் தனிமடலிட்டு, பின் கொஞ்சம் மற்ற இடங்களைச் சுற்றிவிட்டு...

புதியவர்கள் பகுதியில் எதேச்சையாய் எட்டிப்பார்த்தால்...???

இப்படி ஒரு இனிய அதிர்வு!

மனம் கொஞ்சம் பரபரப்பாய் இருக்கிறது ராம்!

அநேகமாய் இம்மன்றத்தில் உன்னை அதிகம் கீறியது நானாகத்தான் இருக்க வேண்டும்... அந்தக் குறுகுறுப்பு எனக்குள் இன்னும் உண்டு..

உனக்குப் புன்னகை வருவதுபோல் எனக்குக் கொஞ்சம் பெருமூச்சு!!!

எல்லாம் கடந்து நமக்குள் இருக்கும் ஏதோ ஒரு பிணைப்புதான்
என்னை (மட்டும்) அண்ணன் என உன்னைச் சொல்லவைக்கிறது!

அண்ணன் என்ற உரிமையை அத்துமீறி சபையில் பிரயோகித்த தருணங்களுக்காக இன்று அதே சபையில் உன்னிடம் மன்னிப்பு கோருகிறேன் ராம்!

அன்று சரி என எண்ணி நாம் எடுத்த சில முடிவுகள், நடவடிக்கைகள் −
இன்று நம்மைப் பார்த்து எக்களிக்கும் நிலை எவர்க்கும் உண்டு..
உன் அண்ணன் மட்டும் விதிவிலக்கா என்ன???

என் சனரஞ்சக எழுத்துக்கு நீ ஆனந்திப்பதைப்போலவே
உன் அபூர்வ எழுத்துக்கு ஆராதனை செய்பவன் நான்!

பணி நலம் அறிந்து மகிழ்ச்சி!
பயணங்களாலும், படிப்பாலும்...
பகீரதனாய் நீ செதுக்கும் ஐந்தாண்டு தவப்பலனுக்கு
முன் வாழ்த்துகள்!

இம்மன்றம் உருவாக முதல் முக்கிய காரணி நீ என்பதை தலைவரும் நானும் என்றும் மறந்ததில்லை!

இன்று ஒரு நதியில் முக்கி எழுந்த புனித உணர்வை உன் பதிவும் வருகையும் தந்தன..


நண்பர்கள் நண்பன், ப்ரியன் போன்றவர்களும் இணையும் காலம் வந்துவிட்டதாகத் தோன்றுகிறது..

ஏனெனில், நம் மன்றத்தை தாயாகவே பார்க்கிறேன்..

பிரிவுகள் − தாயைப் பொருத்தவரை தற்காலிகம் மட்டுமே!

[ஓவியா]

இளசு சார்,

அடடா, தங்களின் மனந்திறந்த மடல் படிப்பவர்களின் நெஞ்சை நெகிழ, மகிழ வைக்கும் வரிகள்.