View Full Version : அய்யனார்
ப்ரியன்
28-08-2006, 08:56 AM
சென்ற வருட வறட்சிக்கே
ஊர் காலியானது தெரியாமல்
இன்னும்,
காவல் காத்துக் கொண்டிருக்கிறார்
ஊர் எல்லையில் அய்யனார்
- ப்ரியன்.
http://photos1.blogger.com/blogger/1063/749/1600/Ayyanaar.jpg
pradeepkt
28-08-2006, 10:55 AM
நம்பிக்கைதானேங்க தெய்வம்!!!
காத்திருக்கட்டும்... அய்யனார்னு ஒருத்தர் இருக்கும்போது ஊர் எப்படிங்க காலியாவும்???
ஓவியா
29-08-2006, 06:58 PM
நம்பிக்கைதானேங்க தெய்வம்!!!
காத்திருக்கட்டும்... அய்யனார்னு ஒருத்தர் இருக்கும்போது ஊர் எப்படிங்க காலியாவும்???
உண்மைதான் பிரதீப்
நம்பிக்கைதான் தெய்வம்!!!
சுழற்சியில் மீண்டும்
சொந்த ஊருக்கே மீண்டால்
அப்போதும் இருப்பார்
அதே அய்யனார்.
மீண்டும் ப்ரியனின் சமுதாயப் பார்வை..
பாராட்டுகள்.. தொடருங்கள் ப்ரியன்..
கண்மணி
02-09-2006, 05:06 PM
நம்பிக்கைதானேங்க தெய்வம்!!!
காத்திருக்கட்டும்... அய்யனார்னு ஒருத்தர் இருக்கும்போது ஊர் எப்படிங்க காலியாவும்???
லோகத்திலே எத்தனையோ பேர் இதே மாதிரி தானுங்கோ!
அய்யனாரை ஊர் எல்லையில் காக்க வெச்சுட்டு எந்தக் காதலி கடுக்கா கொடுத்தாளோ!!
gragavan
03-09-2006, 10:27 AM
போனோர் போனோரே
என்று நம்புகிறவர் நாம்
போனோர் வருவோரே
என்று நம்புகிறவர் ஐயனார்
அன்று திரும்புகையில்
காவல் வேண்டுமல்லவா!
ஐயனார் காத்திருக்கிறார்!
பென்ஸ்
11-09-2006, 01:55 PM
ப்ரியன்....
அல்வாவாய் காதல் கவிதைகளை வாசித்து திகட்டும் போது
காரா சீவலாய் உரைக்கும் இந்த சமுதாய கவிதைகள்...
இளசுவின் வார்த்தைகளை அமோதித்து....
பாராட்டுகளுடன் கூடிய நன்றியும்....
(இப்போது நீங்கள் கவிதை எழுதுவது குறைத்து வருவதாக ஒரு உணர்வு... அது சரியா???)