umakarthick
07-05-2007, 08:12 AM
ஒரு ஊரில் நான்....
பட்டுக்கோட்டை பிரபாகர்
இருட்டு. ஒரே இருட்டு. கறுப்புதான் சக்தியா? அதுதானே எல்லா வர்ணங்களையும் விழுங்குகிறது? கறுப்புக் கோட்டு வக்கீல்கள் அனைத்து திசைகளிலும் அலைந்துகொண்டு இருக்கிறார்கள். சிலர் கைகளில் மட்டும் தராசு. கண் கட்டிய நீதி தேவதைகளின் கைகளில் தராசைக் காணவில்லை.
காணவில்லை. உயரம் ஐந்தடி நான்கு அங்குலம். மாநிறம். நீளமான கூந்தல். அதில் கேசவர்த்தினி வாசத்தோடு கொஞ்சம் மல்லிகை வாசமும், கொஞ்சமே கொஞ்சமாக மென்த்தால் சிகரெட் வாசம். அய்யய்யோ, நான் பிடிப்பது கோல்ட் ஃபிளேக் கிங்ஸ் லைட்ஸ் அல்லவா? ஆவேசமாக விரல்கள் அளைந்தபோது, ஹேர்பின் கீறி சின்ன கோடு. மெல்லிசாய் ரத்தம்.
ரத்தம். பி பாசிட்டிவ். ரெண்டு பாட்டில் போதுமா டாக்டர்? | போதும். அலர்ஜி எதுவும் இருக்கா? | ஆமாம் | என்ன? | ரத்தத்தைப் பார்த்தா மயக்கம் போட்ருவார்! | நான் கேட்டது அந்த அலர்ஜி இல்லை. ஃபர்கெட் இட்! | திட்டுத் திட்டாக, தீவுத் தீவாக, உருகி ஓய்ந்த மெழுகுத் திப்பிகளாக... அய்யோ, எவ்வளவு ரத்தம்! சரி, எங்கே மீசை?
மீசை. பாரதியார். ஹிட்லர். வீரப்பன். மீசை கம்பீரமா? எனில், கிரண் பேடிக்குக் கம்பீரம் இல்லையா? கலாமுக்கு இல்லாத கம்பீரமா? பென்சில் கோடு மீசை முதலில்.அப்புறம், நாடகத்தில் மை மீசை. நீர்தான் ஜாக்சன்துரை என்பவரோ? | துடிக்கிறது மீசை. அதை அடக்கு அடக்கு என்று... | ஆனால், அடக்க முடியாமல் வரு கிறதே! சில சமயம் சாலை ஓரங்களில்... சில சமயம் டவுசரில்! இப்போது பெட் பேனில். உங்க மீசை ரொம்ப அழகா இருக்குங்க! | நினைத்தாலே இனிக்கும்ல ரஜினிகாந்த் மாதிரி எடுத்துத் தனியா குடுத்துடட்டுமா? ஆனால், அவனுக்கு மீசை இல்லையே? பின் எப்படி?
எப்படி? டைப்ரைட் டிங் கற்றுக் கொள்வது எப்படி? கிதார் வாசிப்பது எப்படி? சமைஞ்சது எப்படி? ஏன், எதற்கு, எப்படி? காதலிப்பது எப்படி? முத்தம் கொடுப்பது எப்படி? துரோகம் செய்வது எப்படி? என்னது புதுசா லிப்ஸ்டிக்? நீ போட மாட்டியே? | இந்த ஷாம்பு வாங்கினா, இந்த லிப்ஸ்டிக் இலவசம்!
இலவசம். சோப்பு வாங்கினால் சீப்பு. புத்தகம் வாங்கினால் தகடு. காதல் வாங்கினால் கல்யாணம். கணவன் வாங்கினால் காதலனா? கண்ணன் என் காதலன். ஷங்கரின் காதலன். வெர்ஜின் டெஸ்ட் பண்ணுங்க டாக்டர் கற்புச் சோதனை கன்னிக்கே அபத்தம். மனைவிக்கெப்படி? கண்ணாடி போட்ட டாக்டரம்மா கையில் உறை மாட்டுகிறாள். இப்படிப் படுத்துக்கம்மா.
