PDA

View Full Version : நானும் மழலைதான்!



gandhi
01-01-2007, 10:25 AM
தள்ளாடி நடந்தான் அவன்,
நானும் நடந்தேன்,
அவன் தானே நடக்கும்வரை.
கேள்விகள் கேட்டான் அவன்,
கனிவுடன் பதிலளித்தேன்,
அவன் தெரிந்துகொள்ளும் வரை.
வேண்டியவைகள் செய்தேன்,
அவன் வேண்டிக்கேட்காத முறையில்...
இவை அவன் மழலையின் காலம்...
இன்று நானும் மழலைதான்,
ஆம்..இரண்டாம் மழலைப்பருவத்தில் நான்.
தடுமாறும் கால்கள்,
திணறும் மொழிகள்,
திருந்தக்கேட்கா காதுகள்.
அவன் வெறுக்கிறான்
என் இரண்டாம் மழலையை.
நான் ரசிக்கிறேன்,
அவன் முதல் மழலை இன்னும் மாறாதிருப்பதை....

அன்புடன்,
காந்தி.

meera
01-01-2007, 02:19 PM
காந்தி,

இன்றைய முதியோரின் நிலையை அருமையாய் சொன்னீர்கள்.
என்று தணியும் இந்த ஏக்கம்.???

பாராட்டுகள் கவிதை அருமை.

ஷீ-நிசி
01-01-2007, 02:45 PM
நான் ரசிக்கிறேன்,
அவன் முதல் மழலை இன்னும் மாறாதிருப்பதை....


மிகவும் மதிக்கப்படவேண்டியவர்கள் நம் பெற்றோர்கள்....

கவிதையில் தாக்கம் தெரிகிறது

leomohan
01-01-2007, 04:03 PM
நாம் நடக்க முடியாமல் இருக்கும் போது நம் பெற்றோர்கள் நம் கைகளை பிடித்து அழைத்து செல்கின்றனர். ஆனால் அவர்களுக்கு தேவையான காலத்தில் நாம் வேலை, வியாபாரம் என்று அவர்களை விலகி சென்றுவிடுகிறோம். உருக்கமான கவிதை.

gandhi
02-01-2007, 03:37 AM
கருத்துக்கு நன்றி இனியவர்களே!

அன்புடன்,
காந்தி.