கொடி போல் உன் இடை அழகு
கனி போல் உன் சுவை அழகு
பனி போல் உன் இமை அழகு
பால் போல் உன் விழி அழகு..
அடியே நீ எனக்கழகு
அலை போல் உன் கூந்தல் அழகு
கிளியே உன் சிரிப்பழகு
கீழ் உதட்டு மச்சம் அழகு..
கனியே உன் கால் அழகு
கவிதை போல் உன் கை அழகு
பழமே உன் பல் அழகு
என் பார்வைக்கு நீ அழகு..
அன்பே நீ மலரழகு
மான் போல் உன் நடை அழகு
சின்ன சின்ன விரல் அழகு
சிற்பம் போன்ற நீ அழகு..
கண்னே இந்த பூ அழகு
கண்ணீரிலும் நீ அழகு
குயிலே உன் குரல் அழகு
கொவ்வை போன்ற உதடழகு..
ஆளாகி நீ அழகு
அலை பாயும் கண்ணழகு
அணிந்திருக்கும் ஆடை அழகு
அன்பு கொண்ட நெஞ்சம் அழகு..
மூவாறு வயதழகு
மூக்கின் மேல் கோபம் அழகு
இரண்டெழுத்து பெயரழகு
உன் இதயத்து காதல் அழகு..