படுத்துக்கம்மா! இல்லை, படுத்துக்கடி! இல்லை, படுத்துக்க டார்லிங்! முதலில் சேலை. கோ|ஆப்டெக்ஸில் பண்டிகை காலத் தள்ளுபடி. சிவப்பு கலரு ஜிங்குச்சா. பச்சைக் கலரு ஜிங்குச்சா. சேலையிலே வீடு கட்டவா? சின்ன வீடா? கடன்காரன் | கடன்காரி. திருடன் | திருடி. கள்ளன் | கள்ளி. சின்ன வீட்டுக்கு ஆண் பால் என்ன?
என்ன? என்னயோசனை? இந்த சேலை ஏதுன்னு கேட்டேன்? | அதான் சொன்னேனே, ஆபீஸ்ல தவணைல வாங்கினேன்னு! | எப்ப சொன்னே? | உங்களுக்கு ஞாபக மறதி!
மறதி! யாருக்கு மறதி? பன்னிரண்டு வயசில், எதிர்வீட்டு வாசலில், குனிந்து கோலம் போட்டுக்கொண்டு இருந்த ரத்னாக்காவை அங்கே பார்த்து, சீ! தப்பு என்று சாமிக்கு முன் கன்னத்தில் போட்டுக்கொண்டது மறக்கவில்லையே! அப்புறம்... சினிமா சரோஜாதேவி. புத்தக சரோஜாதேவி. எதிர்வீட்டு சரோஜாதேவி. சைக்கிள். லூனா. பஜாஜ் சேடக், பென்சில் மீசை. பக்கா மீசை. கிருதா. ஜீன்ஸ். காலேஜ். சிகரெட். பியர். வேண்டாண்டா! | சீ! இதுல ஒண்ணும் தப்பு இல்ல. சும்மா வாடா! | நாளைக்கு நம்ம பொண்டாட்டியை மட்டும் சுத்தமா எதிர்பார்க்கலாமா? | டேய்... அப்படில்லாம் எதிர்பார்க்காதே. ஏமாந்துடுவே! | சிரிக்கிறான்.
சிரிக்கிறான். சிரிக்கிறார்கள். ஹாஹ்ஹா... ஹாஹ்ஹா... தெற்றுப் பல்லுடன், தங்கப் பல்லுடன், கோணல் பல்லுடன்... அடச் சீ! சிரிக்காதீர்கள்! இது ஆஸ்பிடல்! நோயாளிகள் உறங்குகிறார்கள். வாந்தி எடுக்கிறார்கள். இருமுகிறார்கள். ஊசி போட்டுக் கொள்கிறார்கள். கர்ப்பம் கலைத்துக் கொள்கிறார்கள். கர்ப்பம் கலைத்து... கொல்கிறார்கள். கொலை!
கொலை. நம்பிக்கை மீது டுமீல்! இது சைலன்ஸர் பொருத்தின துப்பாக்கி. குண்டு துப்பும். புகை வரும். துளைக்கும். ரத்தம் வரும். உயிர் துடிக்கும். மாத்திரை சாப்பிட்டால் சரியாகிவிடும். வட்ட வட்ட மாத்திரைகள்... தோட்டா மாதிரி! என்ன மாத்திரை இது? எதுக்குச் சாப்பிடறே? | விட்டமின். அனீமிக்கா இருக்கேன்ல? | சரி! எதுக்கு உறை கிழிச்சு பாட்டில்ல போட்டு சீரகம், சோம்பு மாதிரி கிச்சன்ல வெச்சிருக்கே? | ஒவ்வொரு தடவையும் உறை கிழிக்கச் சோம்பேறித் தனம்! எல்லாக் கேள்விகளுக்கும் பதில் மாத்திரைகள். செரிமானம் ஆகாத மாத்திரைகள். கசக்கும். துப்பு!
