PDA

View Full Version : கோடை விடுமுறையில் ஒருநாள் ...!!



பாவூர் பாண்டி
04-04-2014, 03:39 AM
ஊதா மை நிரப்பி
தேர்வுத் தாள் பார்த்த
எழுது கோலில்...
வாழைக் கரை பிழிந்தளந்து
நண்பனின் சட்டையில்
நட் பெழுதி வைக்கும் நாள்
கோடை விடுமுறையின்
தொடக்க நாள்........

ஊத்தப் பல்லு
உற்சாகத் தோடு
உண்ண மறக்கும்
காலைப் பொழுதில்
கோலி யடித்தும்
பம்பரம் சுத்தியும்
ஓடித் திரிந்தே
நீளும் பொழுதுகள்....

உச்சி வெயில்
வெக்கை அறியாமல்
தோட்டஞ் செல்ல
துள்ளல் நடையில்
தூரம் போவோம்
அப்பாம்மையின் வழி தொடர்ந்தே...

ஆங்கே!!
நிழல் பரப்பி
விரிந்திருக்கும்
வேப்ப மரம்
வெக்கை தணித்து
வியர்வை துடைக்கும்...

வேப்பம் பூ
உதிர்ந்து கிடக்கும்
மண் நிலத்தில்..
மஞ்சள் வண்ணக்
கனியும் கிடக்கும்..
ஆம்! கனி கிடக்கும்..
தாகம் தீர்க்கும்
திகட்டாச் சுவை
தரும் வேப்பம் பழம்
கிடக்கும்..!!

இன்றோ .....
நகரத்துப் பாட்டிகள்
எங்கழைத்துப் போவார்கள்
தன் பேரனை
வேப்பம் பழச்சுவை அறிய...
கசந்து நிற்கும்
நகர வாழ்வில்....?

மும்பை நாதன்
04-04-2014, 06:22 PM
தொலைக்காட்சியும், கணிணியும் கைபேசியும் களவாடித்தொலைத்துவிட்ட பொக்கிஷ தருணங்களை உங்கள் கவிதை நினைவூட்டுகிறது. அருமை.

lenram80
02-05-2014, 04:51 PM
நிழலோடு மணலோடு கருமண்ணு உடலோடு
விளையாண்டது ஒரு காலம்!
காலங்கள் போடுது கோலங்களே!
உன் குத்தமா? என் குத்தமா?
யாரை நான் குத்தம் சொல்ல? (அழகி படப் பாடல்) எனக்கு நினைவுக்கு வரவழைத்தது , பாவூர் பாண்டி - உங்களின் ஏக்கம்.

கவலைப்படாதீர்கள். உஙளோடு அதே கவலையை நானும் பட்டுக்கொண்டிருக்கிறேன். இதில் நீங்கள் தனி ஆள் இல்லை என்பதால் கவலைப் படாதீர்கள்

பாவூர் பாண்டி
05-05-2014, 03:27 AM
நன்றி நண்பரே..

பாவூர் பாண்டி
05-05-2014, 03:29 AM
நன்றி நண்பா..
நினைவுகளோடு நீச்சல் போடுவது சுகம்தானே..


நிழலோடு மணலோடு கருமண்ணு உடலோடு
விளையாண்டது ஒரு காலம்!
காலங்கள் போடுது கோலங்களே!
உன் குத்தமா? என் குத்தமா?
யாரை நான் குத்தம் சொல்ல? (அழகி படப் பாடல்) எனக்கு நினைவுக்கு வரவழைத்தது , பாவூர் பாண்டி - உங்களின் ஏக்கம்.

கவலைப்படாதீர்கள். உஙளோடு அதே கவலையை நானும் பட்டுக்கொண்டிருக்கிறேன். இதில் நீங்கள் தனி ஆள் இல்லை என்பதால் கவலைப் படாதீர்கள்

பாவூர் பாண்டி
05-05-2014, 03:32 AM
தொலைக்காட்சியும், கணிணியும் கைபேசியும் களவாடித்தொலைத்துவிட்ட பொக்கிஷ தருணங்களை உங்கள் கவிதை நினைவூட்டுகிறது. அருமை.

உண்மைதான் நண்பரே..சில நாட்களுக்கு முன் ஊர் சென்று பார்த்தபோது, விளையாடும் ஒரு சிறு பிள்ளையை கூட காண முடியவில்லை, இத்தனைக்கும் இது கோடை விடுமுறை காலம் வேறு..