View Full Version : ரமணி ஹைக்கூ
ரமணி ஹைக்கூ
03/11/2015
1.
ஓவியக் கண்காட்சி
அகலும் விழிகள் நடுவே
கறுப்புக் கண்ணாடி
2.
அடைமழை அழிக்கதவு
ஓசையுடன் தாழ்ப்பாள் திறந்தார்
காற்றில் குழந்தையின் முகம்
3.
விண்வெளியில் பம்பரம்
சாட்டை எது? அப்பா ஆய்வு
மகன் கையில் பட்டம்
*****
4.
தோட்டத்தின் இருளில்
குழந்தை கையில் கண்ணாடி
சிரித்தது குழந்தை நிலா
5.
திருவிழாக் கரகாட்டம்
பொய்க்கால் குதிரைமேல் உட்காரக்
குழந்தை பிடிவாதம்
*****
6.
’கைலென்ன சொல்லு?’
குழந்தை முதுகின்பின் கைகள்
பார்த்தால் அந்துருண்டை!
7.
ஒலியற்ற இரவு
உள்முக சாதனை முயல்வில் நான்
சிள்வண்டின் அபஸ்வரம்
*****
8.
அப்பா பெருச்சாளி!
திடுக்கிட்டு விளக்கைப் போட்டேன்
ஜன்னலில் ரசித்தே மகன்
04/11/2015
9.
மழைத்துளி மாவிலை நுனி
சின்னத் துளி வண்ணம் வான்வில்
சிறைப்பட்டது ஓர் மலை
*****
ravisekar
06-11-2015, 12:11 PM
பல வித காட்சிகள். பல வித மன பிம்பங்கள். இலைநுனி நீர்த்துளியில் சிறைப்பட்ட மலை போல். தொடருங்கள். பாராட்டுக்கள் ரமணி.
05/11/2015
11.
அலையற்ற வானம்
இறகே துடுப்பாய் ஓர் படகு
நிலத்தில் கண். கழுகு!
12.
அடை மழை. பேய்க்காற்று.
மாலை. மின்வெட்டு. கம்பியில்
காக்கை இரண்டு தவம்.
*****
06/11/2015
13.
நெகிழி மலர்க்கொத்து
மேசை மேலே குடுவையில்
பூவண்டு தேடும்
14.
சுட்டெரிக்கும் வெய்யில்
சுவரோரம் வண்டி ஓய்வு
காளை வாயில் நுரை
*****
15.
கட்டாந்தரையில் கொக்கு
ஆழக் கொத்தி எடுப்பது எது?
எரிவாயு எண்ணெய்
08/11/2015
16.
எறும்புக்கு இட்டாள்
வாசல் அரிசி மாக்கோலம்
தின்றது காக்கை அணில்
*****
17.
இருளில் ஒளிவெள்ளம்
சாலை மரங்கள் பெயர்த்தே
சுவரில் எரியும் கார்
18.
ஹெலிகாப்டர் தும்பி
வானில் பற்பல சாகசங்கள்
பூவில் அருந்துமோ தேன்?
*****
ravisekar
12-11-2015, 04:21 PM
மிக் மிக அழகான ஹைக்கூ காட்சிகள். கார் லைட் சுவரில் எறியும் மரபிம்பங்கள், பிளாஸ்டிக் பூவை சுற்றும் வண்டு.. என எல்லாமே அருமை! சபாஷ் ரமணி!
19.
கை தொட்டால் நசியும்
சுற்றிலும் மணம் கமழ்ந்த பாம்பு
உயிரிலா ஊதுபத்தி
20.
தூபம் ஊதுபத்தி
தீபம் கற்பூரம் உற்சவம்
நாளும் வேண்டும் கொசு
*****
21.
தங்கச் சிறு கூண்டு
மங்காத ஆசை பலவிதம்
பங்கப் படுமே கிளி.
22.
அண்ணாந்து பார்த்தேன்
கண்ணாடி விரிசல் ஆச்சு
விண்ணின்று மழைத்துளி
*****
25.
காற்றடித்து விழுந்தன
எண்ணற்ற நட்சத்திரங்கள்
அட, வேப்பம்பூக்கள்!
26.
தோட்டத்தில் புதுமலர்
அடைமழை நீரில் மிதந்தாடும்
சாக்கடைநீர் சல்லடை
*****
23.
கன்னத்தில் மச்சம்
குழையக் காதல் தரும் மாலை
சின்னக் குழந்தை நகை
24.
நெகிழும் கண்ணாடி
செடி கொடி கல் ஆடவைக்கும்
மலையில் நீர்வீழ்ச்சி
*****
27.
தென்னை மட்டை மேல்
காக்கை மூக்கைத் தேய்க்கும் ஒலி
பதுங்கும் அணில் குஞ்சு
28.