துப்பு. துப்பறி! துப்பறியும் சாம்பு. சங்கர்லால். கணேஷ்& வசந்த். அலமாரிகளில் தேடு. புடவை மடிப்புகளில். நகைப் பெட்டிகளின் வெல்வெட்டுக்கு அடியில். துண்டுச் சீட்டு. ஞாயிறு காலை பத்து மணி. ஆட்டீன். ஆட்டீன். அம்பு துளைத்த ஆட்டீன். முதுகில் அம்பறாத்தூணியோடு வேடன் வருகை. புள்ளி மான்கள் சிதறி ஓடுகின்றன. நீ ஏன் ஓடவில்லை கண்ணே?
கண்ணே பட்டுவிடும். திருஷ்டிப் பொட்டு வைத்துக் கொள்! கல்யாண ரிசப்ஷனில் மட்டுமல்ல, தினம் தினம்! மெல்லிசை. நூறாண்டு காலம் வாழ்க! யாரோடு? நோய் நொடி இல்லாமல் வளர்க! அதெப்படி நோய் வராமல் போகும்? பார்சலில் சுற்றின பரிசுகள். டேய், நீ ரொம்ப அதிர்ஷ்டக்காரண்டா! உன் வொய்ஃப் ரொம்ப அழகு! பாராட்டுக்கள். நெஜம்மாவா? தோல் அழகா, சுளை அழகா? குணம்?
குணம்? யாருக்கு வேண்டும் குணம்? போதும் என்ற மனமே பொன் செய்யும் மருந்து. மாதா மாதம் பணம் போதும். தீபாவளிக்குப் புடவை போதும். சம்மருக்கு ஊட்டி போதும். போனஸ் வந்தால் வளையல் போதும். போதாக் குறைதான் என்ன? காவியத்தில் என்றால், மாசறு பொன்னே எனலாம். வலம்புரி சங்கே எனலாம். கொஞ்சல்! கொஞ்சும் தமிழ்! வாழ்க தமிழ்! ஒழிக இந்தி!
இந்தி மேல் தார் பூசுகிறார்கள். கோஷம் போடுகிறார்கள். கைதாகிறார்கள். ஆராதனா, பாபி, ஹம் ஆப்கே... நமஸ்தே! தூர்தர்ஷன். இந்திப் பிரசார சபா. ஏக் காவ் மே ஏக் கிஸான் ரஹ்தாதா! ரகு தாத்தா இல்ல, ரஹ்தாதா! இப்ப எதுக்கு இந்தி படிக்கணும்? | ஒருவேளை நார்த்ல டிரான்ஸ்ஃபர் போட்டா? | இப்பவே ஆறு மணிக்கு வர்றே. இன்னும் லேட்டாகுமே? | அதுக்கு என்ன பண்றது? மீசை இல்லாத இந்தி மாஸ்டர். இந்திப் புத்தகத்துக்குள் அவன் போட்டோவும் இலவச இணைப்பா? அச்சா! அச்சா! சே! ஒரு அபிமானம்ங்க. தொட்டதுக்கெல்லாம் சந்தேகமா! | தொடறானான்னுதான் சந்தேகம்! | இப்ப என்ன, தீக்குளிக்கணுமா? | வேணாம். சோப்பு போட்டுக் குளி. சிகரெட் வாசனை! | அது உங்களால! | நான் மென்த்தால் சிகரெட் பிடிக்கிறதில்லை! | அம்மா வீட்டுக்குப் போயிடவா? | அங்கேர்ந்து அவன் வீடு கிட்டேயா? நம்புங்க ப்ளீஸ்! | வேற வழி? இன்னும் கண்ணால் பார்க்கலையே!
