PDA

View Full Version : காதல்..காதல்..



poo
04-04-2003, 06:26 PM
நானும் நீயும் இணையாய்

இணைந்தெடுத்த நிழற்படங்கள்

எல்லாம் நிஜமானவைகளாய்..

உயிரில்லா அந்த உருவப்படங்கள்

உயிரோட்டத்தை உணர்த்தும்

உன்னத உணர்வை இன்றுவரை

இரவு உணவருந்துகையில்

அசைபோடும் அழகு.. அடடா அருமை!!



கடுஞ்சொல் என்ற கசப்பை

நம் அகராதியிலிருந்து

நீக்கிய நாள்- நீண்ட பயணம்

தொடங்கிய அந்த நிம்மதி பெருநாள்..

மகிழ்ந்த மணநாள்.. இன்று நினைத்தாலும்

இனிக்கிறது..



கணவன் - மனைவியென்ற

ஒரு பட்டம்தான் கொடுக்கப்பட்டது..

தோழன் - தோழி..

காதலன் - காதலி.. என பல பட்டங்களை

பலரால் சொல்லவைத்த பெருமை

யாரைச்சேரும்?!!



இத்தனை நாளும் இணைபிரியாதிருந்தோம்

இறப்பிலும் இணையத்தான் போகிறோம்..

உடலைவிட்டு உயிர் போனபின்

இருந்தென்ன பயன்?!!..



ஆமாம் நம்மில்

உடல் யார்...

உயிர் யார்??!!

இளசு
04-04-2003, 06:47 PM
நம்மில் உடல் யார் உயிர் யார்

உண்மை அன்பு கலந்தபின்னே மழை யார் நிலம் யார்

ஜீவன்களின் இழை பின்னி சிட்டு தந்த பட்டுத்துணி...

அழகு அருமை ..

rambal
05-04-2003, 11:42 AM
செம்புல கலந்த நீர் போல் இருக்கையில்

எப்படி பிரித்துக் காண்பது?

உடல் வேறு உயிர் வேறு என்பது எல்லாம் கடினம்..

பாராட்டுக்கள் காதல் கவியே..

Nanban
05-04-2003, 11:50 AM
கணவன் - மனைவியென்ற

ஒரு பட்டம்தான் கொடுக்கப்பட்டது..

தோழன் - தோழி..

காதலன் - காதலி.. என பல பட்டங்களை

பலரால் சொல்லவைத்த பெருமை

யாரைச்சேரும்?!!





கணவன், மனைவி என்ற

பந்தத்தினுள்

எல்லாமே அடக்கம்.....



காதலன், காதலி

தோழன், தோழி

என்ற ஆண், பெண்

இணை உறவுகளெல்லாம்

அதனுள்ளே தான் அடக்கம்.



தோழன், தோழி - முதல் நிலை

காதலன், காதலி - இடை நிலை

கணவன், மனைவி - முதுநிலை

anushajasmin
05-04-2003, 12:17 PM
அருமையான கவிதை... உடல் யார் உயிர் யார் என முடித்திருக்கும் விதம்

கவிதைக்கு அழகூட்டுகிறது

kavitha
10-01-2004, 05:51 AM
கொடுத்துவைத்தவளின் கொடுத்துவைத்தவர்!

govindh
09-03-2018, 10:24 AM
காதல்..காதல்..!

ஆமாம் நம்மில்
உடல் யார்...
உயிர் யார்??!!

நல்ல வினா...!
ஆம் - காதலில்... காத்தலில்...
விடையறியா...வினா..!