PDA

View Full Version : அரிது அரிது



vasikaran.g
31-07-2014, 11:35 AM
அரிது ! அரிது!
இவை எல்லாம்
காண்பது அரிது !

இமைக்காத மனிதன் ,
இளைக்காத நிலவு
களிக்காத உறவு !

சலியாத மனது
இனிக்காத மழலை
உழைக்காத எறும்பு
குறைக்காத நாய் !

அழுவாத மேகம்
அது இல்லாத வானம்
அக்னி இல்லாத யாகம் !

உதிராத மலர்
உறையாத உதிரம்
ஓடாத முயல்
நீந்தாத கயல் !

வளையாத நாணல்
கொட்டும் மழைக்குப்பின்
குரலெழுப்பாத நுணல் !
வெள்ளாமை விளையும்
கடல் மணல் !

இரவில் வளம் வரும்
சிவப்பு சூரியன் !
நிறைவான நினைவுகொண்ட
தெளிவான காரிகை !
கரையாத கழியாத
சிலையான நாழிகை !


கேலி செய்யாத தோழிகள்
ஊழி செய்யாத மானுடம்
தாய்மையை விரும்பாத பெண்மை !
ஏழ்மையை விரும்பும் ஆண்மை !

மேடு நோக்கிப்
பயணிக்கும் நதி !
குறைகளே இல்லாத
மனிதப் பிறவி !
குறை காணாத சுற்றம் !

அரிது ! அரிது !
இவை எல்லாம்
காண்பது அரிது !

வசிகரன்.க