பார்க்கலையே! பார்த்தால் மட்டும் பசி தீருமா? தீராது. ஆத்திரப் பசி தீராது. பார்த்தாலே பரவசம் வராது. ஆத்திரம்தான் வரும். அவமானம் வரும். உடல்கள். சதைகள். வியர்வைகள். ஓசைகள். சமுத்திரம். கோயில் மணி. டெலிபோன். வயலின். சிற்றோடை. கொலுசு. கொசு. மின் விசிறி. பேருந்து. ரயில். ஏரோப்ளேன். கப்பல். கார். ஹாரன். டேய் சைக்கிள், ஒதுங்குடா! டேய்! டேய்! ரத்தம்! திட்டுத் திட்டாய். தீவுத் தீவாய். சிவப்புக் கொண்டையுடன் ஆம்புலன்ஸ். மஞ்சள். சிவப்பு. பச்சை. பச்சை பெயின்ட். பச்சை திரைச் சீலைகள். எப்படி ஆச்சும்மா? | வேகமா ஓட்டுவாரு. சொன்னாலும் கேக்கறதில்லை டாக்டர்! | ஆபரேஷன் தியேட்டர்ல மயக்க மருந்து கொடுத்தப்ப, ஏதாச்சும் பேசுங்கன்னதுக்குக் கெட்ட கெட்ட வார்த்தையா சொன்னாரும்மா! அப்படி என்ன கோபம்? | டாக்டர், எப்ப கண்ணைத் தொறப்பார்? | மயக்கம் தெளிஞ்சதும்! | இந்த ஆஸ்பத்திரி பத்திக் கேள்விப்பட்டுதான் இங்க வந்து சேர்த்தேன். கொஞ்சம் தனியா பேசலாமா? | பரவால்ல, சொல்லுங்க மேடம்! | டார்ச்சர் தாங்கலை. ஏதாச்சும் ஊசி கீசி போட்டு... ஒரு லட்சம் ஆனாலும் சரி! | நான்சென்ஸ்! என்ன நினைச்சீங்க? | ஸ... ஸாரி! | என்ன ஸாரி... ஒரு லட்சம் ரொம்பக் கம்மி! | பயந்தே போனேன்! கடவுளே!
கடவுளே! கழுத்தில் நெளிவது பாம்பா? இல்லை. ஸ்டெதாஸ்கோப். ஒரு சின்ன இஞ்செக்ஷன். தூக்கத் துக்கு! | நோ! | பயப்படக்கூடாது! | நோ!! | சரியாப் போயிடும்! புன்னகையோடு அவள். சுருக்! சுருக்கெழுத்து. கையெழுத்து. தலை எழுத்து. எழுத்தில் புள்ளி. புள்ளியில் கறுப்பு. கறுப்பு பரவிப் பரவி... இருட்டு!
பட்டுக்கோட்டை பிரபாகர்
இருட்டு. ஒரே இருட்டு. கறுப்புதான் சக்தியா? அதுதானே எல்லா வர்ணங்களையும் விழுங்குகிறது? கறுப்புக் கோட்டு வக்கீல்கள் அனைத்து திசைகளிலும் அலைந்துகொண்டு இருக்கிறார்கள். சிலர் கைகளில் மட்டும் தராசு. கண் கட்டிய நீதி தேவதைகளின் கைகளில் தராசைக் காணவில்லை.
காணவில்லை. உயரம் ஐந்தடி நான்கு அங்குலம். மாநிறம். நீளமான கூந்தல். அதில் கேசவர்த்தினி வாசத்தோடு கொஞ்சம் மல்லிகை வாசமும், கொஞ்சமே கொஞ்சமாக மென்த்தால் சிகரெட் வாசம். அய்யய்யோ, நான் பிடிப்பது கோல்ட் ஃபிளேக் கிங்ஸ் லைட்ஸ் அல்லவா? ஆவேசமாக விரல்கள் அளைந்தபோது, ஹேர்பின் கீறி சின்ன கோடு. மெல்லிசாய் ரத்தம்.
ரத்தம். பி பாசிட்டிவ். ரெண்டு பாட்டில் போதுமா டாக்டர்? | போதும். அலர்ஜி எதுவும் இருக்கா? | ஆமாம் | என்ன? | ரத்தத்தைப் பார்த்தா மயக்கம் போட்ருவார்! | நான் கேட்டது அந்த அலர்ஜி இல்லை. ஃபர்கெட் இட்! | திட்டுத் திட்டாக, தீவுத் தீவாக, உருகி ஓய்ந்த மெழுகுத் திப்பிகளாக... அய்யோ, எவ்வளவு ரத்தம்! சரி, எங்கே மீசை?
