அக்னித் துளிகள்..!

[அக்னி]

மனதில் கனலும் உணர்வெனும் நெருப்பு...
அவ்வப்போது பற்றி எரியும்போது,
பதிவுகளாக்குகின்றேன் இத்திரியில்...

[அக்னி]

என் இதயம் கொண்ட காயம்..,
உன் இதயம் தந்த அடையாளம்..!

என் கண்ணீரின் ஈரம்..,
என் தலையணையின் பாரம்..!

என் மனதோடு நான் கொண்ட காதல்..,
என் விழியோடு நீ தந்த கண்ணீர்..!

உன் விழிகளுக்கு என்னை மறைக்கத் தெரியவில்லை..,
என் விழிகளுக்கு உன்னை மறுக்க முடியவில்லை..!

உன் மடி கண்டதும்..,
நான் மடிவதும் சுகமே..!

உன்னை பார்த்ததும் என் மனது தொலைந்தது..,
என்னை பார்த்ததும் உன் மனது கலைந்ததா..?

[அக்னி]

கண்ணீர்த் துளிகளுக்குள்,
கட்டிக்கட்டி வெளியே
தள்ளினாலும்,
மீண்டும் மீண்டும்
சுரக்கின்றாய் நீ...

[அக்னி]

ஜனனித்த கணத்தில்,
ஏதும் தெரியவில்லை
தாயின் வாசம் தவிர...
உணர்ந்தேன் தாயின் வாசம்...
மரணிக்கும் கணத்திலும்
ஏதும் தெரியவில்லை
உனது சுவாசம் தவிர...
சுவாசித்தேன் உனது சுவாசம்...

[அமரன்]

மரணிக்கும் கணத்திலும்
ஏதும் தெரியவில்லை
உனது சுவாசம் தவிர...
சுவாசித்தேன் உனது சுவாசம்...

என்சுவாசம் உன்னிலிருந்தால்
எப்படி நீ மரணிப்பாய்..
சாவிலாவது
உண்மை இருந்திருக்கலாம்...!

[அன்புரசிகன்]

மரணிக்கும் கணத்திலும்
ஏதும் தெரியவில்லை
உனது சுவாசம் தவிர...
சுவாசித்தேன் உனது சுவாசம்...

என் மரணத்தில் கலங்காதே...
உண் கண்துடைக்க
நான் எழுந்து வந்துவிடுவேன்...

[இனியவள்]

கண்ணீர்த் துளிகளுக்குள்,
கட்டிக்கட்டி வெளியே
தள்ளினாலும்,
மீண்டும் மீண்டும்
சுரக்கின்றாய் நீ...

ஊற்றெடுக்கும் கண்ணீர்த்
துளிகளை கரம் கொண்டு
துடைத்திட முடியும்
உயிரினில் கலந்து விட்ட*
நினைவுகளை எதனைக் கொண்டு
துடைத்திட முடியும்


அக்னி உங்கள் கவிப்பயணம் தொடர வாழ்த்துக்கள்

[அதிரடி அரசன்]

மனதில் கனலும் உணர்வெனும் நெருப்பு...
அவ்வப்போது பற்றி எரியும்போது,
பதிவுகளாக்குகின்றேன் இத்திரியில்...

அருமை ஐயா உனது உணர்வு துளிகள்

[அக்னி]

என்சுவாசம் உன்னிலிருந்தால்
எப்படி நீ மரணிப்பாய்..
சாவிலாவது
உண்மை இருந்திருக்கலாம்...!

என் சுவாசம்
உன்னிலிருந்தால்,
எனக்கு திணறலான மூச்சு,
உனக்கு வாசமாய்
ஆனதெப்படி..?

நன்றி அமரன்.

[அக்னி]

என் மரணத்தில் கலங்காதே...
உண் கண்துடைக்க
நான் எழுந்து வந்துவிடுவேன்...

நீ வந்து விட்டால்
எனக்கு ஏது கலக்கம்...
நான் நொந்த போதிலும்,
வர இன்னுமேன் சுணக்கம்..?

நன்றி அன்புரசிகன்.

[அக்னி]

ஊற்றெடுக்கும் கண்ணீர்த்
துளிகளை கரம் கொண்டு
துடைத்திட முடியும்
உயிரினில் கலந்து விட்ட*
நினைவுகளை எதனைக் கொண்டு
துடைத்திட முடியும்


அக்னி உங்கள் கவிப்பயணம் தொடர வாழ்த்துக்கள்

துடைப்பது
என் கரமானால்,
சுரக்கும் மீண்டும் கண்ணீர்...
உன் கரமானால்,
அதுவே எனக்குப் பன்னீர்...

நன்றி இனியவள்.

[அமரன்]

என் சுவாசம்
உன்னிலிருந்தால்,
எனக்கு திணறலான மூச்சு,
உனக்கு வாசமாய்
ஆனதெப்படி..?

ஆலத்தை காலமாக்கும்
வித்தை தெரிந்தது
ஆளும் காதல்...!