ஜலதரங்கம் கூட்டும்
தனி ஆவர்த்தனக் கச்சேரி
குளியல் அறை சல்லடை
*****
ஹைக்கூவை அதன் உடலோடும் உயிரோடும் எழுத முயலும் என்னை ஊக்குவித்துப் பாராட்டும் ரவிசேகருக்கு மிக்க நன்றி.
ரமணி
29.
வெய்யில் கல்தரை குடம்
தரையில் படும்துளி உடன்மறையும்
காக்கை மூக்கில் துளி
30.
சீனித் துகள் சுவைத்தே
காலை இழுக்கும் கட்டெறும்பு
பாலாடை வலையில்
*****
31.
நள்ளிரவு மௌனம்
டிக்டிக் ஒலிக்கும் கடிகாரம்
நாணயம் விழும் சப்தம்
32.
தொட்டியில் காலிக் குடம்
நீர் மொள்ளும் சொம்பு குபுக் குபுக்
குழந்தை கால் உன்னும்
*****
33.
மழையில் சிறு கப்பல்
இழுத்துக் கரை சேர்த்தது குழந்தை
தப்பும் கட்டெறும்பு
34.
வீறிடும் குழந்தை ஒலி
செய்வது அறியாத் தாய் திகைத்தாள்
நாக்கில் மிளகாய் விதை
*****
35.
சீருடைச் சிறார் கலகல
ஆசையில் ஏங்கும் சிறுவன் முகம்
துருத்தியை இழுக்கும் கை
36.
அருவியாய் ஓடும் மழை
முள்மரம் முழுதும் வெண்மலர்கள்
காத்திருக்கும் கொக்குகள்
*****
37.
கண்ணாடி முன்னே
பழிப்புக் காட்டி மகிழ் குழந்தை
மறைந்து ரசிக்கும் தாய்
38.
குருவியின் ஆக்ரோஷம்
தாழ்வார நிலைக்கண்ணாடி
குழந்தை கண்ணில் பயம்
*****
39.
பழைய வாராவதி
காவிரி மேலே வாகனங்கள்
மின்தூண் சங்கீதம்
40.
மல்லாந்தே நடனம்
மரவட்டை செய்தது ஈர்த்தது
சுள்ளெறும்புகள் மொய்க்க
*****
செல்வா
25-11-2015, 06:06 PM
21.
22.
அண்ணாந்து பார்த்தேன்
கண்ணாடி விரிசல் ஆச்சு
விண்ணின்று மழைத்துளி
*****
மிக மிக இரசித்தேன். தொடர்ந்து எழுதுங்கள்..!
41.
டி.வி.எஸ். 50
இருப்புப் பாதை சந்திப்பு
தெறித்து விழுந்த தலை!
42.
சின்னத் தவளை தலை
மெல்ல மெல்ல விழுங்கியது
ஒரு பாம்புக் குட்டி!
*****
43.
தேங்கிய நீர் குறையும்
திணறும் மீன்கள் சுற்றிவரும்
சூரியன் தலைமேல் வர.
44.
அம்புலி உள்ளே முயல்?
மாலை மறையும் சூரியனுள்
மாடப் புறா சுற்றும்
*****
28/11/2015
ஹைக்கூ, சென்ரியு வேறுபாடு
இப்படி எழுதினால் இது ஹைக்கூ அருகில்:
51.
கூர்ந்து காணும் முகம்
குழந்தை நட்பில் இன்னொரு உயிர்
என்-நத்தை இது இனி.
இப்படி யெல்லாம் எழுதினால் இவை நிச்சயம் சென்ரியு:
தன்னை அறிந்திடவே
நத்தை நோக்கும் குழந்தை முகம்
ஐம்புலன் கூட்டுக்குள்!
அப்பா போல் நத்தை
எத்தனை ஸ்லோ! எவ்வளவு கூல்!
அம்மாவும் ஆமை.
--ரமணி, 28/11/2015
*****
27/11/2015
45.
புகையாய் ஓடும் முகில்
பௌர்ணமி நிலவு மூழ்கி எழும்
குழந்தை பார்க்கத் தாய்
46.
அந்தி நேர வான்
மரக்கிளைப் பறவைகள் மௌனத்தில்
அடங்காத புறாக்கள்
*****
47.
எலிக்குறி தொடர்ந்திடவே
கணினித் திரைமேல் சிறுபூச்சி
முகமலர்ச் சிறுவன் கை.
[எலிக்குறி = mouse pointer]
48.
குஞ்சுக் கால் நடக்கும்
கட்டெறும்பு வரிசை பற்றி
தும்பி வட்டமிடும்
*****
49.
முள்மரத்தில் கொக்குகள்
கறுப்பாய் ஒரு பறவை
பாடிக் களைத்த குயில்
50.
மழைநீர்த் தேக்கத்தில்
தலைகீழ் இயற்கை மனம் கவரும்
மனிதர் வழக்கம் போல்.
*****
52.