மீசை. பாரதியார். ஹிட்லர். வீரப்பன். மீசை கம்பீரமா? எனில், கிரண் பேடிக்குக் கம்பீரம் இல்லையா? கலாமுக்கு இல்லாத கம்பீரமா? பென்சில் கோடு மீசை முதலில்.அப்புறம், நாடகத்தில் மை மீசை. நீர்தான் ஜாக்சன்துரை என்பவரோ? | துடிக்கிறது மீசை. அதை அடக்கு அடக்கு என்று... | ஆனால், அடக்க முடியாமல் வரு கிறதே! சில சமயம் சாலை ஓரங்களில்... சில சமயம் டவுசரில்! இப்போது பெட் பேனில். உங்க மீசை ரொம்ப அழகா இருக்குங்க! | நினைத்தாலே இனிக்கும்ல ரஜினிகாந்த் மாதிரி எடுத்துத் தனியா குடுத்துடட்டுமா? ஆனால், அவனுக்கு மீசை இல்லையே? பின் எப்படி?
எப்படி? டைப்ரைட் டிங் கற்றுக் கொள்வது எப்படி? கிதார் வாசிப்பது எப்படி? சமைஞ்சது எப்படி? ஏன், எதற்கு, எப்படி? காதலிப்பது எப்படி? முத்தம் கொடுப்பது எப்படி? துரோகம் செய்வது எப்படி? என்னது புதுசா லிப்ஸ்டிக்? நீ போட மாட்டியே? | இந்த ஷாம்பு வாங்கினா, இந்த லிப்ஸ்டிக் இலவசம்!
இலவசம். சோப்பு வாங்கினால் சீப்பு. புத்தகம் வாங்கினால் தகடு. காதல் வாங்கினால் கல்யாணம். கணவன் வாங்கினால் காதலனா? கண்ணன் என் காதலன். ஷங்கரின் காதலன். வெர்ஜின் டெஸ்ட் பண்ணுங்க டாக்டர் கற்புச் சோதனை கன்னிக்கே அபத்தம். மனைவிக்கெப்படி? கண்ணாடி போட்ட டாக்டரம்மா கையில் உறை மாட்டுகிறாள். இப்படிப் படுத்துக்கம்மா.
படுத்துக்கம்மா! இல்லை, படுத்துக்கடி! இல்லை, படுத்துக்க டார்லிங்! முதலில் சேலை. கோ|ஆப்டெக்ஸில் பண்டிகை காலத் தள்ளுபடி. சிவப்பு கலரு ஜிங்குச்சா. பச்சைக் கலரு ஜிங்குச்சா. சேலையிலே வீடு கட்டவா? சின்ன வீடா? கடன்காரன் | கடன்காரி. திருடன் | திருடி. கள்ளன் | கள்ளி. சின்ன வீட்டுக்கு ஆண் பால் என்ன?
என்ன? என்னயோசனை? இந்த சேலை ஏதுன்னு கேட்டேன்? | அதான் சொன்னேனே, ஆபீஸ்ல தவணைல வாங்கினேன்னு! | எப்ப சொன்னே? | உங்களுக்கு ஞாபக மறதி!
மறதி! யாருக்கு மறதி? பன்னிரண்டு வயசில், எதிர்வீட்டு வாசலில், குனிந்து கோலம் போட்டுக்கொண்டு இருந்த ரத்னாக்காவை அங்கே பார்த்து, சீ! தப்பு என்று சாமிக்கு முன் கன்னத்தில் போட்டுக்கொண்டது மறக்கவில்லையே! அப்புறம்... சினிமா சரோஜாதேவி. புத்தக சரோஜாதேவி. எதிர்வீட்டு சரோஜாதேவி. சைக்கிள். லூனா. பஜாஜ் சேடக், பென்சில் மீசை. பக்கா மீசை. கிருதா. ஜீன்ஸ். காலேஜ். சிகரெட். பியர். வேண்டாண்டா! | சீ! இதுல ஒண்ணும் தப்பு இல்ல. சும்மா வாடா! | நாளைக்கு நம்ம பொண்டாட்டியை மட்டும் சுத்தமா எதிர்பார்க்கலாமா? | டேய்... அப்படில்லாம் எதிர்பார்க்காதே. ஏமாந்துடுவே! | சிரிக்கிறான்.
