கறை நல்லது

[M.Jagadeesan]

பள்ளி செல்லும் பிள்ளைக்கு
படிப்பில் அக்கறை நல்லது.

மாதர் பருவம் எய்தினால்
காதலில் அக்கறை நல்லது.

வரவில் செலவை அடக்கியே
வாழும் அக்கறை நல்லது.

உறவுக்குள் துன்பம் வந்திட்டால்
உதவும் அக்கறை நல்லது.

வாழும் நாளைத் தொடங்கிட
வைகறைப் பொழுது நல்லது.

[ஜானகி]

மனித சமுதாயம் பயனுற நீங்கள் காட்டும் அக்கறையும் மிக மிக நல்லதே...!

[அமரன்]

ஞானகி அம்மாவின் கருத்தை வழிமொழிகிறேன்.

[நாஞ்சில் த.க.ஜெய்]

கறை கொண்ட இதயங்கள் உலவும் உலகில் அக்கறையுடன் கூறிய கவிதை அருமை ...

[A Thainis]

பொழுதும் நாம் மேற்கொள்ளும் செயலும் சிறப்பாய் இருந்திட தேவை நிச்சயம் வைகறை வணக்கம், வைகறை துயில் எழுதல் நம் வாழ்வுக்கே நன்று.

[கலைவேந்தன்]

சமூகத்தின் பேரில் தாங்கள் காட்டும் அக்கறை மிகவும் நல்லது. பாராட்டுகள் ஐயா..!

[கீதம்]

வாழ்க்கையின் நல்ல கறைகளைக் காட்டி, தத்தளிக்கும் மனங்களைக் கரைசேர்க்க உதவும் தங்கள் கவிதை அசத்தல். பாராட்டுகள் ஐயா.

[M.Jagadeesan]

ஜானகி, அமரன், ஆ.தைனிஸ்,கலைவேந்தன்,நாஞ்சில்.த.க.ஜெய்,கீதம் ஆகியோரின் பாராட்டுக்கு நன்றி!

[ஜானகி]

ஞானகி அம்மாவின் கருத்தை வழிமொழிகிறேன்.

என்னை ஞானியாக்கியதற்கு மிகவும் நன்றி...!

[அனுராகவன்]

அக்கறை காட்டி
இக்கறை என்னை
இழுத்த உங்கள்
நல் கவிக்கு என்
நன்றிகள்........