Nanban
11-04-2003, 01:40 PM
இருளே அஞ்சும் நிசப்தமான
பரப்பொன்றில்
மௌனத்தைக் கிழித்துக் கொண்டு
ஒரு மகாவெடிப்பின்
கரங்கள் நீண்டது எல்லையற்று.
இழுப்பும், இழுவையுமாய்,
விலகியும், விலக்கியும்,
உழன்றும், தெளிந்தும்
உருவங்களை
உருவாக்கியது சிதறியவை.
உஷ்ணமும், புகையும்
தூரதுரமாய் விநாடிக்குள்
விநாடியாய் வீசியெறியப்பட்ட,
ஒரு பிரளயத்தின் முடிவில்
காலமும், தொலைவும்
தேடியலைந்தது உறவை.
கோடிக் கோடி வருடங்களாய்
குளிர்ந்தும், இறுகியும்
பிடித்திழுக்கும் சக்தியும் கொண்டு
கோடுகளால் நிர்ணயிக்கப்படாத
எல்லை விரிவுகளில்
சுழன்று போகும் கோள்கள், எரிகற்கள்.
நட்சத்திரங்கள்
கண்ணடித்து கண்ணடித்து
சிரிக்கின்றன.
ஐன்ஸ்டைன் கண்ட
சார்பியல் வாக்கியத்தை
நானும் கண்டேன் -
கோடி வருடங்களுக்கு முன்,
காதலியே,
பிரபஞ்ச வெளியிலே
உன்னை நான் பார்த்த பொழுதிலே.
பரப்பொன்றில்
மௌனத்தைக் கிழித்துக் கொண்டு
ஒரு மகாவெடிப்பின்
கரங்கள் நீண்டது எல்லையற்று.
இழுப்பும், இழுவையுமாய்,
விலகியும், விலக்கியும்,
உழன்றும், தெளிந்தும்
உருவங்களை
உருவாக்கியது சிதறியவை.
உஷ்ணமும், புகையும்
தூரதுரமாய் விநாடிக்குள்
விநாடியாய் வீசியெறியப்பட்ட,
ஒரு பிரளயத்தின் முடிவில்
காலமும், தொலைவும்
தேடியலைந்தது உறவை.
கோடிக் கோடி வருடங்களாய்
குளிர்ந்தும், இறுகியும்
பிடித்திழுக்கும் சக்தியும் கொண்டு
கோடுகளால் நிர்ணயிக்கப்படாத
எல்லை விரிவுகளில்
சுழன்று போகும் கோள்கள், எரிகற்கள்.
நட்சத்திரங்கள்
கண்ணடித்து கண்ணடித்து
சிரிக்கின்றன.
ஐன்ஸ்டைன் கண்ட
சார்பியல் வாக்கியத்தை
நானும் கண்டேன் -
கோடி வருடங்களுக்கு முன்,
காதலியே,
பிரபஞ்ச வெளியிலே
உன்னை நான் பார்த்த பொழுதிலே.