PDA

View Full Version : அக்கரை ஏக்கங்கள்



lavanya
20-04-2003, 12:30 AM
ஒரு நண்பர் அனுப்பிய மின் மடலிலிருந்து





* இங்கே

நிலமை வேறு .......!



* எங்காவது தமிழ்

எழுத்துப் பலகை

இருக்காதா.....?



* தேடித்தவித்திருக்கிறேன்

யாராவது தமிழ் பேச

மாட்டார்களா?



* வாய் பார்த்து

ஏமாந்திருக்கிறேன்...



* எங்காவது தமிழ்

பேசுவது கேட்டுவிட்டால்

என் அனுமதியில்லாமல்

நீண்டு கொள்ளும்

என் காது



* படிக்க செய்தித்தாள்கள்

தாமதமாய்த் தான் வரும்

இணைய செய்திகளுக்கும்

வழியில்லை - எனக்கு

கணினி இயக்க தெரியாததால்....



* தமிழ் தெரிந்தவர் எல்லாம்

சொந்தக்காரராக சொல்லும்

என் மனசு.....!



* எதிரியானாலும்

ஏளனமானாலும்

தன்மானம் கழட்டி வைத்து

தமிழ் கேட்டியிருக்கிறேன்



* வடமொழிப்பாட்டுக்களிடையே

தமிழ்பாட்டை மனதில்

வைத்து விசிலடித்துக்

கொண்டிருக்கிறேன்......



* வண்டிப்பதிவெண் பார்த்து

நிறுத்தி பேசி

சொந்தம் வளர்த்திருக்கிறேன்.....



* தமிழ் சோறு தேடியலைந்து

கண்டுபிடித்து

நண்பர்களை

அழைத்துப் போய்

மகிழ்ந்திருக்கிறேன்.....



* புரியாத மொழி கேட்டு

காது வறண்ட போது

இளையராஜாவையும்

ஜானகியையும்

நண்பர்களிடம் சொல்லி

ஒலி நாடாக்களாய்

நாடு கடத்தி

செவிக்கு இன்பம்

வளர்த்திருக்கிறேன்



* தொலைபேசி கட்டணம்

பார்த்து பாசத்தைப்

பங்கு போட்டபோது

பரிதவித்துப்போயிருக்கிறேன்.......



* நல்ல தமிழ் சாலை இல்லாத

துக்கங்களை தொண்டைவரை

வைத்து விக்கித்துப்

போயிருக்கிறேன்.........



* நான் ஆங்கிலத்தில் தான்

பேச வேண்டும் என

அறிவுறுத்திப் பேசுகிறார்கள்

நண்பர்கள்....



* அவர்களுக்கு என்ன தெரியும்

மூச்சுத் திணறியவன்

நானல்லவா......?



* எனக்கல்லவா தெரியும்

சுவாசத்தின் அருமை.....?

இளசு
20-04-2003, 12:46 AM
வட இந்தியா என்னும் வெளிநாட்டுக்குப் போய் அவதிப்படும்

உங்கள் நண்பரின் ஆதங்கம்.... அருமையாய் வெளிப்பட்டிருக்கிறது

மின்(கவிதை)மடலில்.

நீரில் மூழ்குபவனுக்கு மூச்சின் மேல் வரும் மூர்க்கக்காதல் போல்....

இல்லை என்று ஆகும்போது மொழிப்பற்றே வெறியாகிப்போகிறது....



பாராட்டுகள்.....

rambal
20-04-2003, 06:03 AM
நல்ல கவிதை..

தமிழகத்தை விட்டு வெளிவந்த

தமிழ்ப்பற்றுள்ள

அனைவரின் நிலமையும் இதுதான்..

அழகாய் சுட்டிக் காட்டியமைக்குப் பாராட்டுக்கள்..

poo
20-04-2003, 03:18 PM
தமிழனின் மானம் காத்த கவிதையை தந்துள்ளீர்..

நன்றி!!!!

puppy
08-01-2004, 06:03 PM
அடடா எந்த காலம் இது ? இப்போ தான் டிஷ்பகவான் எல்லா இடத்திலேயும் வந்துட்டாரே லாவ் ?

இளசு
10-01-2004, 08:30 AM
அடடா எந்த காலம் இது ? இப்போ தான் டிஷ்பகவான் எல்லா இடத்திலேயும் வந்துட்டாரே லாவ் ?

தேடுவது தமிழ்க்குளம்

டிஷ் எல்லாம் கானல்நீர்


மாமண்டூர் மோட்டலில் விருமாண்டி பாட்டு கேட்டால்..
மரத்தில் பறித்த காய்


இணையத்தில் இங்கிருந்து இறக்கிக் கேட்டால்
டின்னில் வந்த காய்..

Nanban
10-01-2004, 08:45 AM
அருமையான ஆதங்கங்கள்.... நிறைய தடவை.....இந்த ஏக்கங்களை அனுபவித்தும் இருக்கிறேன்...... நன்றி லாவண்யா.........