PDA

View Full Version : ரமணி ஹைக்கூ



ரமணி
03-11-2015, 02:11 PM
ரமணி ஹைக்கூ
03/11/2015

1.
ஓவியக் கண்காட்சி
அகலும் விழிகள் நடுவே
கறுப்புக் கண்ணாடி

2.
அடைமழை அழிக்கதவு
ஓசையுடன் தாழ்ப்பாள் திறந்தார்
காற்றில் குழந்தையின் முகம்

3.
விண்வெளியில் பம்பரம்
சாட்டை எது? அப்பா ஆய்வு
மகன் கையில் பட்டம்

*****

ரமணி
04-11-2015, 01:25 PM
4.
தோட்டத்தின் இருளில்
குழந்தை கையில் கண்ணாடி
சிரித்தது குழந்தை நிலா

5.
திருவிழாக் கரகாட்டம்
பொய்க்கால் குதிரைமேல் உட்காரக்
குழந்தை பிடிவாதம்

*****

ரமணி
05-11-2015, 12:14 PM
6.
’கைலென்ன சொல்லு?’
குழந்தை முதுகின்பின் கைகள்
பார்த்தால் அந்துருண்டை!

7.
ஒலியற்ற இரவு
உள்முக சாதனை முயல்வில் நான்
சிள்வண்டின் அபஸ்வரம்

*****

ரமணி
06-11-2015, 02:38 AM
8.
அப்பா பெருச்சாளி!
திடுக்கிட்டு விளக்கைப் போட்டேன்
ஜன்னலில் ரசித்தே மகன்

04/11/2015
9.
மழைத்துளி மாவிலை நுனி
சின்னத் துளி வண்ணம் வான்வில்
சிறைப்பட்டது ஓர் மலை

*****

ravisekar
06-11-2015, 01:11 PM
பல வித காட்சிகள். பல வித மன பிம்பங்கள். இலைநுனி நீர்த்துளியில் சிறைப்பட்ட மலை போல். தொடருங்கள். பாராட்டுக்கள் ரமணி.

ரமணி
08-11-2015, 02:03 PM
05/11/2015
11.
அலையற்ற வானம்
இறகே துடுப்பாய் ஓர் படகு
நிலத்தில் கண். கழுகு!

12.
அடை மழை. பேய்க்காற்று.
மாலை. மின்வெட்டு. கம்பியில்
காக்கை இரண்டு தவம்.

*****

ரமணி
10-11-2015, 04:13 AM
06/11/2015
13.
நெகிழி மலர்க்கொத்து
மேசை மேலே குடுவையில்
பூவண்டு தேடும்

14.
சுட்டெரிக்கும் வெய்யில்
சுவரோரம் வண்டி ஓய்வு
காளை வாயில் நுரை

*****

ரமணி
10-11-2015, 12:08 PM
15.
கட்டாந்தரையில் கொக்கு
ஆழக் கொத்தி எடுப்பது எது?
எரிவாயு எண்ணெய்

08/11/2015
16.
எறும்புக்கு இட்டாள்
வாசல் அரிசி மாக்கோலம்
தின்றது காக்கை அணில்

*****

ரமணி
11-11-2015, 01:33 PM
17.
இருளில் ஒளிவெள்ளம்
சாலை மரங்கள் பெயர்த்தே
சுவரில் எரியும் கார்

18.
ஹெலிகாப்டர் தும்பி
வானில் பற்பல சாகசங்கள்
பூவில் அருந்துமோ தேன்?

*****

ravisekar
12-11-2015, 05:21 PM
மிக் மிக அழகான ஹைக்கூ காட்சிகள். கார் லைட் சுவரில் எறியும் மரபிம்பங்கள், பிளாஸ்டிக் பூவை சுற்றும் வண்டு.. என எல்லாமே அருமை! சபாஷ் ரமணி!

ரமணி
13-11-2015, 02:46 PM
19.
கை தொட்டால் நசியும்
சுற்றிலும் மணம் கமழ்ந்த பாம்பு
உயிரிலா ஊதுபத்தி

20.
தூபம் ஊதுபத்தி
தீபம் கற்பூரம் உற்சவம்
நாளும் வேண்டும் கொசு

*****

ரமணி
14-11-2015, 01:40 PM
21.
தங்கச் சிறு கூண்டு
மங்காத ஆசை பலவிதம்
பங்கப் படுமே கிளி.

