இனிய புத்தாண்டே வருக....!

[govindh]

இனிய புத்தாண்டே வருக....!
இன்பமெல்லாம் பெருக...
இனிய நிகழ்வுகள் தருக...!

மழை வளம் பெருகட்டும்...
மண் வளம் கொழிக்கட்டும்...!

மனித மனங்கள் மலரட்டும்...
புனித செயல்கள் தொடரட்டும்...!

உழைப்பினை ஒளிர வை...
ஊழலை ஒழிய வை...!

விண்ணைத் தொடும்
விலைவாசியினைக்
கீழ் கட்டுக்குள் கொண்டு வா...!

மண்ணைத் தொடும்
விவசாயியினை-
மேல் தட்டுக்குள் கொண்டு போ...!

நல்லதையெல்லாம் நடத்திக் காட்டு...!
அல்லதையெல்லாம் அழித்து விரட்டு...!

நேசம் உருப் பெறட்டும்...
தேசம் வலுப் பெறட்டும்...!

எல்லையில்....
முள்வேலி முறியட்டும்...!
நட்புப் பூக்கள்...மலரட்டும்...

சமாதானப் பக்தி பெருகட்டும்....
சகோதரத்துவச் சக்தி உருவாகட்டும்...!

இனிய புத்தாண்டே வருக....!
இன்பமெல்லாம் பெருக...
இனிய நிகழ்வுகள் தருக...!

[நாஞ்சில் த.க.ஜெய்]

நனவாகா இனிய கனவுகள் நனவாகும் எனும் இனிய கனவுகளோடு வரவேற்போம் இந்த இனிய புதுவருடத்தை....

[govindh]

மிக்க நன்றி...நாஞ்சில் த.க.ஜெய்.
வாழ்த்துக்கள்...!

[அக்னி]

கூடவே,
இயற்கைச் சீற்றங்கள் இனியும் தொடராதிருக்கட்டும்...

புத்தாண்டுக் கவிதை சொல்வன நிகழ்ந்தேறட்டும்...

[கீதம்]

புத்தாண்டை வரவேற்கும் கவியோடு மன்றம் வந்த உங்களுக்கு மகத்தான வரவேற்பு, கோவிந்த்.

நட்பின் பூக்கள் அனைவரது மனங்களிலும் மலரட்டும். வாழ்த்துக்கள்.

[meera]

இந்த புத்தாண்டு கவிதை அருமை. எல்லோர் வாழ்விலும் எல்லா வளமும் நலமும் பெற்று வாழ அனைவருக்கும் என் வாழ்த்துகள்.

[govindh]

புத்தாண்டை வரவேற்று...
வாழ்த்திய அன்பு உறவுகள்....
அக்னி, கீதம், மீரா -அனைவருக்கும் மிக்க நன்றி...!
வாழ்த்துக்கள்...!:)

[ந.க]

நயமான நற் தமிழால்
நல்லிதயம் ஊற்றி
மண் மணக்க
மனம் படைத்த
உங்கள் உயரிய படைப்புக்கு நன்றி.........

[கோபாலன்]

புத்தாண்டு கவிதை அருமை .:)