PDA

View Full Version : நான் , யந்திரம்.....



Nanban
08-05-2003, 04:42 PM
அடிக்கடி நான்
தொலைந்து போவதாய்
குற்றச் சாட்டு.

நான் நானாக இருந்தால்
மட்டும் போதாது - என்னை
எடுத்துச் செல்லும்
யந்திரங்களும் இயங்க வேண்டும்.

நான் நானாக மட்டுமில்லை -
யந்திரமாகவும் தானிருக்கிறேன்.

இளசு
08-05-2003, 05:31 PM
என்ன நண்பரே....கணினி, மோடம், தொ(ல்)லைபேசியில் தொல்லைகளா?

அதனால் என்ன?
வரும்போதெல்லாம் பலமடங்கு பகிர்ந்து, படைத்து ஈடு செய்வதில்
உங்களுக்கு யார் ஈடு?

Nanban
08-05-2003, 05:41 PM
என்ன நண்பரே....கணினி, மோடம், தொ(ல்)லைபேசியில் தொல்லைகளா?



அது மட்டுமல்ல -

பயணிக்க வாகனங்கள்.....

பணி செய்ய துணை நிற்கும் யந்திரங்கள்.....

பொழுது போக்க வேண்டிய சாதனங்கள்.....

இப்படி பல -

rambal
11-05-2003, 10:54 AM
யந்திரங்களால் மனிதனுக்கு வர வர தொந்தரவுகள் தான் அதிகமாகிக் கொண்டிருக்கிறது.. இதைத்தான் ஆயபயனில் கோடிட்டேன்..
பாராட்டுக்கள் + வாழ்த்துக்கள்..

Nanban
11-05-2003, 10:59 AM
யந்திரங்கள் இல்லையென்றால் இன்று மனிதன் தன் அடையாளத்தையே இழந்து போக வேண்டியதிருக்கிறது. சக்தி மிக்க அவனது கைகள், மூளை எல்லாமே, நின்று போய்விடுகிறது - எந்திரங்கள் சுழலுவதை நிறுத்தும் பொழுது. எந்திரங்களால், வரலாறு போற்றும் புதிய நாகரீகங்களைப் பிறப்பிக்கவில்லை நாம். நாம் தோற்றுவித்த எந்திரங்களில் நாம் நம் சுதந்திரத்தை இழந்து புதைந்து கொண்டிருக்கிறோம் என்று தான் சொல்லவிழைந்தேன்.....