சமையல் குறிப்புகள்.. எடக்கு முடக்கு சிந்தனைகள்..
மிளகாய் பஜ்ஜி.. (வேண்டாத விருந்தாளிகளுக்கு மட்டும்)
ஒரு சமயம் மாலை வீட்டில் இருந்தேன்.. தண்ணீர் அடிக்கவேண்டுமென்று நண்பர்கள் சிலர்
கையில் பாட்டிலுடன்.. எப்படி துரத்துவது என்று குழம்பினேன்.. இறுதியாக, சைட் டிஸ் ஆக
மிளகாய் பஜ்ஜி செய்கிறேன் என்று கூறிவிட்டு பின்வருவது போன்று மிளகாய் பஜ்ஜி செய்தேன்..
அதை சாப்பிட்டு விட்டு ஆனந்தக் கண்ணீர் வடித்தார்கள்.
மிளகாய் பொடி - 4 கரண்டி
மிளகாய் நீண்ட வாக்கில் வெட்டியது - 10
கடலை மாவு -10 டீ ஸ்பூன்
உப்பு - 1 கரண்டி
முதலில், ஒரு பாத்திரத்தை எடுத்து மிளகாய் பொடியைக் கொட்டவும். பின் கடலை மாவை கலக்கவும்.
பின் உப்பைக் கொட்டவும். பின் தண்ணீர் விட்டு நன்றாக கொல கொலவென்று மாவாக்கவும்.
இப்போது இந்தக் கலவையில் மிளகாயை முக்கி எடுத்து வாணலியில் பொறித்து எடுத்தால்
மிளகாய் பஜ்ஜி ரெடி.
வேண்டுமானால், கொஞ்சம் எலுமிச்சை, வெள்ளரிக்காய் (2.5 செ.மீ விட்டத்தில் வட்டமாக வெட்டியது)
இவைகளை பிளேட்டின் கடிகாரத்தில் நிமிட முட்கள் இருப்பது போன்று வைத்துவிட்டால்
பார்ப்பதற்கு மிக அழகாய் இருக்கும்.
வந்த நண்பர்கள் சொல்லாமல் கொள்ளாமல் ஓடி விடுவார்கள்..
(வேண்டாத விருந்தாளிகளை ஓட வைக்க சிறந்த ஆயுதம்)
Reply With Quote
Bookmarks