PDA

View Full Version : யாதுமானவளே...



poo
02-06-2016, 03:49 AM
இனக்கவர்ச்சி கவசமில்லை…
வசமாகிப் போனாய்…..
உடல் மொழி ஈர்ப்பில்லை…
ஈரமழையில் நனைத்தாய்…
விழிகள் உரையாடியதில்லை…
வழியெல்லாம் தேடினாய்…
விரல்கள் விளையாடியதில்லை
வழிகாட்டியாய் நின்றாய்...
உதடுகள் உறவாடியதில்லை…
உன்னையே எனதாக்கினாய்..….
என்னில்
எவையுன்னை இழுத்ததென பிடிபடும் முன்னே…
யாதுமாகி நிற்கிறாய் என் பின்னே..
உயிரோடு கலந்துவிட்டவளே….நான்
உனக்குமாய் சுவாசிக்கவில்லை...
உன்னையே சுவாசிக்கிறேன் …

இன்சொல் சொல்லாவிடினும்
செல்லமேயென சிலாகிக்கிறாய்..…
தோள்தராவிடினும்
ஆல் சாய்ந்து ஆசுவாசமாகிறாய்…
கரம்பற்றாவிடினும் கண்ணடித்து ரசிக்கிறாய்..
என்னவளே… யெனக்காக யெல்லாமுமாகியவளே…
என்செய்யப் போகிறேன் உனக்கென.….உள்ளமெங்கும்
இன்பவதமென் வாழ்வில் உன் வரவு….

ஆதவா
02-06-2016, 06:13 AM
செம...
நல்லதொரு ஆரம்பம். !!

தாமரை
02-06-2016, 12:18 PM
எல்லாம் அவளான பின்
எது இங்கே
ஏங்குகிறது?

ஓவியன்
04-06-2016, 06:14 PM
யாதுமாகி உங்கள் சுவாசமான பூக்களின் பாசம் பல்கிப் பெருகட்டும் பூ அண்ணலே!

lenram80
07-10-2016, 07:03 PM
விழிகள் உரையாடியதில்லை…
வழியெல்லாம் தேடினாய்…

கண் முன்னே நீ இல்லை - ஆனால்
காட்சி எல்லாம் நீயாய்!



உதடுகள் உறவாடியதில்லை…
உன்னையே எனதாக்கினாய்..….

அமைதியாய் அருகில் நீ !
அனை உடைத்த ஆறாய் நான்!





இன்சொல் சொல்லாவிடினும்
செல்லமேயென சிலாகிக்கிறாய்..…

உன் சின்ன சினுங்கல்!
செவி சிலிர்க்கும் சிம்பொனியாய் எனக்கு!