சிரிக்கிறான். சிரிக்கிறார்கள். ஹாஹ்ஹா... ஹாஹ்ஹா... தெற்றுப் பல்லுடன், தங்கப் பல்லுடன், கோணல் பல்லுடன்... அடச் சீ! சிரிக்காதீர்கள்! இது ஆஸ்பிடல்! நோயாளிகள் உறங்குகிறார்கள். வாந்தி எடுக்கிறார்கள். இருமுகிறார்கள். ஊசி போட்டுக் கொள்கிறார்கள். கர்ப்பம் கலைத்துக் கொள்கிறார்கள். கர்ப்பம் கலைத்து... கொல்கிறார்கள். கொலை!
கொலை. நம்பிக்கை மீது டுமீல்! இது சைலன்ஸர் பொருத்தின துப்பாக்கி. குண்டு துப்பும். புகை வரும். துளைக்கும். ரத்தம் வரும். உயிர் துடிக்கும். மாத்திரை சாப்பிட்டால் சரியாகிவிடும். வட்ட வட்ட மாத்திரைகள்... தோட்டா மாதிரி! என்ன மாத்திரை இது? எதுக்குச் சாப்பிடறே? | விட்டமின். அனீமிக்கா இருக்கேன்ல? | சரி! எதுக்கு உறை கிழிச்சு பாட்டில்ல போட்டு சீரகம், சோம்பு மாதிரி கிச்சன்ல வெச்சிருக்கே? | ஒவ்வொரு தடவையும் உறை கிழிக்கச் சோம்பேறித் தனம்! எல்லாக் கேள்விகளுக்கும் பதில் மாத்திரைகள். செரிமானம் ஆகாத மாத்திரைகள். கசக்கும். துப்பு!
துப்பு. துப்பறி! துப்பறியும் சாம்பு. சங்கர்லால். கணேஷ்& வசந்த். அலமாரிகளில் தேடு. புடவை மடிப்புகளில். நகைப் பெட்டிகளின் வெல்வெட்டுக்கு அடியில். துண்டுச் சீட்டு. ஞாயிறு காலை பத்து மணி. ஆட்டீன். ஆட்டீன். அம்பு துளைத்த ஆட்டீன். முதுகில் அம்பறாத்தூணியோடு வேடன் வருகை. புள்ளி மான்கள் சிதறி ஓடுகின்றன. நீ ஏன் ஓடவில்லை கண்ணே?
கண்ணே பட்டுவிடும். திருஷ்டிப் பொட்டு வைத்துக் கொள்! கல்யாண ரிசப்ஷனில் மட்டுமல்ல, தினம் தினம்! மெல்லிசை. நூறாண்டு காலம் வாழ்க! யாரோடு? நோய் நொடி இல்லாமல் வளர்க! அதெப்படி நோய் வராமல் போகும்? பார்சலில் சுற்றின பரிசுகள். டேய், நீ ரொம்ப அதிர்ஷ்டக்காரண்டா! உன் வொய்ஃப் ரொம்ப அழகு! பாராட்டுக்கள். நெஜம்மாவா? தோல் அழகா, சுளை அழகா? குணம்?
குணம்? யாருக்கு வேண்டும் குணம்? போதும் என்ற மனமே பொன் செய்யும் மருந்து. மாதா மாதம் பணம் போதும். தீபாவளிக்குப் புடவை போதும். சம்மருக்கு ஊட்டி போதும். போனஸ் வந்தால் வளையல் போதும். போதாக் குறைதான் என்ன? காவியத்தில் என்றால், மாசறு பொன்னே எனலாம். வலம்புரி சங்கே எனலாம். கொஞ்சல்! கொஞ்சும் தமிழ்! வாழ்க தமிழ்! ஒழிக இந்தி!