22.
அண்ணாந்து பார்த்தேன்
கண்ணாடி விரிசல் ஆச்சு
விண்ணின்று மழைத்துளி

*****

ரமணி
17-11-2015, 04:31 PM
25.
காற்றடித்து விழுந்தன
எண்ணற்ற நட்சத்திரங்கள்
அட, வேப்பம்பூக்கள்!

26.
தோட்டத்தில் புதுமலர்
அடைமழை நீரில் மிதந்தாடும்
சாக்கடைநீர் சல்லடை

*****

ரமணி
17-11-2015, 04:42 PM
23.
கன்னத்தில் மச்சம்
குழையக் காதல் தரும் மாலை
சின்னக் குழந்தை நகை

24.
நெகிழும் கண்ணாடி
செடி கொடி கல் ஆடவைக்கும்
மலையில் நீர்வீழ்ச்சி

*****

ரமணி
19-11-2015, 12:35 PM
27.
தென்னை மட்டை மேல்
காக்கை மூக்கைத் தேய்க்கும் ஒலி
பதுங்கும் அணில் குஞ்சு

28.
ஜலதரங்கம் கூட்டும்
தனி ஆவர்த்தனக் கச்சேரி
குளியல் அறை சல்லடை

*****

ரமணி
19-11-2015, 12:41 PM
ஹைக்கூவை அதன் உடலோடும் உயிரோடும் எழுத முயலும் என்னை ஊக்குவித்துப் பாராட்டும் ரவிசேகருக்கு மிக்க நன்றி.
ரமணி

ரமணி
20-11-2015, 01:51 PM
29.
வெய்யில் கல்தரை குடம்
தரையில் படும்துளி உடன்மறையும்
காக்கை மூக்கில் துளி

30.
சீனித் துகள் சுவைத்தே
காலை இழுக்கும் கட்டெறும்பு
பாலாடை வலையில்

*****

ரமணி
21-11-2015, 02:38 PM
31.
நள்ளிரவு மௌனம்
டிக்டிக் ஒலிக்கும் கடிகாரம்
நாணயம் விழும் சப்தம்

32.
தொட்டியில் காலிக் குடம்
நீர் மொள்ளும் சொம்பு குபுக் குபுக்
குழந்தை கால் உன்னும்

*****

ரமணி
22-11-2015, 12:38 PM
33.
மழையில் சிறு கப்பல்
இழுத்துக் கரை சேர்த்தது குழந்தை
தப்பும் கட்டெறும்பு

34.
வீறிடும் குழந்தை ஒலி
செய்வது அறியாத் தாய் திகைத்தாள்
நாக்கில் மிளகாய் விதை

*****

ரமணி
23-11-2015, 01:53 PM
35.
சீருடைச் சிறார் கலகல
ஆசையில் ஏங்கும் சிறுவன் முகம்
துருத்தியை இழுக்கும் கை

36.
அருவியாய் ஓடும் மழை
முள்மரம் முழுதும் வெண்மலர்கள்
காத்திருக்கும் கொக்குகள்

*****

ரமணி
24-11-2015, 01:06 PM
37.
கண்ணாடி முன்னே
பழிப்புக் காட்டி மகிழ் குழந்தை
மறைந்து ரசிக்கும் தாய்

38.
குருவியின் ஆக்ரோஷம்
தாழ்வார நிலைக்கண்ணாடி
குழந்தை கண்ணில் பயம்

*****

ரமணி
25-11-2015, 04:19 PM
39.
பழைய வாராவதி
காவிரி மேலே வாகனங்கள்
மின்தூண் சங்கீதம்

40.
மல்லாந்தே நடனம்
மரவட்டை செய்தது ஈர்த்தது
சுள்ளெறும்புகள் மொய்க்க

*****

செல்வா
25-11-2015, 07:06 PM
21.
22.
அண்ணாந்து பார்த்தேன்
கண்ணாடி விரிசல் ஆச்சு
விண்ணின்று மழைத்துளி

*****

மிக மிக இரசித்தேன். தொடர்ந்து எழுதுங்கள்..!

