PDA

View Full Version : கவனம்..சப்தம் .



கலாசுரன்
20-01-2012, 08:17 AM
*
கொடிய அழுத்தம் நிறைந்த
பகல்களால்
நசுக்கப்பட்ட இரவு இது

நீங்களும் நானும்
மௌனத்தை தரையில் விரித்தபடி
உட்கார்திருக்கிறோம்

இங்கு எங்காவது
பதுங்கியிருக்கக் கூடுமொரு சப்தம் ..
கவனம்..

ஒலியின் அதிர்வலைகளில்
மோதிப் பிளவுறக்கூடுமிந்த
இரவின் கவசம்

வெடித்துச் சிதற காத்திருக்கும்
அடர்த்தி மிகுந்த இந்த இருள்
சிதறுமாயின்

பல பகல்களை
பாரபட்சமின்றி
மூழ்கடித்துவிடும் நிச்சயம்

உங்கள் கழுத்தில் பொதிந்து வைத்திருக்கும்
ஓசையின் யாழினை
உங்கள் மூச்சுக் காற்றால் கூட
தீண்டாதிருங்கள்

ஒரு முறை கூட எச்சரிக்கிறேன்
கொடிய அழுத்தம் நிறைந்த
பகல்களால்
நசுக்கப்பட்ட இரவு இது..
***

கலாசுரன்

matheen
21-01-2012, 02:25 PM
நல்ல கவிதையின் அம்சம் ஒரு விடயத்தை வாசகனின் சிந்தையில் ஊரச்செய்யும் திறனே,
நல்ல வாசகனின் அம்சம் எழுத்தாளன் எதை சொல்ல வருகிரார் என்பதை புரிந்து கொள்வதே ஆனால்
இதில்
யார் செய்த குற்றமோ ?
எனக்கு கவிதையின் உள்ளர்த்தம் புரியவில்லை (ஏகப்பட்ட அர்த்தம் தெரிகிறது)

அக்னி
27-01-2012, 10:56 AM
பகலின் அழுத்தங்களைக் குறைக்கத்தானே
இரவின் நிசப்தம்???

இரவுக்குள் புகும் மாலை வாசலோடு
அழுத்தக் காலணிகளையும் கழற்றிப் புகு.

இரவின் நிசப்தத்திற்குள்
மனதின் சப்தங்கள் எழாதிருந்தாலே,
அடுத்த பகலின் அழுத்தங்கள்
தொடர்ச்சி ஆகாமல், ஆரம்பமாகும்...

ஆதி
27-01-2012, 12:01 PM
(ஏகப்பட்ட அர்த்தம் தெரிகிறது)

எல்லாமே அர்த்தம் தான்

ஆதவா
27-01-2012, 04:00 PM
நல்ல வாசகனின் அம்சம் எழுத்தாளன் எதை சொல்ல வருகிரார் என்பதை புரிந்து கொள்வதே

நல்ல வாசகனின் அம்சம் படைப்பை உணர்வது!
புரிந்து கொள்ளுதல் எனும் நிலைதாண்டி, நீங்கள் கவிதையில் என்ன உணர்கிறீர்களோ அதுவே கவிதையின் அர்த்தம்!! வான்காவின் Starry Night ஓவியத்தைப் பாருங்கள்... ஒன்றும் இல்லை அல்லது புரியாது முதலில்.. ஆனால் நன்கு பாருங்கள், அது எவ்வளவு தூரம் இழுக்கிறது என்பதை உணரமுடியும்!

@ கலாசுரன்...

முதல் வரியிலேயே (முத்தெடுக்க) மூழ்கச் செய்துவிட்டீர்கள் என்னை. எவ்வளவு அழுத்தமான வரி அது!! எதனெதனோடோ பொருத்திப் பார்க்கத் தோணுகிறது. அழுத்தங்கள் நிறைந்த எனது மதிய வேளை திரையில் செயற்கையாக ஓடுவதை உணர முடிகிறது!! கவிதை முழுவதுமே கவனமாகவே வார்த்தைகளைக் கையாண்டிருக்கிறீர்கள்..

நேரம் கிடைத்தால் உங்களது மற்ற கவிதைகளையும் படித்துவிடுகிறேன்!!
வாழ்த்துக்கள்!!!