விடியல்.

[இனியவள்]

ஞாபகப் படுத்துகின்றதே
ஒவ்வொரு விடியலும்
துயரமான இன்னொரு விடியல்
உனக்காக காத்திருக்கின்றது
என்று


கவிச்சமரில் உதிர்த்த சிறு துளி

[பென்ஸ்]

உறக்கமற்ற இரவுகளில்
உக்கிரமாய் வரும் வலிகளையும் தாண்டி
உணர்வுகளோடான போராட்டங்கள் முடிய
விடியல் தேவை தோழி...

விடியல்களே இன்னொரு வலியை சொல்லும் போது
விடை சொல்ல சில அஸ்தமங்களும் தேவை...

வாழ்த்துகள்...

[தாமரை]

விடியலில் உறுதி
இன்னொரு
விடியலென்றால்
கலக்கமேன் மனமே
விடியலின் உறுதி
உன்னிடமில்லாததாலா?

அஸ்தமனங்களில்
அர்த்த மனங்கள்
அர்த்தமில்லாமல்
குழம்பலாம்
விடிந்தால்
தெளியும்!

[பென்ஸ்]

அஸ்தமனங்களில்
அர்த்த மனங்கள்
அர்த்தமில்லாமல்
குழம்பலாம்
விடிந்தால்
தெளியும்!

நல்ல சொல்லாடல் தாமரை..

[ஓவியன்]

விடிந்தால் தெளியும்,
விடிந்தால் தொலையுமென,
விடிந்து தொலைத்து விட்டன.
பல விடியல்கள்!
ஆனால் இன்னமும்
விடியாமல் அஸ்தமனமாய்
வெளிநாட்டு ஏழைகள்...............

[ஓவியன்]

இனியவள் எடுத்துக் கொடுக்க அண்ணாமார் அமர்களமாகத் தொடக்கி வைத்து விட்டனர் இந்த திரியை...................

அருமையாக இருக்கின்றது.

[தாமரை]

விடிந்தால் தொலையுமா?
விடிந்து தொலையுமா?
விடியலையே
தொலைத்து விட்டவர்களுக்கு?

[இனியவள்]

கிடைத்த விடியலை
தெரிந்தே தொலைத்தவர்கள்
இன்னுமொரு விடியல்
வராத என வானத்தை
அன்னாந்து பார்க்கின்றனர்
பசியோடு இருக்கும்
ஏழையைப் போல்


கவிச்சமரில் இருக்கும் நிறைய கவித்துளிகளைப் போட்டல் நிறைய கவிகள் உதயம் ஆகும் போல் தெரிகின்றதே இங்கு

[இனியவள்]

தாமரை அண்ணன்,பென்ஸ்,ஒவியன் எல்லாரும் இப்படி கலக்கு கலக்கு என்று கலக்கிறீங்களே....

உங்களிடம் கற்றுக்கொள்ள நிறைய இருக்கு எனக்கு இன்றே சேர்கின்றேன் மாணவியாய்

[பென்ஸ்]

"காயப்படுத்தும் ஒரு உண்மையை விட குணப்படுத்தும் ஒரு பொய்யே மேலானது"... இது உண்மையா???

[இனியவள்]

"காயப்படுத்தும் ஒரு உண்மையை விட குணப்படுத்தும் ஒரு பொய்யே மேலானது"... இது உண்மையா???

என் அனுபவத்தில் நான் அறிந்து கொண்ட உண்மை பென்ஸ்

[அக்னி]

விடியல் வருவதைக்
கட்டியம் கூறி
விடிவெள்ளி தெரிகிறது...
விடியலின் முடிவைச்
சொல்ல ஏதுமில்லாததாலோ,
தொலைத்து விடுகின்றோம்...