PDA

View Full Version : ஓ நயாகராவே பனியாக உறைந்ததேன்..?



சுதா
11-01-2014, 02:29 PM
http://eluthu.com/images/poemimages/f17/faqmy_170728.jpg

ஓ நயாகராவே
அந்தப் பாறை முகடுகளில்
பாட்டொன்றை
பாடிக் கொண்டிருந்தாயே
இன்று
மௌனமானதேன்...???

ஓய்வின்றி ஓடி ஓடி
கலைத்து விட்டாயோ..?
இன்று
ஓடாமல் ஓய்வெடுக்கிறாய்..!!!

மென்மையான மேனியை
வெண் படிகமாக்கி
பாய்ந்தோடாமல் படர்ந்துள்ளாய்.
இது என்ன
புது வித போராட்டமோ..???

எந்த கறையான்
உன் பளிங்கு உடலில்
பனிப் புற்றெழுப்பியது..?

மலையில் முக கண்ணாடியாக
தொங்கி கொண்டிருந்தாயே
இன்று கிழே விழுந்து
பனித் துகள்களாக சிதைந்தாயோ..!!!

தொட்டால் கலைந்துவிடும்
நீர்க் கோலமே - இன்று
கனத்த பனிக் கல்லனாயே..!!!

பசியறிந்து பாலுட்டும்
தாயாக
வனம் வயலுக்கெல்லாம்
பாய்ந்தோடி பாலுட்டினாயே
இன்று
பனியாக உறைந்ததேன்..???

அருவியாக வீழ்ந்து
ஆறாக எழுச்சியடைந்து
அழகாக எடுத்துரைத்தாய்
வீழ்ச்சியில் எழுச்சியென்று
இன்று
நீயே வீழ்ந்ததேன்...?

திரவ தேக தேவதையே
அகத்திலென்ன தீராத சோகமா ?
நேற்று வரை
வெண் புகையாக புகைந்து
இன்று
பனியாக உறைந்து விட்டாய் .!!!!



இன்று நயாகரா
கிட்டத்தட்ட முழுமையாக உறைந்து விட்டது.
அதனை எண்ணி எழுதியது.
எனது இனிய பொங்கல் வாழ்த்துக்கள்.

--- சுதா ---

vasikaran.g
12-01-2014, 10:51 AM
அமெரிக்காவின் அழிச்சாட்டியம் தாங்கமுடியாமல் நயாகராவும் மௌனமானதோ ...
உங்கள் கற்பனை கவிக்கிறது .