இந்தி மேல் தார் பூசுகிறார்கள். கோஷம் போடுகிறார்கள். கைதாகிறார்கள். ஆராதனா, பாபி, ஹம் ஆப்கே... நமஸ்தே! தூர்தர்ஷன். இந்திப் பிரசார சபா. ஏக் காவ் மே ஏக் கிஸான் ரஹ்தாதா! ரகு தாத்தா இல்ல, ரஹ்தாதா! இப்ப எதுக்கு இந்தி படிக்கணும்? | ஒருவேளை நார்த்ல டிரான்ஸ்ஃபர் போட்டா? | இப்பவே ஆறு மணிக்கு வர்றே. இன்னும் லேட்டாகுமே? | அதுக்கு என்ன பண்றது? மீசை இல்லாத இந்தி மாஸ்டர். இந்திப் புத்தகத்துக்குள் அவன் போட்டோவும் இலவச இணைப்பா? அச்சா! அச்சா! சே! ஒரு அபிமானம்ங்க. தொட்டதுக்கெல்லாம் சந்தேகமா! | தொடறானான்னுதான் சந்தேகம்! | இப்ப என்ன, தீக்குளிக்கணுமா? | வேணாம். சோப்பு போட்டுக் குளி. சிகரெட் வாசனை! | அது உங்களால! | நான் மென்த்தால் சிகரெட் பிடிக்கிறதில்லை! | அம்மா வீட்டுக்குப் போயிடவா? | அங்கேர்ந்து அவன் வீடு கிட்டேயா? நம்புங்க ப்ளீஸ்! | வேற வழி? இன்னும் கண்ணால் பார்க்கலையே!
பார்க்கலையே! பார்த்தால் மட்டும் பசி தீருமா? தீராது. ஆத்திரப் பசி தீராது. பார்த்தாலே பரவசம் வராது. ஆத்திரம்தான் வரும். அவமானம் வரும். உடல்கள். சதைகள். வியர்வைகள். ஓசைகள். சமுத்திரம். கோயில் மணி. டெலிபோன். வயலின். சிற்றோடை. கொலுசு. கொசு. மின் விசிறி. பேருந்து. ரயில். ஏரோப்ளேன். கப்பல். கார். ஹாரன். டேய் சைக்கிள், ஒதுங்குடா! டேய்! டேய்! ரத்தம்! திட்டுத் திட்டாய். தீவுத் தீவாய். சிவப்புக் கொண்டையுடன் ஆம்புலன்ஸ். மஞ்சள். சிவப்பு. பச்சை. பச்சை பெயின்ட். பச்சை திரைச் சீலைகள். எப்படி ஆச்சும்மா? | வேகமா ஓட்டுவாரு. சொன்னாலும் கேக்கறதில்லை டாக்டர்! | ஆபரேஷன் தியேட்டர்ல மயக்க மருந்து கொடுத்தப்ப, ஏதாச்சும் பேசுங்கன்னதுக்குக் கெட்ட கெட்ட வார்த்தையா சொன்னாரும்மா! அப்படி என்ன கோபம்? | டாக்டர், எப்ப கண்ணைத் தொறப்பார்? | மயக்கம் தெளிஞ்சதும்! | இந்த ஆஸ்பத்திரி பத்திக் கேள்விப்பட்டுதான் இங்க வந்து சேர்த்தேன். கொஞ்சம் தனியா பேசலாமா? | பரவால்ல, சொல்லுங்க மேடம்! | டார்ச்சர் தாங்கலை. ஏதாச்சும் ஊசி கீசி போட்டு... ஒரு லட்சம் ஆனாலும் சரி! | நான்சென்ஸ்! என்ன நினைச்சீங்க? | ஸ... ஸாரி! | என்ன ஸாரி... ஒரு லட்சம் ரொம்பக் கம்மி! | பயந்தே போனேன்! கடவுளே!
கடவுளே! கழுத்தில் நெளிவது பாம்பா? இல்லை. ஸ்டெதாஸ்கோப். ஒரு சின்ன இஞ்செக்ஷன். தூக்கத் துக்கு! | நோ! | பயப்படக்கூடாது! | நோ!! | சரியாப் போயிடும்! புன்னகையோடு அவள். சுருக்! சுருக்கெழுத்து. கையெழுத்து. தலை எழுத்து. எழுத்தில் புள்ளி. புள்ளியில் கறுப்பு. கறுப்பு பரவிப் பரவி... இருட்டு!