ரமணி
26-11-2015, 02:20 PM
41.
டி.வி.எஸ். 50
இருப்புப் பாதை சந்திப்பு
தெறித்து விழுந்த தலை!

42.
சின்னத் தவளை தலை
மெல்ல மெல்ல விழுங்கியது
ஒரு பாம்புக் குட்டி!

*****

ரமணி
27-11-2015, 01:25 PM
43.
தேங்கிய நீர் குறையும்
திணறும் மீன்கள் சுற்றிவரும்
சூரியன் தலைமேல் வர.

44.
அம்புலி உள்ளே முயல்?
மாலை மறையும் சூரியனுள்
மாடப் புறா சுற்றும்

*****

ரமணி
28-11-2015, 12:17 PM
28/11/2015
ஹைக்கூ, சென்ரியு வேறுபாடு
இப்படி எழுதினால் இது ஹைக்கூ அருகில்:

51.
கூர்ந்து காணும் முகம்
குழந்தை நட்பில் இன்னொரு உயிர்
என்-நத்தை இது இனி.

இப்படி யெல்லாம் எழுதினால் இவை நிச்சயம் சென்ரியு:

தன்னை அறிந்திடவே
நத்தை நோக்கும் குழந்தை முகம்
ஐம்புலன் கூட்டுக்குள்!

அப்பா போல் நத்தை
எத்தனை ஸ்லோ! எவ்வளவு கூல்!
அம்மாவும் ஆமை.

--ரமணி, 28/11/2015

*****

ரமணி
29-11-2015, 02:26 PM
27/11/2015
45.
புகையாய் ஓடும் முகில்
பௌர்ணமி நிலவு மூழ்கி எழும்
குழந்தை பார்க்கத் தாய்

46.
அந்தி நேர வான்
மரக்கிளைப் பறவைகள் மௌனத்தில்
அடங்காத புறாக்கள்

*****

ரமணி
30-11-2015, 02:54 PM
47.
எலிக்குறி தொடர்ந்திடவே
கணினித் திரைமேல் சிறுபூச்சி
முகமலர்ச் சிறுவன் கை.

[எலிக்குறி = mouse pointer]

48.
குஞ்சுக் கால் நடக்கும்
கட்டெறும்பு வரிசை பற்றி
தும்பி வட்டமிடும்

*****

ரமணி
09-12-2015, 02:43 PM
49.
முள்மரத்தில் கொக்குகள்
கறுப்பாய் ஒரு பறவை
பாடிக் களைத்த குயில்

50.
மழைநீர்த் தேக்கத்தில்
தலைகீழ் இயற்கை மனம் கவரும்
மனிதர் வழக்கம் போல்.

*****

ரமணி
16-12-2015, 01:24 PM
52.
கண்ணாடி வில்லை
வெய்யில் குவிக்கும் இரு சிறுவர்--
சிறுமியின் கவிழ்த்த கை

53.
சூரியன் தலைக்கு மேல்
வாய்நீர் விசிறும் சிறுவர்கள்--
காலடியில் வானவில்

*****

ரமணி
18-12-2015, 03:52 PM
54.
திருச்சி நெடுஞ்சாலை
மையிருள். பேருந்து பழுது--
மின்மினிப் புதர் விளக்கு!

09/12/2015
55.
தென்னையின் காய்ந்த மட்டை
இற்று நிலம் விழும் ஓசை--
கோழி கூரை தொடும்!

56.
ஆந்தைக்கண் விரித்து
ஆகாயம் நோக்கும் பொழுது--
ஒரே ஒரு நட்சத்திரம்!

*****

ரமணி
24-12-2015, 03:31 PM
11/12/2015
57.
தொங்கும் சிறு கம்பி
அலகால் முயலும் காக்கை--
நுனிக்காலில் குழந்தை!

58.
கண்ணுடன் கண் நோக்கக்
காக்கையைப் பார்த்தாள் என் மனைவி--
மாடியில் போட்ட வடாம்!

*****

ரமணி
02-02-2016, 01:13 PM
59.
வயல்சேற்றில் நகர்வது
வெள்ளைத் தாமரைப் பூக்களோ?
வாத்துகள் அணிவகுப்பு!

