ஏந்த்திகெனி - 4 - தொடர்ச்சி 1

[சொ.ஞானசம்பந்தன்]

(கிரியனின் பேச்சு தொடர்கிறது )

ஆதலால் மகனே , எதிரியென அவ்ளையிகழ்.
அவள்தேடிக் கொள்ளட்டும் கணவனைக் கீழுலகில்.
எகிறினாள் தடைமீற வெளிப்படை யாகவே.
நகரம் முழுதிலும் தனியொருத்தி தானவள் .
தலைவனா கியவென் சொல்லை நகரம்
கேட்டல் வேண்டும் , நியாயமோ அல்லவோ .
ஆணை யிடுபவனுக் கடங்கி நடவாமை
அதைவிடப் பெரிய கெடுதி யில்லை !
( தொடரும் )

-------------------------------------------------------------------------------------

[கலையரசி]

மகன் அவளைத் துறக்க வேண்டும் என்ற காரணத்துக்காக எப்படியெல்லாம் தான் செய்ததை நியாயப்படுத்திப் பேசுகிறான் கிரியன். பேச்சு மிகவும் யதார்த்தமாக இருக்கிறது. மொழியாக்கத்துக்கு நன்றி.

[சொ.ஞானசம்பந்தன்]

பின்னூட்டத்துக்கு மிக்க நன்றி .

[கீதம்]

ஆள்பவன் சொல்லில் நியாயமிருக்கிறதோ இல்லையோ, அதை மீறாமல் வாழ்வதே குடிமக்களின் கடன் என்னும் கிரியனின் பேச்சு, ஆளும் வர்க்கத்தினருக்கே உரிய அகம்பாவத்தைப் பறைசாற்றுகிறது. சிரத்தையுடன் மொழிபெயர்த்து படிக்கத் தருவதற்கு மிகுந்த நன்றியும் பாராட்டும்.

[சொ.ஞானசம்பந்தன்]

பாராட்டியதற்கு மிக்க நன்றி .