காதல்

[சக்தி]

காதல்
அது
இரு உள்ளங்களின்
உரசல்
கண்டதென்னவோ
அவள்
விழிகள்
அதில்
விண்டதென்னவோ
என் இதயம்.

[சுட்டிபையன்]

உங்கள் ஆரம்பக் கவிதை அழகாய் உள்ளது மென்மேலும் பல கவிதைகள் எழுத வாழ்த்துக்கள்

[ஷீ-நிசி]

நல்லதொரு காதல் கவிதை நண்பரே! வாழ்த்துக்கள்... விண்டதென்னவோ என்பதின் பொருள் என்னவென்று கொஞ்சம் விளக்குங்கள் நண்பரே!

[அக்னி]

ரோஜாவின் நறுமணம் கவிதைத் தளத்திலிருந்து கமழத் தொடங்கிவிட்டது...

தொடருங்கள்...

விண்டதென்னவோ என்பது, சிதறிப்போன, உடைந்துபோன என்ற பொருள்கள் தரக்கூடியது.

[சக்தி]

விண்டதென்னவோ என்றால் உடைந்தது என்று அர்த்தம்

[ஷீ-நிசி]

நன்றி நண்பர்களே!

[சக்தி]

உழைப்பும் விடாமுயட்சியும் எனது வெற்றியின் திறவுகோல்
அன்பும் அரவணைப்பும் எனது வெற்றியின் எணிப்படி.
என்றும் தங்களின் அன்பை நாடும்

[மயூ]

தொடர்ந்து எழுதுங்கள் நண்பரே!!! வாழ்த்துக்கள்!!!
சிறிய அருமையான கவிதை;

[ஓவியன்]

ஆகா ரோஜாவின் ஒரு பரிமானம் மன்றத்திலே பரவத் தொடங்கி விட்டது.

கவி ரோஜா, அதுவும் காதல் ரோஜா!

அருமையாக உள்ளது வாழ்த்துக்கள்.

[ஓவியா]

தூள் கவிதை. நன்றி.

விழிகளை காணாமல் காதால் வராதா!!!!!!

[சக்தி]

காதலின் துவக்கம் விழிகள் சந்தித்தல்.
விழிகள் பேசும் மொழிகள்
காதலர்களுக்கே உரியவை.
பொதுவாகவே
விழியின் மொழிக்கு
வலிமை அதிகம்
ஆனால்அதை
சரியாக
இடம்,பொருள்,ஏவல்
அறிந்து
பயன்படுத்த வேண்டும்.
இல்லையென்றால்
தரும அடிதான்.

[அரசன்]

காதலர்களுக்கே உரிய விழிமொழியை நானும் கற்றுக் கொள்ளலாமா?

[ஓவியன்]

ஆனால்அதை
சரியாக
இடம்,பொருள்,ஏவல்
அறிந்து
பயன்படுத்த வேண்டும்.
இல்லையென்றால்
தரும அடிதான்.

உண்மைதான் அனுபவித்து எங்களையும் அனுபவிக்க வைக்கிறீர்கள்!

நன்றிகள்!

[சக்தி]

கற்றுக்கொடுத்து வருவதல்ல
காதல் மொழிகள்
காதலியுங்கள்
தானாகவே
தங்களுக்கு வரும்
முயன்று பாருங்கள்
முடியாவிடில்
தெரிந்த
காதலர்களின்
உதவியை
நாடுங்கள்.
அதுவும் இல்லையெனில்
இமாலயம் சென்று விடுங்கள்.

பின்குறிப்பு:
சாமியார்கள் காதல் மொழியில் வால்லவர்கள் என்று கேள்விப்பட்டிருக்கிறேன்.

[ஆதவா]

பர்ஸ்ட் க்ளாஸ்....

அருமை ரோஜா!! அழகிய அர்த்தம்... உண்மையில் பிளவுபடுவது இதயம்தான்... கண்கள் என்ற கூரான ஆயுதத்தில்.... அருமை அருமை...

வாழ்த்துக்கள்.

[mravikumaar]

கவிதை அருமை

அன்புடன்
ரவி