60.
ஜன்னல் கம்பியில் கண்--
வான்நின்று ஒரு நட்சத்திரம்
குழந்தை கண்ணில் விழும்!

*****

ரமணி
15-02-2016, 02:08 PM
16/12/2015
61.
மின்விசிறி அருகே
கூரையில் நீரலைகள் ததும்பும்--
பல்லியும் பச்சோந்தி!

62.
அணிலை விரட்ட
முருங்கை மரத்தை ஆட்டும் குழந்தை--
தரையில் பூக்கோலம்!

*****

ரமணி
19-02-2016, 02:58 PM
22/12/2015
63.
மரக்கிளைப் பறவைகள் சளசள
தூளியில் குழந்தை கண்பார்க்கும்--
தாயவள் கண்மூட!

64.
நாய் காலைத் தூக்கும்
கருவோலைப் பந்தல் பிரிப்பு--
பசுவுக்கு உணவு!

*****

ரமணி
28-02-2016, 05:34 AM
65.
இருளில் சதுப்பு நிலம்
குழந்தைக் குரல்கள் காதில் விழும்--
கானாங் கோழிகள் குழு!

66.
சிறகடித்துக் குளிக்கும்
குருவித் திரள் எங்கே போயின?
நுண்கதிர் தரும் அழிவு!

*****

ரமணி
15-03-2016, 03:55 PM
‪#‎ரமணி_ஹைக்கூ‬
67.
அலிமரக் கட்டை மேல்
ஊதா நிறத்தில் மீன் கொத்தி--
குரலில் திடுக்கிடும் குழந்தை!

68.
ஓயாது தேடும்
சின்னக் குருவி தேன்சிட்டு--
சீழ்க்கை காதுறுத்தும்!

*****

ரமணி
26-03-2016, 03:40 PM
69.
கண்டது மேய்ந்த பசு
வாலை வீசி அசைபோடும்--
கால் நடுவே கொக்கு!

70.
கடுகுக் கண்ணுடன் அணில்
குழந்தை தின்ன வாயசைக்கும்--
மார்பில் முதுகில் கை!

*****

ரமணி
28-04-2016, 02:48 PM
71.
தென்னையில் சலசலப்பு
விளக்கைப் போட்டுப் பார்த்தபோது--
குழந்தையின் ஆந்தை விழி!

72.
துரத்தும் கரையும் இனம்
பூனையின் வாயில் ஓர் காக்கை--
குழந்தை பரிதவிக்கும்!

*****

ரமணி
18-05-2016, 06:11 AM
‪#‎ரமணி_ஹைக்கூ‬
06/01/2016
73.
அதிகாலை ஐந்து
துவாதசிநாள் வெண்பிறை நாட்டியம்--
சிறுமுகில் நட்டுவனார்!

74.
நிலா அருகிலோர் விண்மீன்--
உன்னிப் பார்க்கும் சிறுகுழந்தை
பற்றும் முந்தானை!

*****

ரமணி
10-06-2016, 03:14 PM
‪#‎ரமணி_ஹைக்கூ‬
75.
மாமரம் மறைத்திருக்க
வடக்கில் சூரியன் அஸ்தமனம்--
ஓர் மாடி ஜன்னலில்!

76.
புதிதாய் வாசல் ராம்ப்
ஆசிர்வதித்தது பசு ஒன்று--
சாணி மூத்திரமாய்!

*****

ரமணி
15-07-2016, 02:39 PM
#‎ரமணி_ஹைக்கூ‬
77.
’அப்பா, உஷ்!’ குழந்தை.
நுனிக்கால் உன்னிக் காட்டியது--
குட்டைநீர் பருகும் புறா!

78.
’கொக்குக் கெத்னை கால்?’
’நீ சொல்லு...’ ’நாலு!’
குழந்தை வரைந்த படம் காட்டும்!

*****

ரமணி
15-08-2016, 05:32 AM
22/01/2016
79.
மாலை மென்காற்றில்
சீராய் மூச்சு சிலந்தி வலை--
உள்ளே சிலந்தி உடல்!

80.
எங்கோ குயில் கூவும்
குழந்தை மகிழ்வுடன் எதிரொலிக்கும்--
குயில் மட்டும் இன்று

*****