அக்னித் துளிகள்..!

[அக்னி]

நன்றி அன்பு உறவுகளே...

[அக்னி]

யாரையும் வேதனைப்படுத்த நான் நினைப்பதில்லை...
இது வேதனைக்கு ஏனோ புரியவில்லை...

[சிவா.ஜி]

அப்படித்தான் அக்னி....புரியாவிட்டாலும் தொடர்ந்து வாழும் வாழ்க்கைக்குத்தான் அர்த்தமிருக்கிறது. தொடருங்கள்....அருமையான வரிகள்.

[lenram80]

அக்னித் துளிகள் அல்ல! - இவை
சமூகத்தை திருத்த கட்டப்படும்
மக்கள் மன்றத்தின்
அக்னித் தூண்கள்!

இவை அக்னி துளிகள் அல்ல!
இந்த சமூகத்தின் மீது
சிந்தப்படும் கண்ணீர் துளிகள்!

சிந்துக இன்னும் கவிதைத் துளிகளை!
ஏனென்றால், அக்னிக்கு மட்டும் தான்
குஞ்சென்றும், மூப்பென்றும் இல்லை!

[அக்னி]

எனக்கு என்றாகையில்
தவறித் தாண்டிய தருணங்கள்
என்றானது..,

என்னால் என்றாகையில்
தவறில் தாண்டிய தருணங்கள்
என்றானது...

[Hega]

எனக்கு எனும் போதும் என்னால் எனும் போதும் நம் பார்வையே ஒரே கணத்தில் மாறுபடுவதை ஒரே எழுத்தில் வேறுபடுத்தி காட்டிய அக்னித்துளிகள் அருமை அக்னி சார்.

[சுகந்தப்ரீதன்]

எனக்கு என்றாகையில்
தவறித் தாண்டிய தருணங்கள்
என்றானது..,

என்னால் என்றாகையில்
தவறில் தாண்டிய தருணங்கள்
என்றானது...

வார்த்தை விளையாட்டில் ஒரு வாழ்வியல் நியதி...!!
அகநோக்கும் புறநோக்கும் சமநோக்கானால் சரியாகிவிடும் இது..!!

ஆழ்ந்த கருத்துசெறிவு கொண்ட அக்னிதுளிகள்.. அசத்துங்கப்பு...!!

[தாமரை]

என்+ அக்கு; இங்கே அக்கு - சிறிய பாகம்...

என்+ஆல்; இங்கே ஆல் - விரிந்து பரந்தது..

அதுதான் அக்னி வித்தியாசம்..