கண்ணாடி வில்லை
வெய்யில் குவிக்கும் இரு சிறுவர்--
சிறுமியின் கவிழ்த்த கை
53.
சூரியன் தலைக்கு மேல்
வாய்நீர் விசிறும் சிறுவர்கள்--
காலடியில் வானவில்
*****
54.
திருச்சி நெடுஞ்சாலை
மையிருள். பேருந்து பழுது--
மின்மினிப் புதர் விளக்கு!
09/12/2015
55.
தென்னையின் காய்ந்த மட்டை
இற்று நிலம் விழும் ஓசை--
கோழி கூரை தொடும்!
56.
ஆந்தைக்கண் விரித்து
ஆகாயம் நோக்கும் பொழுது--
ஒரே ஒரு நட்சத்திரம்!
*****
11/12/2015
57.
தொங்கும் சிறு கம்பி
அலகால் முயலும் காக்கை--
நுனிக்காலில் குழந்தை!
58.
கண்ணுடன் கண் நோக்கக்
காக்கையைப் பார்த்தாள் என் மனைவி--
மாடியில் போட்ட வடாம்!
*****
59.
வயல்சேற்றில் நகர்வது
வெள்ளைத் தாமரைப் பூக்களோ?
வாத்துகள் அணிவகுப்பு!
60.
ஜன்னல் கம்பியில் கண்--
வான்நின்று ஒரு நட்சத்திரம்
குழந்தை கண்ணில் விழும்!
*****
16/12/2015
61.
மின்விசிறி அருகே
கூரையில் நீரலைகள் ததும்பும்--
பல்லியும் பச்சோந்தி!
62.
அணிலை விரட்ட
முருங்கை மரத்தை ஆட்டும் குழந்தை--
தரையில் பூக்கோலம்!
*****
22/12/2015
63.
மரக்கிளைப் பறவைகள் சளசள
தூளியில் குழந்தை கண்பார்க்கும்--
தாயவள் கண்மூட!
64.
நாய் காலைத் தூக்கும்
கருவோலைப் பந்தல் பிரிப்பு--
பசுவுக்கு உணவு!
*****
65.
இருளில் சதுப்பு நிலம்
குழந்தைக் குரல்கள் காதில் விழும்--
கானாங் கோழிகள் குழு!
66.
சிறகடித்துக் குளிக்கும்
குருவித் திரள் எங்கே போயின?
நுண்கதிர் தரும் அழிவு!
*****
#ரமணி_ஹைக்கூ
67.
அலிமரக் கட்டை மேல்
ஊதா நிறத்தில் மீன் கொத்தி--
குரலில் திடுக்கிடும் குழந்தை!
68.
ஓயாது தேடும்
சின்னக் குருவி தேன்சிட்டு--
சீழ்க்கை காதுறுத்தும்!
*****
69.
கண்டது மேய்ந்த பசு
வாலை வீசி அசைபோடும்--
கால் நடுவே கொக்கு!
70.
கடுகுக் கண்ணுடன் அணில்
குழந்தை தின்ன வாயசைக்கும்--
மார்பில் முதுகில் கை!
*****
71.
தென்னையில் சலசலப்பு
விளக்கைப் போட்டுப் பார்த்தபோது--
குழந்தையின் ஆந்தை விழி!
72.
துரத்தும் கரையும் இனம்
பூனையின் வாயில் ஓர் காக்கை--
குழந்தை பரிதவிக்கும்!
*****
#ரமணி_ஹைக்கூ
06/01/2016
73.
அதிகாலை ஐந்து
துவாதசிநாள் வெண்பிறை நாட்டியம்--
சிறுமுகில் நட்டுவனார்!
74.
நிலா அருகிலோர் விண்மீன்--
உன்னிப் பார்க்கும் சிறுகுழந்தை
பற்றும் முந்தானை!
*****
#ரமணி_ஹைக்கூ
75.
மாமரம் மறைத்திருக்க
வடக்கில் சூரியன் அஸ்தமனம்--
ஓர் மாடி ஜன்னலில்!
76.
புதிதாய் வாசல் ராம்ப்
ஆசிர்வதித்தது பசு ஒன்று--
சாணி மூத்திரமாய்!
*****
#ரமணி_ஹைக்கூ
77.
’அப்பா, உஷ்!’ குழந்தை.
நுனிக்கால் உன்னிக் காட்டியது--
குட்டைநீர் பருகும் புறா!
78.
’கொக்குக் கெத்னை கால்?’
’நீ சொல்லு...’ ’நாலு!’
குழந்தை வரைந்த படம் காட்டும்!
*****
22/01/2016
79.
மாலை மென்காற்றில்
சீராய் மூச்சு சிலந்தி வலை--
உள்ளே சிலந்தி உடல்!
80.
எங்கோ குயில் கூவும்
குழந்தை மகிழ்வுடன் எதிரொலிக்கும்--
குயில் மட்டும் இன்று
*****